Saturday, July 23, 2005

الحصوه الشريفه

موعدنا اليوم مع اعلان النتيجه "فكر معانا"
ولا هيه زتونه ولا غطا حله و لا فطار السيد الريس -اللى ولاد الحرام بيقولوا انه بيفطر جمبرى موش زتونه- ولا هو طبق طاير ولا اى حاجه م الحاجات دى
وطبعا تحجب الجايزه -القلم الرصاص ابو استيكه-
الموضوع ببساطه
"حصوه"
لا اوعى موش اى حصوه
دى حصوه عمرو خالد يعنى حصوه تستبارك بيها منك له
ادخل شوف
الموضوع ومافيه ان الراجل عمل المراره ,فيها حاجه دى؟
والحمدلله ربنا كرمه -عشان خاطر النهضه وعشان خاطرنا احنا الشباب الغلبان اللى هياخد بيده الاستاذ- والعمليه نجحت وطلع الحصوه
انا موش شايفه فيها حاجه لحد هنا
بس والنبى لازمته ايه يصورلنا الحصوه ويتصوره قبل العمليه وبعد العمليه ويتصور جنب الحصوه
انا عرفت الموضوع بالصدفه وانا بعمل شات مع صديق ذو ميول اخوانيه قويه بعد مابعتله الصوره اللى محطوطه ف مدونه
حدوته مصريه واتناقشنا فيها وايه اللى وصلهم الفكره دى عن الاسلام
وبعدين تقريبا حب يحرق دمى زى مانا حرقت دمه

اسمحولى انى انقلكو جزء من المحادثه
انا:
حاضر يازهر
هو: ابو داود
ابو داوود :
http://www.amrkhaled.net
/gallery/gallery167.html
حاضر يازهر,ت: هات مع انى مبحبوش
حاضر يازهر,ت: سورى يعنى ايه الارف ده انا مال اهلى يعمل المراره ولا يعمل اللوز
حاضر يازهر,ت: ايه الهبل اللى هو حاطه ده
ابو داوود: هههههههههههههههههه
حاضر يازهر,ت: لابجد المفروض انى استفيد ايه بقى
ابو داوود: ونزل عريضه بالعنجليزي يدين هجمات لندن
حاضر يازهر,ت: لا ناصح
حاضر يازهر,ت: ومصور الحصوه يمكن حد يحب يتصور جنبها ولا حاجه
ابو داوود: بركاتها
ابو داوود: انتى مش همك حد خالص
حاضر يازهر,ت: انا عايزه اعرف حاجه؟
حاضر يازهر,ت: انت باعتلى اللينك ده ليه؟
حاضر يازهر,ت: اوعى تكون فاكرنى عايزه اتصور جنب الحصوه
ابو داوود:ههههههههههههههههههه
ابو داوود: كنت عايز اوريكي عريضه ادانه هجمات لندن وبعدين قولت اما وريكي مراته
حاضر يازهر,ت:وبعدين قولت لما تورينى الحصوه والله يااخى حاجه تفقع ع المسا
ابو داوود:ثروه انتى رايك ايه ف ابو مصعب الزرقاوى
حاضر يازهر,ت: مش ده بتاع الثوره الاسلاميه الكبرى
ابو داوود : خدى اللينك ده
.............
حاضر يازهر,ت: احمد اوعى تكون حصوه الزرقاوى
ـــــــــــــــــــــــــــــــــــــــــــــــــــــــــــــــــــــ
ملحوظه:واخدين بالكو من دى
عدد المشاهدة:161905
هتشـــــــــــــــــــــــــــــــــــــــــــــــــــل

5 comments:

Anonymous said...

Set up a protest against terrorism tomorrow in the streets of Cairo. Do it. Call everyone you know, join together, link up this Egyptian blogosphere and to the streets.

Karim Elsahy

أحمد said...

معلهش بس انا شخص ابيح و قلل الادب
**************
*********
**********
*******
و الله انا مش عارف اسب و لا اشتم و لا اقول ايه
الشتايم عماله تخرج من فمى متلخبطه في بعضها البعض


--------
مسخرة

Zeryab said...

إيه البخل ده طب خليها أستيكة من غير قلم رصاص

Hany Mihanny said...

انا قلت انها بعتة من الاول محدش صدق
قال ثروة قال
عموما الحمد الله انها حصوة مش الحجر الاسود

SaSo said...

ياسلاااااام يعنى كأن حد عرف اجابه وانا اتأخرت
المره الجايخ انشالله الجايزه بيجو 307 سى سى