Friday, February 18, 2011

لماذا ثار المصريون

بالطبع العنوان مقتبس عن لد.علاد الاسوانى "لماذا لايثور المصريون" انا مقريتوش واكيد موش هقراه لأن السؤال اللى بيعكف على اجابته دلوقتى معظم اساتذه علم النفس السياسى والمنشغلين بصنع القرار وأغلب العاملين بالمطبخ السياسى ابتدءا من الولايات المتحده اللى كانت مستاءه جدا ازاى انها مقدرتش تتنبأ بثوره المصريين قبل قيامها و طبعا كل قاده المنطقه العربيه اللى بقوا قاعدين على عروش بتتمايل بهم ذات اليسار وذات اليمين,ولكن اذا كانو فعلا انشغلوا باسباب ثوره المصريين ليه ماشيين على نفس النهج الديكتاتورى العتييييييييييييييييييييييق ,ده موش التاريخ بس اللى بيعيد نفسو الدكتاتور بيستنسخ نفسو ومصمم يستفزشعبو وبيكرر نفس اخطاء اخيه الدكتاتور ببراعه منقطعه النظير ,موش فاهمه مستنى ايه غير انو هيلاقى نفس المصير ؟؟؟
نسيب دكتاريو المنطقه كلا ياخد اللى فيه القسمه ونرجع لمرجوعنا "لما لا يثور المصريون"
عندما سال وحيد حامد كان رده: المصريين ريحوا خلاص
و د.احمد عكاشه:رغى كتير ف كلام من نوعيه ان المصرى جذوره مرتبطه بالنيل فخد منو الثبات والانتماء للارض ومعرفش ابصر ايه ايه كده المهم الراجل قالها صريحه ان المصرى لم ولن يثور
ردى انا بقا ع السؤال ده كان:المصريين بيعتبروا الحكومه زى الحر والزلازل والبراكين ,قضاء وقدر
ممكن تغير القدر؟؟ ,وكذلك الحكومه
ممكن حتى تعترض ع القدر؟؟
مع الخلطه الوهابيه اللى كان لاقت هوى فى نفس كل من الشعب لمرجعيته الدينيه والحكومه لانها تروج الى "واطيعوا الله ورسوله واولى الامر منكم" وان الشعب اللى يقول للحاكم لأ تبيت الملائكه تلعنه حتى طلوع الشمس وان حرام اخر حاجه الخروج على الحاكم حتى لو كان ظالم ,فاسد, غير مقيم للصلاه !!!
اسمحلى , انت لو طول عمرك عايش ف خرابه هتعرف النضافه منين؟؟ هتبقا فاكر ان خرابتك دى احسن مكان ف الدنيا وان كلو كده
من هذا المنطلق-التصريح العنترى من د.أحمد عكاشه و التعود على تأهليه الحاكم وان المصرى بحكم نشأته يبحث عن فرعون يعبده- النظام حط ف بطنو بطيخه صيفى وعاث ف الأرض الفساد
لكنو نسى حقيقه بسيطه اوى:الضغط يولد الانفجار
اه م الضغط اه
ثار المصريون لما مطالب بتوع السياسيه والحريات والديموقراطيه وحقوق الانسان -ايوه العيال بتوع الفيس بوك اللى هما احنا- اتحدت مع البروليتاريا والمطالبين بحد ادنى للأجور1200 جنيه
خلطه ذات نتائج مبهره فهى نفس الخلطه التى اودت بحياه بالسادات فى 81,السادات اعتقل جميع التيارات اتحدت جميع قوى الشعب على كرهه والاطاحه به
لن ننسى طبعا العوامل اللى قتلت كلاما من
الحاشيه الفاسده,صحاب البيه الصغير والسيناريو الفج للتوريث
خالد سعيد الذى اسقط الداخليه سقوط مدوى وهى تحاول بكل ثقلها الدفاع عن 2 مخبرين اذا كان التعذيب -كما تدعى عمل فردى وليس سياسه منظمه- لماذا لا تغسل يديك من عار المعذبين وتقدمهم ككبش فداء!!!
وتزوير الانتخابات الذى وصف بانه تجاوز الذوق العام للاهانه
النظام تعمد اهانه المواطن قولا وفعلا ووضع كل المستفزين ف مقدمه الصفوف عملا بمبدأ ان كان عاجبك
وطبعا القشه التى قصمت ظهر البعير ,اللى هو ميفرقش كتير عن النظام
"تونس"
تونس لم تكن المحرض على ثوره انها فقط بمثابه العامل الحفاز فى التفاعل الكيميائى الهدف منه ليس الا اسراع الطبخه
تونس اثبتت ان الثوره ليست بالصعوبه اللى فى مخيلتنا
تونس فقط جعلتنا نخجل من انفسنا,اصبح الواحد منا يخجل من النظر فى وجه اخيه بل أصبح يخجل من النظر فى مراه الحمام صدفه
اسوأ انواع الخجل هو الممزوج بالعار واى عار على من ضيع وطنا؟؟؟ ماذا سأقول لابنى!!! عندما يسألنى كيف صرنا هكذا؟؟؟
تونس علمتنا الدرس الأغلى -سيبك من انهم ف الاخر خدوا خازووق ومشوا بنى على قام جالهم الغنوشى,ادعوا الله ان نسفيد من هذا الخازووق -الدرس الأغلى "الحلم" رفع سقف المطالب ,لماذا نقبل ب1200 جنيه لماذا تلقوا لنا بالفتات لماذا لا يكون مطالبنا اسقاط النظام
بلغه الحرب تعلمنا ان نكسب ارضا , كل انتصار يليه انتصار جديد, كل خطاب رئاسى لن يكون الا مجموعه من التنازلات
اذكر الرابع عشر من يناير واذكر اننا ابدلنا صورنا الشخصيه على كتاب الوجه بالعلم التونسى واذكر اننى لم اكتب فى خانه الحاله اى شعارات سياسيه فقط مطلع اغنيه الرائعه فيروز الاخيره
"ايّه ... فيه أمل"

10 comments:

يوميات الحارة said...

بالطبع لا يعلم غير الله ماهو حال المصرى او اللى بيدوار جواه غيره يعنى لما بيكون فى قمة فرحة بيكون قلبة مرعوب وبيبكى ولما بيكون فى قمة خضوعة وخنوعة بيكون جواه مارد بقلب اسد وبقوةامل غير معروف اسبابة وبيكون متسعد يموت او يثور يعنى بجد غير متوقع ردود افعاله ومحدش يعرف امتى بنتحرك ولا امتى هنقول لا لكن اللى بيشوف مصر وشعبها على مر العصور هيعرف انها بتقول لا مش مهم امتى لكن بتقولها ودا اللى محدش فهمه منهم عارفة انا معاكى ان ثورة تونس كانت حافز يعنى اللى تقول للواحد كدا ياخى اتكسف من نفسك واطلب حقك بقى تك نيلة مش خزيان من نفسك وقلة حيلتك بس الصراحة كنت فرحان من كم الناس وقوتها وكنت فخور اوى اوى انى مصرى ومازالت وعلى قد فرحتى على قد ما انا خايف دلوقتى اووووووووووووى وجدا ومش هقولك زى ما قولتى نظرية المعبود والبحث عن اله فى الارض لكن بدائت اشوف صورة كبيرة ضبابية اوى بتحصل يعنى فيديوهات عن ناس كان ليها ضلع فى التحركات واملاءات والناس كانت بتنصاع لكلمهم وهى مغمضةالاعين وغير ان انتمائها ومعايشتها مش فى مصر وناس تانية والله ماهى فاهمه حاجة وبتقود الناس وبتعمل ابطال وغيره يصلو الجمعة فى التحرير ويمسكوا المايك وينادوا بمطالب جديدة ويمنعوا غيرهم وقوة خارجية طماعنه فى قناة سويس وتانية عاوزة حلايب وشلاتين وتالته تستفذك بالعبور من القناة ورابعة بتضرب فى سيناء وخامسة توقع على اتفاقية للنيل وغيره وغيره وغيره
حتى الثورة المضاددة واللى صراحة مش معترف بيها او بوجودها لكن حاليا انا شايف صورة القطيع وصورة الثورة الفرنسية بتفرض نفسها اتمنى ربنا يخيب ظنونى ويكون رؤيتى للموقف هو اللى غلط ومصر ترجع لينا وبينا قوة قوية يااااااااارب عن قريب

SeMo said...

السلام عليكم
قمت مع مجموعة من الأصدقاء بإنشاء عدد من المدونات ، ووضعنا بها إعلانات جوجل أدسنس، وبالفعل نحقق دخلا مش بطال
فعلى جميع الأخوة الكرام سواء عنده مدونة أو لم ينشئ مدونة بعد، وكانت له رغبة في الاشتراك معنا في هذا العمل، برجاء مراسلتي على الإيميل niletrader@gmail.com
والله الموضوع مثمر، وبالفعل وصلتنا دولارات من أدسنس ، فالموضوع ليس وهمًا
برجاء نشر هذا الموضوع لتعم الفائدة
مع تحياتي
Hello
We are a group of Egyptian guys who established some blogs where we added Google Adsense codes so we make some money on monthly basis, as a way of coming over our financial problems!!
if you would like to help us through allowing us adding the Adsense code to your blog and share the profits with you, pls contact us niletrader@gmail.com
Yours
Ash

Wohnungsräumung Wien said...

Thanks for it .. I hope the new Topic is always

entsorgung wien said...

شكرا لكم ..دائما موفقيين ))

entsorgung wien
entsorgung wien

entrümpelung wien said...

شكرا على الموضوع
entrümpelung
entrümpelung
entrümpelung wien

wohnungsräumung said...

موضوع ممتاز جدااً....ونتمني لكم التوفيق الدائم
umzug-umzug
wohnungsräumung wien

Bookmarks said...

تسلم ايديك على الموضوع المتميز جداا
delogierung-delogierung
Wohnungsräumung
zwangsräumung-zwangsräumung

luxusumzug said...

Thanks for the blog
umzug wien
umzug wien
umzug
umzug-umzug
Wohnungsräumung

ريوبى said...

موضوع ممتاز
ryobi

arab girlscool said...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي