الاسبوع اللى فات اتعرض ع الجزيره الوثائقيه حلقه من برنامج "دماغنا الغامض" عنوانها رفض اعضاء الجسد

انا بتعجبنى اوى وثائقيات الجزيره اكتر من جعجعه وعك القناه الاخباريه نفسها,افكار البرامج مبتكره جدا دى اكتر حاجه بتشدنى الصراحه

عنوان الحلقه

"رفض اعضاء الجسد"

اتكلموا فيه عن 3 امثله

الحاله الاولى

Alien hand syndrome

متلازمه اليد الغريبه

ده عباره عن ان الايد بتتصرف لوحدها من دماغها يعنى بعيد عن باقى الجسم يعنى مثلا تبقا مولع سيجاره تلاقى الايد الغريبه راحت مولعه واحد تانيه او تفك زراير الهدوم ; ) انامتابعتش الحلقه من اولها فافتكرت ان الايد دى بتبقا مزروعه للجسد بعد عمليه بترللايد الاصليه لانى كنت عارفه قبل كده ان الجسم موش بيتأقلم 100% مع العضو المزروع لكن كانو بتكلمو ع الايد الاصليه واستضافو دكاتو الهد ومحدش لاقى تفسير للحاله

الحاله التانيه كانت

Foreign accent syndrome

متلازمه اللكنه الغريبه

والحاله دى ناس عاديين خالص فجاءه بيصحوا م النوع يلاقو نفسهم بتكلموا لغتهم الاصليه بطريقه مكسره جدا كانو جايبين واحده المفروض انها بتتكلم انجليزى تقولش صينى ياجدع ولا كلمه مفهومه!!!!!!!!!!!

بتقول ان جالها صداع شديد وبعدين بقت كده

الدكاتره قالوا ان ده بيبقا خلل ف مراكز الكلام ف المخ ناتج عن صداع نصفى شديد او جلطه وطبعا لسه موش لاقيين لو علاج

الحاله التالته

Apotemnophilia

اضطراب هويه التكامل الجسدى

ده عسل اوى بقا تخيل انك موش طايق حته ف جسمك,فيه تعارض مثلا بين دماغك ورجلك منفسنين من بعض جدا,الراجل اللى كانو جايبنو من وهو عندو 16 سنه وكل امنيته ف الحياه يقطع رجلو موش طايقها لأ ومعلم على رجله ع الحته اللى عايز يقطعها بالظبط لف نص العالم عشان دكاتره للموضوع ده ومحدش عارف يعلاجو ومحدش برضو راضى يقطعها ويريحو كل اللى قدروا عليه بقو يحطولو ميه متلجه ف ودنو عشان الودن قريبه من مركز الاحساس بتاع الرجل دى اللى لقو من خلال الاشعه خلل فيه ويجيبولو مرايه توريلو النص اللى هو منفسن منو عشان تقنعو ان دى رجلك ياحبيبى اهيه تبعك موش بتاعت حد تانى يمكن يحاول يحبها بدل ماهو بيعاملها معامله الكلب اللآجرب كده ,انا كنت حاسه ان الراجل بياخدهم على اد عقلهم وعمال يقولهم اه انا اقتنعت شويه ورغبتى ف بترها قلت لأنو نيمهم وخد منهم عنوان راجل كان عندو نفس حالتو وراح زاروا بس المعلم الجديد بقا اتصرف وكان قطع رجلو خلاص وعايش مستكينص خالص وقالو ده أسعد يوم ف حياتى يوم ماقطعتها ياعم أسعد من يوم زواجى ويوم ماخلفت ابنى!!! قالو طب ماتشور عليا يامعلم اعمل ايه, البوب الكبير قالوا اعمل زى منا عملت يابنى عشان ترتاح من رجلك بنت الكلب دى حطها ف تلج مجروش تقوم تتخدر وتموت بعد كده غصبن عنهم هيقطعوهالك الراجل مكدبش خبر الصراحه وقالو ف نهايه البرنامج انو عمل الوصفه وقطعها فعلا متكلمش ع الموضوع بس انا تخيلتو بعدها ماقطعها وهو بيقول لنفسو "انا الرجل اللى تضايقنى معاجلعهاش,اجطعها" واكيد قال لدماغو-بنت الكلب- اللى كانت بتحرضو ضد رجلو "ارتحتى دلوقتى"

:)

بس لحد هناوحدوته ابله فضليه خلصت السؤال بقا لو الحالات دى كانت عندنا هنا كان هيبقا شكل التعامل معاهم ايه:الست بتاعت اليد الغريبه دى اكيد ملبوسه وعايزالها حفله زار تمام,والوليه بتاعت اللكنه الصينى دى اكيد دلقت ميه المكرونه وهيه بتغلى ف عين الكنيف فركبها عفريت صينى والراجل بتاع اضطراب هويه التكامل ده تفسير حالتو سهل جدا جن كافر استحوذ على رجلو وهيقعدوا ياعينى يضربو فيه لحد مايبانلو صاحب

محدش هيجرؤ يروح لدكتور يقولوا انا موش طايق رجلى يادكتور غير ان الدكتور ده موش موجود هنا اصلا ده دكتور نفسى اختصاصو الحاله دى بس,حاجه كده زى دكتور فى "حتى" كرس كل حياتو لحاله نادره

طبيعى الفرق الشاسع ف طريقه التفكير يوصلنا لفروق شاسعه برضو ف حاجات تانيه كتير

دلوقتى فيه مشكلتين انى موش لاقيه عنوان للتدوينه,انى لسه حالا وانا بدور على مقالات متعلقه وفيديوهات للموضوع لقيت ده

http://www.youtube.com/watch?v=f1rC43dvbws&feature=player_embedded

حذروا فزروا ده ايه؟؟؟؟

اللى يقول ليه حاجه حلوه والله

ده لينك للحلقه الأصليه بتاعت الجزيره بالنص برنامج اجنبى حتى نفس الاسم كتير خيرهم ترجموه

دلوقتى انا عرفت سبب الافكار المبتكره اللى كنت بقولكم عليها,فعلا احنا لسه كتير علينا اوووووووووووووى

فروقات الأسعار

هنتكلم النهرده عن موضوع يهم ست البيت المصريه , ف الفتره الاخيره لاحظت بشده فروقات الاسعار من مكان لمكان فروقات ضخمه جدا وتصل لاضعاف الأضعاف

هيبان اوى لو قسمنا اى منطقه شرايح واخدنا عينات عشوائيه سعر المنتج مش هيتكرر مرتين واكيد الساده البائعين واثقين ان زبون سيتى ستارز عمرو ماهينزل العتبه,مع وضع نسبه م الفرق ده للمكان اكيد الشياكه ف الحاله دى ليها تمنها يظل ارتفاع السعر بردو مبالغ فيه اوى

انا بتكلم على منتجات بعينها موش شبيه ولا بديل,منتجات عاديه جدا موجوده ف كل المحلات موش المنتجات الرفاهيه اللى بتتباع على جروبات الفيس بوك اللى ممكن تضحى وتشتريها وانت عارف ومتأكد انك لامؤخذه بتتخيط بس بتضطر تضحى لان مفيش ادامك البديل,غالبا المنتجات اللى بتكلم عليها دى بتبقا حاجات تافهه جدا جدا بس فكرتها مبتكره واللى بتدفعه بيقا تمن الفكره

الموضوع خلانى أدور على النسبه الربح الحلال المسموح بيها ف البيع والشرا وزى مالاقيت اختلاف ف الاسعار لقيت اختلاف ف الفتاوى البعض افتى بجواز ان الربح يبقا مساوى لتمن السلعه نفسها -بس والله اللى انا بشوفه بيبقا اكتر من تمن السلعه- مستشهدين بحديث الرسول (ص) ان تسعه اعشار الرزق ف التجاره

انا شخصيا بكره الاستغلال وبحاول مسكتش لأى حد يحاول يستغلنى ولو اشتريت حاجه ولقيتها ف محل تانى أرخص ممكن جدا اروحلو وافضحوا وغالبا باخد حقى وأعرف ناس كتير بتعمل كده

انا كنت أعرف واحده بنت ناس كان جسمها مليان فكانت مضطره تتعامل مع توكيل معين ولا ليه مانقول اسمه ,محلات "بيلادونا" جابت بلوفر لبستو وغلسو وبعد كام غسله معرفش جرالو ايه فراحت المحل وطلبت انها تبدلو على اساس انها مش شاريه البلوفر من ع الرصيف ومينفعش يحصلو كده ,انا عايزه اقولكو انها وصلت لانها كانت بتبعت اميلات يوميه لمدير الفروع بتاعتهم بره والراجل رد عليها وقالها روحى المحل وخدى بدالو الموديل اللى يعجبك تقوم ترد عليه تقوله الكلام ده كان ف الأول دلوقتى انا موش عايزه حاجه منكو ولاهتعامل معاكو تانى انا عايزه فلوسى وفعلا البنت خدت فلوسها

الهدف م الحدوته دى ان "لايضيع حق وراءه مطالب"

الموضوع من رؤيه اخرى بيبن ان كل واحد -على قد ماربنا يقدرو- بيحط ايدو ف جيب التانى واكيد بيبرر لنفسو ان مفيش حل تانى يااما هشحت انا والعيال,المفروض يبقا فيه رقابه م الدوله -من ضمن المفروضات الكتير اللى المفروض الدوله تشوف حل فيها- ولكنها اكتفت بتأمين الكراسى للى قاعدين عليها

بس

2835

اصطبغ ظفر الابهام الايسر بلون فوشيا فاقع لايسر الناظرين حتى اليوم لايكف عن تذكيرى بيوم الجريمه

يوم سافرت من مدينتى الى مدينتى الام لاشارك ف المهزله,ف الطريق الى اللجنه الانتخابيه لاحظت الجناس بين كلمتى "انتخاب" و"انتصاب"

الغريب ف الامر انه ف الانجليزيه ايضا election و erection

صرفت تفكيرى الى شىء يحمل قدر اكبر من الجديه,انا لا أعرف من سأنتخب بل من لن انتخب,ثبتت نيتى ع ان ابطل صوتى

ولكنى فعليا بعد ان استلمت ورقه الاجابه وجدتنى اختار تجمعيا واخوانيا -لم اجد غيره للفئات- وهو المرشح السابق للدائره وانا ابحث بين الاسماء المجهوله تذكرت انه حضر عزاء جدتى

ومسيحيتين احداهما وفديه

كل اختياراتى فشلت على الرغم من تعدديه اتجاهاتها فهذا هو الامر الذى اجتعموا عليه وكأنى جلبت النحس لهم جميعا

لن اتكلم عن الانتخابات المزوره فهذا حكى ف المحكى,هم يعرفون ان الانتخابات مزوره هم يعرفون اننى سأكتب هذه التدوينه,هم يعرفون انى -على الارجح- سأنسى كل هذا عند أول معركه حقيقه تمسنى اكثر مع الحياه,اذن فلتكن سريعه

فلأنشغل اكثر بسعر اللحم والسكر وكيف سأدفع الايجار الشهر القادم

انا فقط أكتب لأجل هذا الرقم 2835

رقمى الانتخابى رجاء احفظوه بعنايه ربما عندما تجد ف الامر امور وعندما يصبح له قيمه اعيد استخدامه اصلى اتذليت ادام اللجنه وانا بطلعوا من وسط الكشوفات مع انى قمت بهذه العلقه سابقا ولكن انسانيا الله

فقط ... جدد دعوتك

لم اكن ابدا ضيفه غير مرغوبه فى حياتك...جئتك بعد امنياتك وصلواتك ودعوه ملحه منك بأن اكون لك

لم احاول الى اليوم ان اقحم نفسى رغما عنك,عندما تتركنى وترحل لا اطالبك ابدا بالعوده ... فقط أظل فى انتظارك

أرضى بأقل القليل الذى تمنحه عن طيب خاطر بدلا من اى اعباء اضافيه اطالب بها, لا أذكر اين قرأت مقوله قصيره عبقريه بالفعل تكمن عبقريتها فى قصرها "السعاده ألا تطلب"

وانا لاأنكر انك تجعلنى سعيده لانك لا تضطرنى لأطلب

انت الان مرهق-اعلم ذلك- وأنا ايضا

ولأنك عودتنى الا اطلب,سأختفى قليلا

واكتفى بطيف الذكريات فى هذه الليالى البارده التى كانت رساله "الدنيا برد أوى,خدنى ف حضنك" تشعل قلبينا نارا تستمر حتى يأتى دفء الصبح,اذكرها الان وحيده ولااجد حتى صوتك فى هذا البرد

لن أعود الا لآمنحك كل حبى ... عندما تحتاج له

.....

هل تذكر مذاق ايس كريم شيكولاته فى غروب شارع مزدحم ويوم عشوائى,هل تذكر انك لطخت ملابسك كما لم تفعل وانت طفل؟ هل اخبرتك انى لم اعد أقرب الايس كريم قط الا معك؟؟

هل تذكر حينما ذهبنا الى الملاهى يوم عيد الحب واخبرتنى انك لم تركب مراجيح منذ مده فشلت انت شخصيا فى ان تحددها؟

هل تذكر اول مره احضتنى فيها فى مكان لا اذكره تحديدا على شاطىء البحر بالأسكندريه؟

هل تذكر قطارات ليليه بارده وشلالات دموع ساخنه لحظه الوداع؟

هل تذكر ذكريات اكثر حميميه لا اريد ان اشرك بها احدا الان؟

هل تذكر

....

بالله غليك اخبرنى من سينتزع هذا من داخلنا

؟؟

اتفوووو علينا

ليه بنشتغل الولاد الصغيرين ونفهمهم ان اى شغلانه شريفه موش عيب ونفضل نلح على ده من غير اى مناسبه واول مايصدقو ويكبرو يعرفو انها كانت اشتغاله كبيره اوى وان فيه مهن رفيعه ومهن وضيعه ومهن شريفه بس عيب ومهن تكسف ومهن موش من مستواك ياحبيبى

يستطيع الشخص البالغ فهم ان الاخر ممكن ان يكون بيخدعه لكن عقليه الطفل لاتعمل بمثل هذه الكيفيه وتاخذ مايقوله الأخرون -خصوصا لو كانو كبارا- بكل جديه ومايقال هو نص مقدس لايحتمل التحريف مع اننا غير جديرون بالمره بكل هذه القدسيه لكلماتنا

كان من الممكن الا نخبرهم بأى شىء ونتركهم ليكتشفو بنفسهم حقائقنا العنصريه ولكننا ابينا الا نلعب دور المثاليه مع طرف ضعيف لا يسمح له سنه القانونى باللعب القذر

اريد ان اكتب

فقط اريد ان اكتب لتعلمو انى مازلت حيه ,لم يتوفنى الله بعد...ماذا لو توفانى الله فعلا؟هل ستظل "عايشه وخلاص" هنا للأبد؟ مع انه الاصح لغويا ان تأول الى "ميته وخلاص" ,سأوصى ان تغلق للأبد, لاأستطيع انى اموت واتركها وحيده...لا أستطيع ان اموت واترك جزءا منى معلق

لذا عندما تحاول زيارتى ف يوم من الايام وتجد انها قد اغلقت فجاءه فاعلم انى ربما يكون قد توفانى الله

المدونات...بالفعل تحمل روح اصاحبها جزء من حياتهم,تفاصيل تمس الأرواح بحق ,عوالم ساحره ومثيره,انت تقرأ مدونتى فتقرأنى.,من قرأ مدونتك عرف من انت وماذا تعمل,عرف ماتحب وماتكرهه...انت سمحت له بكاتبات تبثها عبر الأثير

ايه الكلام الغامق ده,ولو مكنتش انا اللى كاتباه كنت قولت ايه الكلام البيض ده...وليكن انا محتاجه اكتب واظن انى دشنت هذه المخروبه لهذا الغرض ولذا لزاما علىّ ان اكتب ولزاما عليكم -للأسف- ان تقرأونى وتقرأو ارائى العبقريه وتجاربى المثيره,ارى انه واجبى ان انقل لكم خبرتى ف الحياه

امر بتجربه موجعه جدا هذه الايام-لن اتحدث عنها بالتفصل موش للدرجه انتو هتصاحبونى ولاايه- تجربه من التجارب التى ستحدث فرقا ف حياتى ,ولكنى واثقه من ان نهايتها ستكون رائعه مع ان مايجرى حاليا لا يوحى بهذه الثقه ولا اعلم كيف يمكن ان يجتمع الروعه والوجع؟

ولكن ف النهايه انا واثقه ان شيئا مميزا سيضاف الى روحى,انها من الفترات الغنيه ف حياتى التى أعرف وانا اعيشها أننى انضج...ابشروا انا بنضج يارجاله

تجربه أكدت لى انى لايمكن ان أتخلى عن الحب ومستعده لدفع ثمن ماأأخذه منه,ربما أكون مخطئه ربما أعود بعد سنتين أو ثلاث لاعلنها لكم انى كنت مخطئه ولكن تلك هى قناعاتى الان

تجربه تضطرك فى منتصف الطريق وفى وقت حرج جدا تجد نفسك مطالب بأن تراجع ترتيب أولوياتك,فتختار ان تبقى كل شىء كما كان اول مره مخرجا لسانك لكل المحيطين بك لتخبرهم انك كنت على صواب منذ البدايه

تجربه أكدت لى نعمه "الصاحب الجدع" احرص اشد الحرص ان تتواجد هذه الصفه فى اصدقائى,اتغاضى عن حماقاتهم الاخرى -وهى للأسف كثيره- ف سبيل جدعنتهم

بالتأكيد هناك من شطبتهم من القائمه غير نادمه لأنى كنت اتوقع منهم ردود افعال مشابهه مالم اتوقعه هو الجدعنه الفائقه للباقون

استطيع ان اخبركم الان انى تعلمت القيمه الفعليه لنصائح بسيطه تقال دوما وكنت ارددها دون وعى حقيقى كنت ارددها على انها مجرد كلمات لكنى لم أكن اعى قيمتها...الان عرفت بعد ان دفعت ثمنها

فيروز

فيروز...تصورو 4 سنوات من التدوين والمدونه لاتحتوى أى موضوع عنها
فيروز بصوتها الملائكى الذى خلق ليحكى حكايات الأطفال ويرتل الترانيم ,هي دائما تحكى عن عوالم شفافه,مرهفه,دافئه تماما كعوالم احلام الصغار
مستخدمه فى احلامها الفاظ ومعتقدات طفوليه بحته
تحكى على عوالم لا تحتوى الا على التلال البعيده والروابى و السطح العالى وطرقات وشبابيك وغيوم الزرقاءوطيارات ورقيه و عصافير تحلق بعيدا,عوالم ممطره دائما وتلوج على الجبال
عوالم بها بحر تحب حبيبها بكبره و انهار وتبر
تحكى عن نيسان وليالى تشرين و الليالى الشتويه والقهوه الصباحيه
و القمر ,للقمر نصيب كبير فى اغانى فيروز فهو احد احلام الاطفال الابديه,مره تقرر انها والقمر جيران ومره تخبرنا انه عندها بالدار!! لاأدرى لماذا التناقض
تجلس تحت العريشه وتحت الرمانه وتحت كل اشجار جنتها الخياليه
ترسل مكاتيب لا تصل ابدا لأنها ترسلها لأناس عشوائيا او تكتب لحبيبها 100 مكتوب وهو لا يجيبها ابدا ولا حتى بالعتاب
تحكى عن رحتلها بالسياره الى "البوسطه" وتحكى عن صبيه بجدائل شقراء اسمها "يارا" كم تمنيت بعد ان سمعت الأغنيه ان يصبح اسمى "يارا" او على اقل تقدير "عليا" ذات العيون الحلوين


دائما تخبرنا عن "حلو ومغرور" و تطلب منه ان يعملها "لعوبه" ويحملها على حصانه وتخبره انها ستقطف له لمره واحده زهره حمراء
حبيب وهمى لا يوجد الا فى خيالها او على اقصى تقدير هو دائما ناسى مواعيده او بيمرق أو مايمرق ذلك لايحدث فرقا
طب بذمتك موجعتش قلبك ف "كيفك انت"؟
حبيب تطلب منه أن يخبئها فى قلبه او يسفرها بلياليه و لاتكف عن سؤاله بتفكر ف مين؟ فى حين انه اساسا يخلط بينها وبين اختها عندما يرتديان مريله المدرسه !!!
ولكنها تظل تخبره انها ستصور الابراج وترسم البيارق فى يوم عودته,لا أعرف ماهى الابراج ولا البيارق ولكن بالتأكيد هي اشياء توجد فى قصص الأطفال
ذلك الحبيب الذى تخفى وردته تحت المخده فى حين يكتفى هو بكاتبه اسمها على رمل الطريق وفقط يحكى عنها لنبع المىّ فيحكون عنه هو وينسونها بعد ذلك بالطبع

ماذا عنها وهى تقرر فى أحب جملها الى قلبى انه "تفنى الدنيا مادام بعدو الحلو حابننا" والتى دائما استخدمها لاغيظ امى

فيروز التى لم تنسى فى احلامها ان تغنى لحلم جميل اخر "الاسكندريه" غنت للأسكندريه وبيروت و القدس
....
استمعت لكل اغانى فيروز و كتبت هذا التحليل والساعه مازال الثانيه عشر والربع!!! بالتاكيد -فى اغنيه لااذكرها- غنت عن زنقه مثل زنقتى هذه
ادعوكم الان للاستماع الى اى اغنيه ا"فيروز" لن املى عليكم مزاج معينا
فقط
اسمعو فيروز فى هذه الليله البارده
أود ان اصنع لكل منكم كوب شيكولاته ساخن ليستمتع بهذه الرائعه كما ينبغى

الساعه الان الحاديه عشر ونصف وانا انتظر لتصير الواحده بعد منتصف الليل لأهاتفه فهذا ستيح لى فرصه الاستفاده من عرض شبكه الأتصالات

لاشىء لدى لأفعله الان

ولكنى اشتقت للمدونه كثيرا,مدونتى

لا أعرف لماذا اهملتها ولم أعد اواظب على الكتابه مع اننى احتاجها بشده ,مارايكم سأكتب بوست جديد مازال امامى ساعه ونصف

بالأمس حلمت ب"نور المالكى"

كان "نور المالكى" على وشك القاء بيان هام وانا انتظره بشغف لأرى اذا كان سيتكلم عن موضوع الحذاء أو عن "غزه"

ربتت عليا لتوقظنى فأخبرتك أننى اود العوده لسماع البيان الهام,أخبرتنى انك ستلقى بيان أهم .بيان قوى له أثره الملموس بعيدا عن كل بياناتهم الشفوية فوضحت لك انى لست فى حاجه الى اى "بيانات" الان ,كمحاوله للتغلب على احراجك سألتنى كيف أحلم برجل غريب وانا نائمه الى جوارك ثم سألتنى انتى تعرفيه منين ؟؟

انا لا أحب المالكى اساسا وهو اخر شخص أريد ان أحلم به فى هذه اللحظه ولكنى أريد بشده العوده الى النوم