Saturday, August 27, 2005

اللى عندو صوت محيره



ملأت الدنيا صراخا الفتره الاخيره,عايزه حد يروح معايا القسم يجيب البطاقه الانتخابيه بتاعى - على اعتنبار انى عمرى مادخلت اقسام وكده- ,الحمدلله و بعد عناء جبتها-وبالمناسبه باسم غير اسمى هيبقى اسمى ساعتها "مروه" معرفش مين مروه دى وبمجرد ماتخلص الانتخابات هرجع لحالتى الطبيعيه "ثروه" وسمعنى احلى سلام للحكومه الالكترونيه-.لما روحت البيت ماما سألتنى :ها مبسوطه ياستى ,هنتتخبى مين بقى؟
صحيح هو انا هنتخب مين؟
السؤال كان مفاجاه .تطليع البطاقه عندى كان هو الهدف موش الانتخاب
تنتخبى مين يا ساسو؟ مبدأيا اى حد غير الريس و نعمان و الراجل بتاع الطربوش
ايمن نور؟
والنبى رئيس جمهوريه هيبقى متهم ف قضيه تزوير وبعدين مانتى كنتى بتقولى عليه عميل امريكانى ,بس البرنامج بتاعه كويس وكمان متنسيش ان ده الوحيد اللى عبرنا -جيه(بنها) مدينتى المتواضعه- ودى نقطه مهمه عندى وبعدين بصراحه احسن الوحشين ,عمرك سمعتى مرشح م ال10 دول غير بعد الترشيح موش فالح وهو ف حزبه عايزاه يبقى رئيس جمهوريه؟
وبعدين المساله مساله تجميع اصوات فاحنا ايه نجمع الاصوات كلها على مرشح واحد احسن مايتفرق الدم بين القبائل
ها يابنتى رسيتى على ايه؟

2 comments:

moe said...

انا مش مؤيد لايمن نور و مش بنتمي لحزب الغد,بس بذمتك ينفع واحد يزور توقيع ابوة و مراتة؟؟

SaSo said...

شوفت بقى حتى ابوه -(المتوفى)اللى هو طبعا حى يرزق معرفش بيموتوا الناس ويصحوهم على اى اساس!- ومراته موش موافقين عليه :) .انتخبه انا ؟
بس هو احسن الوحشين