Friday, December 30, 2005

To whom may b concerned

نداء شخصى وعاجل
ابعث اليك ياسيدى عبر صفحات البلوج الاثير -اخره صبرى- مستغله قلبك الكبير و ثقافتك العاليه فى استخدام الHTML
أن تظبطلى البلوج كما وعدتنى عشرات المرات ,وكنت فى كل مره -تنفضلى- بعد ان أتى لحد عندك -ف السبير أحسن يفهمونا غلط- وتغرر بى وتتنتهى القعده بعزومه على حاجه ساقعه ,متعللا لى ياسيدى بضيق الوقت وبأن حضرتك مشغول ف الامتحانات
وأديك خلصت الامتحانات وأدى وش الضيف ,وبعدين انا خايفه لنتخانق فتقلب عليه ومطولش منك حاجه
سيدى انت تستغل تعلقى بهذا البتاع -اللى انت أكيد بتقول عليه أنى بكتب فيه العبط بتاعى- ,انا فعلا جد متعلقه بهذا البتاع وهذا العبط ,لايهمنى طلاق أبى وأمى بقدر مايهمنى أن يضمنوا لى جهاز كمبيوتر ووصله DSL - لايهم ابدا ان يكون الجهاز المذكور هو جهاز بنت خالتى (اوجهه لها التحيه هيه الاخرى على حسن استضافتها وسماحها لى بكل كرم أن استلجأ على جهازها مكتفيه هيه بمراقبتى من تحت البطانيه)-تكفل لى ان اكتب عبطى ولا مانع ابدا أن الفى نظره على هطل المعتوهين الاخرين ايضا.
أضع بين يديك سيدى مشكلتى مصحوبه بشكل البلوج الاقرع بلا أى روح ,عل وعسى تحس على دمك
المعذبه
S.E

11 comments:

sph1nx said...

مم كنت فاكرها في الأول بجد هههه

Sarwa said...

نعم
والمصحف بجد
والله بجد

sph1nx said...

mm theres actually no need for html knowledge 2 edit the blogger index layout just copy the html template and paste it inside anyhtml editor like front page and edit it visually we matensesh te7oty link lel blog beta3y ;)

Mr-Biboooo said...

ههههههههههه

احييى روح بنت خالتك و اتساع صدرها

Sarwa said...

لااااااااااااااااا
انت بتضحك عليه وعايز تبوظلى البلوج اللى طلعت بيه م الدنيا

Taher said...

يابن اللذين هو خلص امتحانات
لا بجد يا بخته
وثانيا dsl ايه دا ماله الدايل اب اللى ابطء من البريد البطئ المحلى
بس كويس فيه امل

Foxology said...

انا ممكن اظبطلك اللي انتى عايزاه في حدود قدراتي

لو تحبي انا موجود

Ahmed Shokeir said...

إديني إنتي بس ياثروة الباسوورد واليوزرنيم بتاع البلوج بتاعك وانا هاظبطهولك
هايطلع حاجة كده زي بتاع ياهوووووو

ماشى الطريق said...

صباح خفة الدم بجد
بصى مش حضحك عليكى وأقولك المهم المضمون والمحتوى
وسيبك من الشكل
فيه ناس بلوجاتها شكلها يفتح النفس الصراحة

Sarwa said...

ربنا يخليكوا,أشكر كل من أهتم
بس بردو الواد ولا معبر خالص

adhm said...

طبي ممكن تبعتيلى الاخ اللى سايق الطناش دة وانا اظبطهولك
اقتراح بس مش اكتر