Tuesday, January 03, 2006

أول قلم ف 2006

مقولتلكوش بقى ع اللى حصل يوم رأس السنه ف رحله العوده -اه بعد الحفله- وانا بعيد عندكوا راكبه الميكروباص أنا والواد بتاعى ومروحين بلدنا وش الفجر
أول ماركبنا الواد -بتاعى- حط راسه ع الكرسى ونااااااااااااااااااااااام -مكنتش أعرف أنه مرتاح الضميركده
الميكروباص كان كله شباب نص سكرانين والسواق كمان عامل دماغ والاخ نايم جنبى وأنا البنت الوحيده ف القعده
المهم,على نص المسافه كده كانت العربيه فضيت ماعدا 4 شباب شله وحده ,2 قاعدين ورايا و2 مرزيين ادام خالص جنب السواق
شويه وبدأت حاجات غريبه تحصل وكلام غريب يتقال واستظراف من عينه
"ها قضيت سهره حلوه ياأحمد"
"بس ايه الحلاوده دى يااحمد,هو الناس بتحلو ف البرد كده"
"هو الجو عندكو ورا ساقعه بردو ياجماعه ولا شكل العمليه دفا؟ العمليه دفا مش كده"
أنا مصدرهلهم عبدو العبيط ع الاخر ولا كأن الكلام ليه بس حسيت من كلامهم انهم بيئه
شويه واتهيئلى ان حد بيلعب ف شعرى والكابيتشو وبعدين أيد أو رجل تتمد عبر المقعد الخلفى لتلامس قدمى -حظ امه انى كنت قالعه الكوتشى- هنا قلت ف تأفف واضح "اووووووووووووووووووووف بقى,ايه الارف ده"
لأجد -الايد او الرجل- تراجعت مكانها
كل ده وانا لم احاول ان انظر ورايا حتى
لا يمكنكم ان وانتم مسترخيين امام شاشاتكم ان تتخيلو موقفى أو احساسى وقتها
الجو بررررررررررررررررررررررررررررد جدا وشابوره كثيفه جدا جدا لا يمكن معها ان ترى كف ايدك ساهمت بالطبع فى بطء السير وبالتالى طول رحله العوده
وفى الداخل 4 حيوانات لن يتورعوا عن فعل اى دناءه
وانا مرهقه جداااااااااااااااااااااااااااااااااا ,بردانه,وحييييييييييييييده -باستثناء النائم جوارى طبعا- ,خائفه م الظلام ,قلقه على انكشاف مخططى من قبل ماما
طب ماصحيتيش النايم -ف العسل- ليه؟ خفت لو صحيته وقلتله انا خايفه م الضلمه و الشابوره وأشفقت عليه لانه لم ينام منذ ليتلين عشان يودينى الحفله اللى انا عايزاها
اخذت اتشاغل بتقليب محتويات حقيبتى واللعب ف الموبايل وانا ارتعش
مرعووووووووووووووووووبه ,ياولاد الجزمه طب انزلولى راجل لراجل ف النور وانا افرجكوا
اخيرااااااااااااااااااااااااا,عند مدخل المدينه هززته ف عصبيه يمكن يصحى
_مين؟ انا فين؟
-صباح الخييييييييييييييييير,احضرلك الفطار ياحبيبى
وطبعا محكيتلوش على ماحدث اثناء نومه على اساس اننا وصلنا خلاص
أن أن أأأأأأأن ,الموسيقى التصويريه تتسارع
حانت اللحظه,لحظه النزول
لم اكن اتوقع ابدا تلامس بالايدى ولكن ده اللى حصل
ثم
طااااااااااااااااااااااااااااااااااخ
لا "طاخ" دى من عندى انا نزلت على وشه بحته قلم هو الاعنف فى تاريخى
فعلها بدون أى تفكير ,لو كنت فكرت ماكان اختلف رد فعلى
لأجده يصرخ بكل بجاحه "ايه حد كلملك؟"
حد كلمنى ياابن الوسخه التى استبدلها الرقيب اللغوى لدى وجعلنى انطقها "ياسافل"
وقلت بعدها كلمتين لا أذكرهم
لاجد المستيقظ حديثا بجوارى يصرخ "ايه مالك ؟حد ضايقك"
نظرت له فى غل
لاجده يصعد مره اخرى الى الميكروباص ويغلق الباب خلقه واسمعه يصرخ -كأى واحد ابوه ظابط شرطه فى هذا البلد- ودين امى لأبيتكوا ف القسم ,أشده من كتفه لنرحل عملا بمدا الكتره تغلب الشجاعه ,مين هيحس بينا ف والموقف خالى تماما من البشر
أخذ يصرخ مصحيتنيش ليييييييييييييييييييييه ,ثم ابتسم بزاويه فمه وقال لى "يلا ياستى اللى اتحرمتى منه ف الحفله لقيتيه ف الميكروباص"
وانا اقول لنفسى "اللى ميسمعش كلام امه عمره مايكسب"
وأفكر ف اللمسه اياها ومدى استفادته منها ,هل حققت له اى اشباع ,وكيف جرؤ اصلا على لمس وحده لم يجد منها الا الاشمئزاز وعدم القبول م الاول
؟

20 comments:

ابن مصر said...

اللي مايسمعش كلام امه دي حلوةةةة موت
:)
بجد عالم ولاد قحبة عايزين حد يخصيهم حظهم الخره وقع مع واحدة جدعة زيك.. معلش المهم انك خدتي حقك تالت ومتلت..بس يعني البيه كان نايم صحيح والا كان مستنوم فيها علي اساس ان النوم نص الجدعنة
:)

Sarwa said...

ههههههههههههههههههه
لاوالله كان نايم ,انا متأكده
ولما صحى بقى قعد يعملهوملى
"ايييييييييييييييييه مصحتنيش ليه" والكلام ده
بس سيبك لو كان الوضع غير كده انا كنت عرفت الاعبهم صح
نورتنى

fadfada said...

يا بختك يا ستى ماشى معاكى ابن ظابط,تخيلى لو كان واحد غلبان ذى حالاتى كدة,كان زمان قلبك وقع فى رجليكى,بس واللة انت جدعة فيكى حاجة من مراتى

sph1nx said...

نفهم من كده انك عايزة توصليلنا رسالة انك حلوة و كل الولاد هايموتو عليكي
;)

ماشي و بعدين في اختراع اسمه اوتوبيس -الناس بتوع بابي و مامي بيسموه باص - ظهر بعد الميكروباظ ببتاع 5 سنين كدهبيمتاز عن الميكروباظ باتساعه لعدد اكبر من الركاب

littilemo said...

بصراحه
انا لما بسمع الكلام ده بيتحرق دمى
لان ما عدش فى اى نخوه

Nightlegend said...

معلش برضة الكنج منير يستاهل عشانه الواحد يستحمل اى حاجة.

كل سنة وانتى طيبة

The secret said...

الكينج منير يستاهل ايه يا حبيبي؟

طيب ما دام كدة تعالى اعزمك على حفلة ليه، وأعمل اللي أنا عاوزه

:P
بهزر طبعا


المهم، حصل خير يا ثروة

Sarwa said...

Egyotion lost
شوفت بقى واصله انا
؛)
سلامى ياسيدى للمدام

sph1nx
طبعا طبعا انا حلوه,والولاد ياسيدى بقى يموتو على اى معزه اليومين دول,وبالنسبه لموضوع الاتوبيس ده فالاختراع ده مبيروحش عندنا مفيش غير الارف الميكروباص والنيله القطر وطبعا مفيش قطارات الشاعه 5 الفجر

night legend
يخربيت ابو الكينج ياسيدى واللى بيجرالنا ف حفلات الكينج

The secret
ميرسى ياشاهر

Ahmed Shokeir said...

وأفكر ف اللمسه اياها ومدى استفادته منها ,هل حققت له اى اشباع؟

طبعا ده هايعيش عليها الفين وستة كلها لغاية ماإيده تتهري

العالم تعبانة جدااااا

Ahmed Shokeir said...

أه نسيت اقول كمان مش بعيد القلم اللى أخده على وشه من إيديك يكون عامل مساعد له فى الفين وسته لما قد يوحيه له من تأثيرات جنسية

Sarwa said...

يااااااااااه مكنتش اعرف ياأحمد ان الشوباب تعبان للدرجه دى

Anonymous said...
This comment has been removed by a blog administrator.
صلاح said...

السلام عليكم
شباب مصر حلو انا شوفت فرق قى ن مستوى الحوار دلوقتى مكتوب الواد بتاعى يعنى ايه؟
اللى اعرفه ان البنت تمتاز بالرقة والنعومة والتردد فى اختيار الالفاظ يا ترا انا غلطان؟
يعنى ممكن يكون فيه رابط بين كلمة حب وكلمة الواد بتاعى؟
سبحان الله

صلاح said...

اللى نفسى افهمه ليه اللى بيكتبوا هنا بيكتبوا بالاسلوب ده؟ يعنى خلاص اللغة مفيهاش اى اختيارات غير يا مدام ويخرب بيت ام مش عارف ايه والواد بتاعى وارجع 5 صباحا ياترا مصر بقى حالها ايه بيتهيالى قاعدة القهاوى بقت للبنات اكتر والروشنة والطحن ومش عارف ايه بقت الصياغة الوحيد لافكارنا وايه حكاية الشباب بيدورا على معزة ايه الكلام ده
نفسى اعرف لازم يعنى نستخدم الفاظ زى احلق له وراكب وظبط والخره معقول خريجين الجامعات كده؟ وعايزين نحارب عشان الرسول والقران ومش عارف ايه طيب نحارب بأى هوية وبأى اسلوب انتبهوا شوية لالفاظكم مش شرط انى اقول كلام كده لانى جاهل مش عارفه بس يستحسن انى اختار اسلوب يحسن انطباع الاخرين عنى لكن بجد التجرمة والروشنة والطرقعة والخ امرها سهل
يلعن ابوا السيما بجد

Sarwa said...

ايه ياعم صلاح ماتروق,مالك داخل حامى كده ليه,تاخد سيجاره؟

ألِف said...

هو مش الحديث بيقول "أن ينصحه إذا استنصحه!

زبادي said...

أنا عجبني عنوان البوست,, أول قلم .. عقبال القلم الخمسين

daktara said...

عايشة وخلاص
للأسف طول مالبلد بيعمها الجهل وقلة الادب , فكل بنت محترمة لازم تتعرض لموقف سخيف زي ده لكن المهم رد فعلها
احييك بشدة علي هذا القلم علي وش اللطخ السافل اللي مد ايده عليكي
وانا نفسي افهم هو استفاد ايه, او ايه الاشباع الجنسي اللي حققتهوله اللمسة دي
واخيرا تحية ليكي مرة تانية

BaTaBeeT said...

3alam wes7'a

Sarwa said...

ياجماعه احب اقولكو اكتشاف فظيع
ان "صلاح" هو اللى اترزع بالقلم على خلقته
بجد والله