Tuesday, April 25, 2006

من لم يمت بالعباره مات بدهب,مات بالفراخ,مات ف كنيسه,ف اعتصام...مات بحسرته

لما حصلت تفجيرات طابا
اسرائيل حذرت قبلها
ولما حصلت تفجيرات شرم
اسرائيل حذرت
وف دهب
بردو اسرائيل حذرت
يا جماااااااااااااااعه
خلى عنيكوا على بتوع تل أبيب
احنا موش عايزين نلزق بلاوينا لاسرائيل ولا حاجه عشان دول ناس كمل ومحترمين وجهزوا عربيات اسعاف قبل ماحنا نفكر نتحرك تقريبا -اه ماهم عارفين ساعه الصفر كمان- وموقفينها ع الحدود عشان يشيلو الميتين,طمرت فيهم الجيره والله
انا رأيى المتواضع ان وزير الداخليه بتاعنا يقعد يصيف ف جمصه و المعلومات هتجيلنا لحد عندنا رأسا من تل ابيب,بس يعمل حسابه من دلوقتى ع الضربه الكبيره
يوم 6 اكتوبر
اه منا كمان بقيت اعرف ميعاد ساعه الصفر
******************************
طبعا بسلامته هطير النهرده على شرم الشيخ يحي ذكرى تحرير سينا ويشجب الحادث الاثيم -بيفكرنى باللمبى والله Absultly دى ظاهره عالميه ف الديزه,ميدان عابدين,عتبه- ويتوعد الجناه قتله الابرياء-عايزين تلغوا الطوارىء ابقوا قابلونى- ويستعبط عادى خالص ويدعو لعقد مؤتمر شرم الشيخ
والوليه ترمى بوكيه ورد ف النيل..نيل ايه قصدى البحر اللى هناك
*******************************
عجبنى تعليق "ضياء رشوان" على الحادث لما قال المقصود بالحادث
"جتكوا خيبه احموا نفسكوا الاول,ده انتوا موش عارفين تأمنوا شرم الشيخ اللى هيه بيت الريس"
ونفى ان ينسب الحادث الى اسلامين او مختلين طبعا ,ربما تكون عناصر غاضبه من جراء اعتقالات طابا استغلتها أيد خفيه
موش ده أوقع من بتوع الجهاد فى مصر والشام؟مع عدم ايمانى بنظريه الموءامره عموما

3 comments:

Ahmed Shokeir said...

عجبني اوي تصريح المحافظ كولومبو محافظ ج سيناء بعد دقائق قليلة من الحادث وقبل وصول أي من رجال التحقيقات او المباحث بقوله أعتقد إن الحادث فردي

يخرب بيتك هو حد كان عارف أصلا إيه اللي حصل او بيحصل

بس حلوة يصيف في جمصة دي

Sarwa said...

اه طالما علقت على تعليق المحافظ يبقى اكيد اكيد مسمعتش تعليق عضو مجلس الشعب اللوذعى بتاعهم
مقدرش اقولك عليه لانى لا احمل تبعيات اللى ممكن يحصلك جراء عبقريته الالمعيه

هو انت لسه مسافر؟

unknown said...

الموضوع ده كبير ميستاهلش ان انتم تتكلموا عليه كده فيبقى احسن لو ماتكلمتوش عليه ومش حتعرفوا كلامى ده الا لو شفتم مشاهد رهيبه منزلتش غير على الكمبيوترات