Monday, October 16, 2006

نفسى اتجوز راجل
"تجمــــــــــــــــــــــــــــيع"
فيه حاجه من كل واحد أعرفه
امثله توضيحيه:
مثقف زى "هيثم"
صايع و وسيم زى "حماده"
دمه خفيف زى "عادل"
طيب وبيحبنى زى "محمود"
راجل زى "محمد"
عسول زى "اسلام اخويا"
رجاء للاهميه: من يجد ف نفسه المواصفات السابق ذكرها يسيب اميله ف الكومنتس وسنعيد الاتصال به لاحقا

18 comments:

اعلانات مبوبة said...

حظك زي العسل.... انا فيا كل الصفات ده واكتر و حياتك ...و بما اني قولت كدة... ضيفي على الصفات دي شوية غرور ....بس عندي مشكلة بسيطة...انا مش عاوز اتجوز

With Myself said...

طب مش تعرفينا الأول بالكباتن اللي قلتي اساميهم :P

Sarwa said...

هيه الحياه كده الراجل الجدير ان الوحده تتجوزه مبيقاش عايز يتجوز

-------------------------
ايه الاحراج ده بقى,انا اللى جبته لنفسى

With Myself said...

اشمعني بتعممي ع الستات !
ماهو العكس موجوود برضه ؟

سيزيف مصري said...

أنا معاكي إن "رجل واحد لا يكفي" زي فكرة فيلم أحمد زكي برضة، بس هنتعب عشان نقنع المجتمع بالفكرة دي، وإن البنت ممكن تتجوز أكتر من ولد. أصل المشكلة إنك لو مالاقيتيش راجل فيه كل الحاجات التجميع دي مش هيبقي عندك بديل إلا إنك تتخلي عن الواصفات دي وتقضّيها بأي حاجة أو تصرفي نظر عن المشروع ده أحسن من أساسه، ودي نصيحتي

yasser shams aldien said...

انا مستعد بس بشرط تعرفينى على الكباتن الكبار دول عشان لما ارجع البيت والاقى حد فيهم ما احسش ان حد غريب دخل بيتى

manora said...

والله برافو عليكى يا ثروة
هو مينفعش غير كده فعلا راجل تفصيل
بس انا محتاره مين محمد ؟؟

Sarwa said...

with myself
ولا بعمم ولا حاجه,انا بتكلم عن حالتى

سيزيف
موش قادره الفكره مسيطره عليا,موش عارفه بجد اتخلص منها وبدات تسببلى مشكله حقيقيه,كنت بحاول اقنع نفسى انها وهميه بس للاسف لا
حاجه كده زى "هذا احبه وهذا اريده"

yasser
لاتعليق,انا اللى فضحت نفسى,وبعدين حد غريب ليه انا عايزه استبدل كل دول بواحد,هوه ده المطلوب

Manar
لا يامنوره محمد انتى متعرفيهوش,ابقى اعرفك عليه بأذن الله

mitar2a3 said...

sarwa,
momkin tshoofy fi karfour ganb kism el kobayat wil sainy
w law el kimya 7'ilsit momkin tgeeby wa7id tagmee3 mil wikala

DoDe4Ever said...

انا اعرف راجل فيه المواصفات دى

هو الراجل اللى هتحبيه من قلبك جدا

انتى كتبتى مواصفات كتير و نسيتى اهم حاجة

يكون زى " فلان " اللى بتحبيه

:)

الحب انتى نسيتيه فى مواصفاتك , انتى كده أكنك على رأى المثل.....

بتشترى راجل

هههههههه

Sarwa said...

لا مبفيش ف كاركفور اصلهم مبيزلوش
"للتصدير بس"
---------------------
انا عايزه واحد كده عشان احبه

DoDe4Ever said...

الحب مش جهاز تليفزيون 50 بوصة محتاج يكون فى دى فى دى و ساوند سيسنم و شاشه بلازما و ماركته سونى عشان اقدر اشتريه

الحب هو الكيميا اللى بتحصل بين شخصين فجأة و لحظتها بس لما الكيميا دى تحصل يقدر الشخصين شوفوا بعض كانهم فى غاية الكمال , كل شخص يشوف التانى أكنه كامل الأوصاف

لو كل واحد او واحدة صمم انه يجيب التليفزيون السونى ابو 50 بوصة يبقى حاجة من الاتنين , لإما هيقعد كتير يستنى يجيبه و ممكن لما يلاقيه ميلاقيش الكيميا دى تحصل

او ان المصنع منتجاته تخلص و بقيت التليفزيونات شركاتها تتقفل

و بعدين الطلبات اللى انتى طلباها كلها نسبية , يعنى كلها من وجهة نظرك , يعنى ممكن يكون شخص مثقف بس فى مجالات غير مجالاتك فتحكمى عليه انه مش مثقف , او راجل بصورة معينة غير اللى انتى شايفاه من وجهة نظرك.

على العموم المواصفات اللى انتى طالباها موجودة عندى ماعدا انى مش صايع بس تكريما للفتاة اللى هقابلها فى المستقبل و انى مش أقارنها بشخص اخر فى يوم من الأيام, بس للأسف انا حابب ان الشخص يكون بيحبنى على عيبى قبل ما مميزاتى زى ما انا حبيت قبل كده على عيوبها و مميزاتها.

عندما تحب , تجد ما امامك كامل الاوصاف.

لكن اللى انتى بتطلبيه ده جواز صالونات.

د. حكيم عيون said...

والله يا ثروة انتي دماغك عاجباني اوي .. تصدقي ان البنات اللي زيك بقوا نادرين جدا .. وع العموم انا مش هاشكر في نفسي .. بس انتي عجبتيني .. وممكن اعجبك انا كمان .. مين عارف .. مش يمكن ناكل مع بعض .. ممكن نتكلم اكتر ونتعرف علي بعض .. اوك .. حتي نلتقي
وعلي فكرة مدونتنا اسمها : اتنين من الناس
www.etneen-mn-elnas.blogspot.com
ودي ايميلاتي كمان .. يللا بقى , ماهي ظاطط
dr_7akim3ion@yahoo.com
dr_7akim3ion@hotmail.com
و .. سلاااااااااام

Sarwa said...

الله ثروه كده حاف من غير القاب,دى ظاطط فعلا ولا عشان انت من طنطا يعنى فاكرنى هسكت
ملحوزه-حتى نلتقى-:ناكل مع بعض ايه؟

Anonymous said...

على فكرة انا فيه كل الصفات دي دكتور وصايع غريبه اه بس مش مشكله بيقولو عليا عسول ودمي خفيف حنين ممكن كل حاجه ممكن بس بحبك دي بقى الي مكدبش عليكي لسه مش فيه هو انا شفتك فين عشان اعرفك واحبك اساسا اعتقد بعد كل كلامي دا لازم تستنبطي ان اكيد فيه صفات سلبيه ياريت تعرفيهالي على ايميلي بقى enta_omry99@yahoo.com

د. حكيم عيون said...

ممكن نضرب اي حاجة من عند ولعتين .. ونحلي باتنين شاي بالنعناع
صحيح .. هوا انتي ايميلك ايه .. وصورة النونو اللي حاطاها دي بقالها كام سنة و .. ياكلوا حلاوة ياكلوا جاتوه .. ياكلوا كل اللي يحبوه

Sarwa said...

كل اللى ساب اميله نوعدك اننا هنعاود الاتصال بيكو

ولعتين لا انا بحب وطنيه
هو البتاع قلب شات كده ليه

Anonymous said...

السلام عليكم شوفى ياست الكل انا مش هنتقدك بس انا هنصحك حاولى يكون ليكى صحبه صالحه وهيكون ليكى معايير اختيار تانيه خالص وانتى هتلاقى زوج تحبيه جدا و سعتها ادعيلي ربنا يرزقنى بزوجه صالحه