Saturday, January 06, 2007

نــــــــــــاقص حته
....ناقص حته
....وكل ما أوزن
......ألاقي لسه
ناقص لي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
....وأقول ها نفرح
..ف يوم
..ها نفرح
ويوم مانفرح
علي الله
...يفضل في القلب حته
علي سلامه
تحديث
لكل اللى طلب الاغنيه صوت بقى
حملوها من هنا
وبصراحه الحفله كلها كانت جامده ودى هتلاقيها هنا
والفيديو بتاعها شوفوه هنا وهنا و هنا و هنا و هنا

14 comments:

m_elsewedy said...

طب هاتى حتة
:D
لذيذ الكلام
:)

على فكرة بالصدفة البحتة انا حاطط نفس اغنية نجاة على البلوج عندى
صباح الصدف

تحياتى
:)

m_elsewedy said...

غلطة مطبعية
:D
هو الظاهر كدة النت كان بيخرف عندى فا شغل عندك الاغنية اللى على البلوج عندى مع انى قفلت صفحتى بس برضو اغنية نجاة فضلت شغالة عندك ومع انى برضو عملت استوب للاغنية وشغلتها تانى برضو طلعتلى نجاة

فاهمة حاجة؟
:D
المهم ان فيروز منورة
:D

مصـ( الخير )ـعب said...

على فكرة
أكتر حاجة بأعشقها في أي عمل فني
قبل ما يكمل على طول
يعني لما يكون لسة "ناقصه حتة"

مش عارف ليه بس أنا بأحبه كده

Anonymous said...

ويا عيني كمان لو تسمعوا الغنوة دي بصوت وجيه عزيز ..لحن عبقري نقل إحساس علي سلامة بكل صدق فا بقت غنوة مش ناقصه حاجة بتقولنا إن ناقصنا حاجات كتير
شكرا علي نشر الكلمات

وائل

Hazem Lashin said...

Sarwa,
I have following your blog for months now. I never wrote to you before. But when I saw this little piece of "zagal", I loved it and decided to write to you with gratitude. Carry on the good work.

Thanks

Salam

Hazem

Anonymous said...

انا مواطن اماراتي لما سمعت اغنية ناقص حته من صديقي وزميلي في العمل الشاعر علي سلامه وبصوت وجيه عزيز على العود فقط بكل صراحه كانت روعه وتمس كل انسان ,اتوقع انها تعجب الناس مثل ما عجبتني وشكرا

سلطان راشد

Mohamed A. Ghaffar said...

مش ناقصه اى شئ ، ده كده تحفه اوى

Anonymous said...

عزيزتى
اولا انا معجب و مصدق حكمتك المدونة اعلى
انا معجب كتير باغنية ناقص حتة - كلمات لم نسمعها منذ سيد درويش و طبعا الناس بتوع الاعلام فرضوا علينا كلام فارغ +اصوات رديئة وبالتالي لم نستمتع بها وعلى رأى المثل اذا لم تستطيع مقاومة الاغتصاب -استمتع بة واحنا اغتصبنا فى اذواقنا ولكن لم نستمتع

كل سنة وانت طيبة وكمان عيد سعيد

مصطفى دياب

A L A B D E L R H M A N . said...

كل سنة وانتى طيبة
وكل حتة من احلامك تكبر يارب

.العَبدِالرَحَمن

Anonymous said...

كل سنة وإنتي طيبة يا ساسو ..
وشكرا علي كل الحاجات
تحياتي

علي سلامة

ربك بكره يعدلها فى اوانها said...

انا تقريبا قريت كل اللى كتبتيه ...
اول مره احس انى اعرف حد و انا فعليا معرفوش كده !!
و اسمحى لشخصى المتواضع انى اقول رأى المتواضع
(انا على فكره 23 سنه برده )
انتى يا انستى العزيزه ضايعه بكل ما تحمله الكلمه من معان !!
براحه براحه انتى هتضربينى ؟؟
انا مش قصدى حاجه وحشه انا قصدى انك تايهه !
و هو ان الواحج يبقى تايه تبقى شتيمه ؟؟
العيب ان يعرف الاتجاه الصح و ينفضله !!
و يالاسف !!!
واحده زيك بكل الطاقه و الحياه و الذكاء دا
بصر عالم و سيف محارب الى هذا الحضيض هذا الحضيض (حتى shakespear على الماشى
كده

و مش هكتر عن كده لان النصيحه فى العلن فضيحه
و اخر الكلام خير الكلام

(قل لعبادى الذين اسرفو على انفسهم لا تقنطو من رحمة الله ان الله يغفر الذنوب جميعا )

SaSo said...

m_elsewedy
نجاه مين؟
انا موش فاهمه حاجه

مصعب الخير
نظريه بردو

Anoynomous
الاغنيه فعلا بالصوت ملهاش حل


Hazzem lashin
Merci & keep on commentin 2 me

سلطان الراشد
حطيت لينكان للأغنيه والحفله,Enjoyyy


Mohamed A.ghaffar
:) فعلا ابداااااااااع


مصطفى دياب
على سلامه شاعر جاااااااااامد جدا و وجيه عزيز مغنى وملحن ملوش حل وفيه بيهم دويتو رائع,ارجو انك تكون استمعت بالحفله.كلها على نفس المستوى اللى انت بتقول عليه


Alabadelrahman
ميرسى وانت كمان :)

ا|على سلامه
منورنىىىىىىىىىىىىىىىىىىىىىىىىىىىىىى والله,سعيده اوى بالزياره الغاليه دى
كل سنه وحضرتك طيب
ونور وعبد الله بخير


بكره ربنا يعدلها
معلش حقك عليا,دى حاله عاااااااااامه

Anonymous said...

الحقيقة دي أول مرة أسمع الشاعر علي سلامة ويمكن ده تقصير مني ‘ أشكرك وعايز أعرف منين ممكن أجيب دواوين الشاعر علي سلامة

طاهر المصري

عادل سلامة said...

ميرسى يا ثروة على البوست الجامد ده

.. شوفت بقا يا عم على ياجامد الناس بتسأل على دواوينك

وانا كمان بسأل
ازاى مافيش يا استاذ على سلامة يا جميل
اذا كان عادل سلامة عامل ديوانين لغاية دلوقتى
ازاى بقا سلامة الكبير يحرمنا من دواوينه