Tuesday, June 05, 2007

كل 5 يونيو وانتى طيبه يامصر

نهار داخلى
اوضه السفره عندنا ف البيت
انا وبابا ونشوى بنت خالتى بنتغدى


بابا:عارفين ياولاد ان"شريفه ماهر" كانت بتغير هدومها ف غرفه قياده العمليات الجويه فجر يوم 5يونيو67
انا:مين "شريفه ماهر" دى يابابا؟
نشوى:مين" 5 يونيو" ده ياعمو؟قصدى ايه اللى حصل 5يونيو 67 ده؟




مـــــــــــــــــــش هاننسى

26 comments:

سكوت هنصوت said...

شريفة ماهر...برلنتي عبد الحميد..والله...والله ما بتفرق معانا الأسماء...حلو الإختصار الحلو ده

micheal said...

لأ بجد زعلان منك..بقي كده يجي 5 يونيو و تنسي طنط برلنتي
:(

Masry said...

لالالا مش ممكن ننسي ..
مش ممكن انسي نشوي بنت خالتك او اي من اشباها العظيمات المصريات
و المصريات اهمة :)
و سمعني سلام خلي السلاح صاحي
صاحي
صاحي

Masry said...

بمناسبة الاغنية
عمنا نجم كان بيقول ان الاغنية دي اتعملها اضافات شعبية مش هوة اللي كاتبها بس ممكن تكون نزلت مكتوبة في القصيدة فيما بعد .. زي
الحمد لله اي ظاطت
و البيه حاطت
في كل حتة مدير ظابط
في الاصل حمار :)
و الحمد لله خبطنا تحت بطاطنا
يا محلي رجعة ظبطنا من خط النار

بحب الاغنية دي اوي

SaSo said...

مين برلنتى دى كمان هو احنا خلصنا م الاولانيه عشان نعرف التانيه؟
هيه كانت بتقلع هناك بردو؟

اخر من الاخرين
نشوى مالها نشوى زىىىىىىىىىىىى الفل,دى حتى تنفع زوجه مصريه كده
وبمناسبه الاغنيه ف الاضافه دى كتبها عامل من عمال الغزل ف حلوان وطلب انها تتنغنى
متخفش مذاكره حكايات القصايد كويس

Masry said...

يا بنت الايه يا عفريتة ..
اشمعني قدامي بتعملي عبيطة و مش عارفة حاجة :P
ماشي يا عم خلاص اتأكدت انك مذاكرة
و عارفة الخريطة
من اليمين للشمال
زي ما علي سلامة قال

علي فكرة برلنتي كانت البوس .. شريفة ماهر دي تسالي كدة علي الماشي
يلا بقي كل نكسة و انتي طيبة

AHMED SAMIR said...

نشوى لخصت بالسؤال الرهييب دة احوال اجيال عصر مبارك
بس صحيح:
مين شريفة ماهر دي؟
بجد والله مش هزار
تحياتي

Alexandrian far away said...

بجد مين شريفه ماهر؟
أيه التوهان ده؟
طيب أقول لكم مصيبه أكبر
فى أستفتاء سريع بين الأصدقاء على الأنترنت
فشلت صديقتان سوريتان( وصديقه فلسطينيه ( تقيم بفلسطين) في تذكر ما هو 5 يونيو
يا لهوىىىىىىىىى
دى الخطة على مستوى أقليمي مش محلي بس
كله أنقلب معيز سعادتكم ولا مؤاخذه

abu lara said...

يلعن ابو المناهج الجديدة واللي حطها..
على زمنا علمونا قصيدة
" فلسطين داري و درب انتصاري
تظل بلادي هوى في فؤادي
و لحناً ابياً على شفتيَ
وجوه غريبة بأرضي السليبة
تبيع ثماري و تحتل داري"

اليوم بعلموهم أطبطب و أدلع و خربش خرابيش و بوس الواوا .

ساسو ارجعي للبوست السابق لانه إلك فيه هدية

محمد عبد الغفار said...

ريفه ماهر كانت غساله بتيجى تغسل الهدوم مرتين فى الأسبوع فى بيت عمة وادلتى قبل متبقى شريفه ماهر

بتوع الثوره كانت نفسهم حلوه

boshra mohamed said...

هى نشوى لسه عايشة
طب وحياة الست شريفة سلميلى عليها

SaSo said...

بمناسبه 40 سنه ع النكسه الجزيره كانت عامله ريبورتاج لفت لفه ع الشعوب العربيه م المحيط للخليج تسألهم عن ذكرياتهم,ال ذكرياتهم ال
محدش عارف 5 يونيه ده بيبع ايه اصلا
ده انتى مطلعتيش لوحدك يانشوى
اللى يقولك لا لالا والله ماادرى
5يونيو شو 5يونيى خلينى بالبورصه هيييييييييه احسن
دول طبعا اخوانا الجمال بتوع الخليخ
ف مصر بقى اللى يقولك اصلى كنت صغير ساعتها بس هو كان فيه ثوره
واللى يقولك حرب ع الملك عشان الاسلحه الفاسده
.....



المهم محدش قالى يعنى مين شريفه ماهر دى,ولاانا هفضل حماره كده كتير

SaSo said...

اه صحيح نشوى بتسلم عليكو كلكوووووووووو

islam yusuf said...

بصراحه و بوضوح
احنا اكتر حاجه فينا اننا بننسى و عندنا امكانية النسيان لأقصى حد
خلاص انا معاكى
مش هاننسا
لكن عملنا ايه بالذكرى دى
ايه اللى اتحرك فينا

ابوجلال المصرى said...

السلام عليكم
اولا
ثانيا وحشتني مدونتك وكلامك الحلو بقالى كتير ما عدتش ..
بس زعلان من كلامك على الرجاله
طيب مال الحريم اسخم وازل ...
فيهم وفيهم طبعا .. يعني لو كل البنات زيك وزى سمسمه من غير طبعا موضوع الرجاله اكتير الرجاله حالهم هايتغير لكن الرجاله بتروح تشوف غوريلات فى البيت ولو كلمتيهم عن اللى بيحصل في البلد تكلك عن المصروف ولو قلتلها الدستور تقولك ياعم غور
وربنا يسهلها
شكرا ابوجلال المصرى

Anonymous said...

مدام البت مثقفة يبقى ابوها مثقف اكتر منها بكتير وعشان احنا برضة مثقفين ومفيش حد احسن من حد يبقى لازم منخدش الكلام بمعناه المباشر شريفة ماهر دى رمز لكل المصرين اللى بقالهم ستين سنة كل يوم بيغيرو هدومه بعد العملة الشنيعة بتعملها فيهم الحكومة مع ان الحكومة تقدر تعمل اللى هيا عايزاه من غير متنجس الهدوم

العمدة

Masry said...

ابو العمد بتاع الكناية و اللي فاهم ما وراء الكلمات
صباح الفل يا ريس
ممكن برضة كلامك يمشي يا باشا بس شريفة ماهر شخصية حكيكية لانها ممثلةو مطربة كانت بتمثل زمان مع عم فريد الاطرش و الناس الجامدين دول و اللي عايز يفتكرها يروح يتفرج
http://www.yallacinema.com/actors/actordet.asp?actid=695

ممكن نبقي نعمل لمدونةلشريفة هانم علشان خاطر ساسو

مفتقدك يا ساسو

Anonymous said...

مممممممم
ابلة يا ابلة
هى شريفة ماهر كانت بتغير هدومها ليه؟
ها ليه؟

SaSo said...

اسلام يوسف
عملنا ايه بالذكرى؟
معرفش دى موش مشكلتى انا مكنتش هنا من 40 سنه اساسا.بس بيتهىءلى لو كنت موجوده كانت حاجات كتير اتغيرت
انت رايك ننسى ونفض ونعيش؟
احسن بردو

ابوجلال المصرى
حمدلله ع السلامه,ومتغيبش كده
مع ان ده موش موضوعنا هنا ومش وش مكانه
بس بجد الرجاله بقت مفتريه اوى موش عارفه على ايه.صدقنىىىىىىىىىىى

عمده
نو كومنت
تعليقك ف الجون ويعتبر اضافه للموضوع


اخر من الاخرين
انت فين؟
وبعيدن اللينك موش شغال يابرنس,انا دخلت ودورت بنفسى كمان ملقتهاش ف اللسته

يعنى موش معقوله هفضل قاعده جاهله كده,اصل ابويا مردش عليا واتلخم ف البلوه التانيه اهم.
بس هو قاللى بعد كده انها كانت ف الفيلم بتاع فريد الاطرش واسماعيل يس بتاع المصباح السحرى
كانت المصباح...قصدى كانت مرات اسماعيل يس ولاباينها كانت مرات فريد موش فاكره

عاشور
معرفش مسألتش بابا

حدوته مصرية said...

شريفة ماهر كانت ممثلة وكانوا ايامها صلاح نصر فى المخابرات كان عايز يستخدم الستات فكان بيختار مثلا زى شريفة ماهر و يصوروها فى شقتها مع حد و بعدين يتفقوا معاها على فلوس برضه هتاخدها مقابل خدمات كده
اما برلنتى عبد الحميد فهى برضه كانت ممثلة كده و خدعت عبد الحكيم عامر و عملت معاه علاقة وبعدين قالوا انهم متجوزين بس فى السر
كان كله شغل عن طريق الستات يعنى و اللى عمله صلاح نصر
اى خدمة

Masry said...

saso
انا فين ؟؟ .. اعمل زي ابن الحاج احمد قمر و اغنيلك ... بقي انا برضة اللي فين دانت اللي مبتسألش
و علي الهواء مباشرة و في المدونة
خلاص هشوف لينك تاني بس هجيب قرارها هجيب قرارها و ممكن نعملها عمل كمان
بس عندي استفسار .. ميين البلوة التانيه:)

Masry said...

من مواليد 30/9/1932 اسمها الحقيقي هدى ماهر، درست بالمدرسة الفرنسية. بدأت أعمالها في الأدوار الصغيرة، تخصصت في أدوار الفتاة الحسناء القوية الشخصية التي تدفع بالآخرين في المتاعب اختفت عن الأنظار طوال السبعينات والثمانينات، عادت مرة أخرى إلى الأضواء عام 1995، قدمت أكثر من 50 فيلما.
من أعمالها:بلد المحبوب -أنا بنت مين- ظلموني الحبايب-المقدر والمكتوب -كدت أهدم بيتي- فالح ومحتاس- تحيا الرجالة- ارحم دموعي -من رضي بقليله إسماعيل يس في البوليس- العقلاء الثلاثة- قصر الشوق- جفت الدموع - كلمة السر-عذراء و3 رجالة-

t3ban said...

لا بجد أنت فعلا آخر من الآخرين
موسوعة

مش مهم said...

اخيرا اقتنعت بدور المرأة

SaSo said...

ميرسى,منتحرمش

MAKSOFA said...

شريفه ماهر ، ومها صبري ، وورده الجزائريه

وشريفه ماهر هي مطربه طويله قوي وبيضا وشعرها أصفر ممكن تعرفوها من الفيلم اللي كانت أمينه رزق حماتها وكانت شريفه بتعاملها وحش وطردتها من البيت وراحت أمينه رزق تشتغل عامله نظافه في مستشفي وبعدين نار السخان حرقت وش أبنها والذي لم يكن يعلم أن زوجته وراء هروب أمه

عرفتوة أنا أصلي ناسيه الأسم بتاع الفيلم

كان زوج شريفه في الفيلم نور الدمرداش ، وكان أخوة شكري سرحان وكان مسافر بره
وبيحب سعاد حسني