Sunday, July 15, 2007

من مذكرتى

(1)
أحبه كما لم احب من قبل
أحبه بكل "بكاره" هذه الكلمه -نعم هذه هى الكلمه-
بكاره الاحاسيس كلها
احسبها اللمسه الاولى والقبله الاولى وكلمه العشق
احبه بدون قيود
ولاشروطى السخيفه التى اضعها فى بدايه قصص حبى
ليصبح حبه هو الشرط الوحيد
والقيد الازلى
فضلا لا,من قال "الازل" او "الابد"
لااهتم لهذه السخافات
ولاأومن الابالخلود الالهى
ولا اريده لأبد
ولا حتى خلود حبك له؟
بل خاصه حبى له,حبى لا يعرف القيود
فلماذا يعرف الابديه؟
احبك وكفى
احبك...فى هذه اللحظه
هذا ماأعرفه...وأعنيه
انا لم اسالك البقاء والموت هنا
فلماذا تطلب صكا بالابديه
(2)
الاتخافين ياصغيرتى؟
مم أخاف؟
سأعتبر انك لم تفهمى القصد من سؤالى
الاتخافى "الاخريات"؟
لا...كففت عن خوفى منذ زمن
رحلوا جميعهن وبقى هذا القلب ملكى
احم...لا أرى ماضى يوحى بكل هذه الثقه
لكنى المس -وحدى- كل الحب
كامل حنانه فى كامل رجولته
أين لأخرى ان تبقى ؟!
أين لها من مكان فى هذا القلب!
أين لها من نصيب -استنفزته كل- من حبه؟
(3)
رجاء لاتسألينى لماذا؟
لماذا هذا العشق الاستثنائى؟
لانى ببساطه:لا أعرف
ان كنتى تتوقعين اجابات المراهقات المعلبه
فعذرا ليست لدى واحدى
احبه لانه: طويل
احبه لانه: وسيم
او حتى لانه: يفهمنى
لا...
احبه لانه "هو"
هو بكل سخافاته
هو بملمس ذقنه النابته
هو بدخان سجائره
هو بكل هذه القذاره
هو بكل معنى جديد اكتشفته معه فقط
لمفردات الحياه المعتاده
أحبــــــــــــــــــــــــــــــــــــــــــــــــــــــــــــــه
كما لم احب سواه...

23 comments:

ابن فطومة said...

يا بخته

SaSo said...

انت لحقت تعلق؟
ايه بتعلق قبل ماأكتب
وحيات أبوك يامحمود بلاش حسد والنبى

ابن فطومة said...

متخفيش أنا مش شرير أوي كده
دي غبطة مش حسد

اخر من الاخرين said...

يا بخته تاني مرة
بس انا بحسدة بقي

محمد ياسر said...

طب انا اكمل الحسد ولا ايه؟؟ ههههههه

بس ايه الكلام الجامد ده فين مذكرتك اللى شايلة الكلام ده من زمان

Anonymous said...

بصراحة انتى شخصية مش عاجبانى وكلامك يكاد يكون مقرف من غير زعل يعنى
سلام

shams said...

كل الكلام الجميل دة
اية دة كله
و تقولي ما بحبش الشعر ما انتي قربتي تكتبي شعر فعلا
هو الشخص اللي كتبتيله الكلام دة لسة موجود و لا في العراق

حسن ارابيسك said...

أنا ارى من وجهة نظري أن بكارة الأشياء التي ذكرتيها كلها سقطت كونه قصة حب لم تكن الأولى بل جاءت بعد قصص وبالتالي هذا التناقض سقط عن أشياءك بكارتها فهدمتي فكرة وكيان قصيدتك عندما قطعتي بيدك الخط الأساسي في قصيدتك الذي تحركتي عليه عندما كتبتي تلك الجملة في قصيدتك
ولاشروطى السخيفه التى اضعها فى بدايه قصص حبى



شفتي بقا أنا لا أقرأوأجرى

فارس عبدالفتاح said...

أولاً : ما هي الشروط السخيفة التي تضعينها في أول بداية قصص حبك ،، أحب اعرف شروطك ،، يا ريت تقولي لي هي إيه .

ثانياً : بل خاصه حبى له,حبى ىيعرف القيود فلماذا يعرف الابديه؟

بصراحة أنا مش فاهم الفقرة دي ،،، إيه اللي تقصديه بالضبط .


ثالثا : انا لم اسالك البقاء والمزت هنا فلماذا تطلب صكا بالابديه .

ما معنى كلمة ( والمزت ) .

رابعاً : جميله كلمة ( احم ) دي وخدا بالك ،، والله الماضي ده طبعاً أنت اللي تعرفيه ،، ومحدش يقدر أن يجادلك فيه ، وحلوه كلمة ( أن لها من مكان في هذا القلب ) .

خامساً : في المقطع رقم ( 3 ) أنا مش فاهم سير الحديث تقولين لا تسألني وتجيبين ثم ياتى مقطع من المفروض انه كلامه هو ويقول (ان كنتى تتوقعين اجابات المراهقات المعلبه فعذرا ليست لدى واحدى ) ماذا يعني تتوقعين إجابات المراهقات المعلبه ،،،، وماذا يقصد ليست لدي واحدي ) ،،،

سادساً : تقولين ( او حتى لانه: يفهمنى لا... ) اتضح الأمر وانكشف السر على فكره الواد ده عملك غسيل مخ وبيعرف يلعب على أعصابك ،،، مع أنى اعتقد انك جريئة وذكية ،، ولماحة ،، لكن لكل جواد كبوه ،،، وأنت مش عايزه تقتنعي انه آريكي صح وبيعرف يلاعبك صح ،،، اههههه اههههه !!

باين عليكي تحبي الراجل الخشن في معاملاته مع البنات أو النساء بصفة خاصة في نفس الوقت يستطيع أن يقراء ويفهم البنت أو المرأة التي أمامه .

على فكره أنا قبلت كتير من الصنف ده من البنات والستات دي ،، إلى درجة بنت كان تريد أن تفسخ خطوبتها من خطيبها عشان هذه النوعية من الشباب أو الرجال .

ووحده تانيه كانت عندها استعداد إنها تتطلق من زوجها ،، عشان نفس النوعية من الرجال ،، وكانت بتكره جوزها لأنه خرع ومايع وخيخه ،،، كانت هتموت على الشاب ده ،،،،

اهههه اهههه ..

عايز بأه اسألك أخر سؤال بس جوبيني بصراحة انت عندك كام سنة ،،، وهل مش موجود في البيت أو العائلة نوع من هذا الراجل أو الشاب ،،، بصراحة بصراحة .

أنا أعرف انك جريئة لكن اعتقد انك مش هتقدري تجاوبي على سؤالي الأخير لأنه حساس ومحرج ..

لكن اسيبك لجراءتك ..... يا سا سو

فارس عبدالفتاح said...

انا اسف لانى بعلق تانى مرة

لكن انا مع الاخ اربيسك فى اللى قاله

لكن مش معاه لتفنيده النقدي لهذه الكلمات لانه وببساطة ليست عمل ادبي بمعنى الكلمة حتى يطبق عليه قواعد النقد الادبي

وسياق العمل الادبي

انما هي تباريح صباً ضاق عن حملها البحر

وهى كأنها تقول

كيف تصف من انت فى حضرته غائب وبوجوده ذائب وبصحوك منه سكران ولنحوك فيه نشوان وبسرورك منه آه ولهان وتعطلت لغة الكلام لان الحب يخرس اللسان

With Myself said...

مش عارف ليه حاسس بشبهة نزار قبانية :P

SaSo said...

ابن فطومه
صباح الفل ياباشا

اخر من الاخرين
يعنى خدت النمره لااتصلت ولاوريتنا وشك,يابنى بلاش شغل المنايفه ده وفك الكيس شويه ده انت لسه عاملهم اد كده ف الخليج,اه بقى بحسد
اشمعنى

محمد ياسر
المذكره,اه المذكره
معايا,ابقى فكرنى اوريهالك

انونيمس
بصراحه انت شخصيه "معفنه" وانا بستمتع لما اهزأ حد زيك وكلامك مقرف فعلا موش يكاد يكون.من غير زعل بردو

شمس
مبحبش الشعر,مين ده,انا؟
اما لينكات الشعر اللى ع اليمين دى ايه,بتمنظر بيها يعنى
مين ده اللى ف العراق.تصدق انا كده هكرهك

حسن ارابيسك
لا ايه absoultly زى ماللمبى بيقول
"احسبها الاولى" مشيها احسبها
والله كانها الاولى بالظبط
وزى مااحسان عبد القدوس بيقول "حبك الاول هو حبك الاخير"
يعنى القصه اللى انت فيها دلوق5تى بتحس انه ولا قبلها ولابعدها
ده احسان اللى بيقول موش انا
اقتنعت كده؟

ف6ارس عبد الفتاح
اقتنعت دلوقتى ان انا بنت ولالسه
موش معقوله هكتب كل الكلام ده ف واحد صاحبى يعنى؟
نرد بقى على ملاحيظك
اولا:شروطى الشخيفه.اممممممم موش فاكراها والله بس انا كنت برخم كده ومش عارف ايه وده اه وده لا ولازم لازم ولازم
ثانيا وثالثا ورابعا كمان دى غلطات مطبعيه,سورى اصلى كنت بكتب من الشغل
اتصلحت دلوقتى والمعنى وضح
خامسا:لاتسالينى موش لا تسالنى
اقراها كده هتفهم بردو
سادسا بقى:اه الواد قارينى جدا,هو كده وحش؟
وبالنسبه لاسئلتك التانيه انا بردو هرد عليها عشان تعرف ان انا ست جدعه وان خالتك اطاطا متتخيرش عنى ف حاجه
موضوع الراجل الخشن والناعم ده لازم يبقى ميكس,ميكس جامد جدا قليل اوى اللى يعرف يعمله صح حاجه كده زى "لاتكن صلبا فتكسر ولا لينا فتعصر" يعنى لازم طبعا يشكمنى بس بحنيه وبراحه ويبقى راجل بجد بيفهم ويعرف يتعامل على اد الموقف ولازم لازم بمنتهى الحنيه ف كل الاوقات
حاجه بردو زى"اتعصب بس براااااااحه,اتنزفر بس بشوييييييييش"
انا ياسيدى عندى 24 سنه,الحمدلله افتكر انى عديت سن المراهقه
اخر سؤال بقا,لا مفيش لا ف العيله ولا ف العالم راجل كده
الرجاله بتوعنا كلهم طيبين وانا يلزمنى واحد صايع يعرف يتعامل معايا
خلاص كده ولاايه؟


ويلكم باك
ده موش عمل ادبى خالص
ده مجرد خواطر محدش يلبسها قدر اكبر من كده

مع نفسى
ممكن فعلا

micheal said...

أنتي بجد مشاعرك جميله جدا و بتقدري تعبري عن نفسك كويس جدا و لا تلتفتي لاي تعليق سخيف
تحياتي

SaSo said...

ايوه كده هيه دى الناس اللى بتفهم
ميرسى

SAHAR said...

انا حبيتها اوي القصيدة دي

غمض عينيك said...

كلام حلو اوي ياساسو واحاسيس جميلة
ويابخته فعلا اللي عليه القصد

تحياتي ليكي
محمد سمير

ابن فطومة said...

نصيحة أخوية: أسرعي بكتابة تدوينة جديدة (مثلا اشتمى في الحكومة شوية العيد القومي قرب)، عشان مترجعيش تقولي "العين صابتني" وياريت اللي جرى ما كان
;-))

fanan fa2eer said...

حاجة مختلفة وسط كل الجرأة بتاعة بوستاتك التانية

بس اختلاف جميل
ذوديلنا شوية من الاختلاف ده ياساسو

علي فكرة مدونتي نورت بزيارتك

تحياتي

Alexandrian far away said...

مبروك الكعوره العاطفيه الجامده يا ساسو
الله ينور يا جميل
أيه الموضوع؟
أنت واقع جامد يا باشا باينك
أتمنى يكون حد يستحق
أو حد ياخد بتار الحكومه منك
هاهاهاهاهاهاهاهاهاها

SaSo said...

ميرسى,انتو حسستونى انى بعرف اكتب بجد

Howa Wa Heya said...

AMAZING BLOG
VERY FUNNY
YOU PUT A SMILE ON MY LIPS
VERY ROMANTIC POETRY
YOU ARE GREAT
YA BAKHT EL 7A YETGAWWEZEK

samy said...

انتى فعلا اسلوبك سلس وجميل انا متابع من زمان جدا بس أول مرة أعلق تحياتى وتابعى
اة بالمناسبة ليا سؤال اذاى ندخل موقع مكتبة نيرفانا؟

Anonymous said...

برضه كلام مش جديد
انتي متصوراه تجديد في الأدب العربي ويجب ان ينقش علي جدران المعابد
بس المشكله إن الكل باة يكتب كويس لدرجة إنك عاوز تبقي خارق عشان تبقي متميز او مجدد
د. احمد خالد كمان بيقول مره مشكلة النت إن الكل بيكتب لدرجة إنك متبقاش عارف تميز الكويس من الوحش ,
كله زي بعضه

أحمد زكريا