Sunday, July 20, 2008

تابعت بشغف وانبهار اطلاق سراح "سمير القنطار" ورفاقه بحاول أوصل للاحساس الحريه بعد 30 سنه أسر!!
30 سنه
موش متخيله ازاى واحد قضى كل شبابه ف الأسر وخارج لسه مؤمن بالقضيه والوطن,وعايز يوهب بقيت عمره للجهاد,هو موش كفايه جهاد 30 سنه ولاايه؟هو مفيش حد غيرك بيجاهد
انا شايفه ان ايام القبض على الجماعات الاسلاميه لما كانو بيقولو "لما نطلع من هنا هندق الصليب" فى اشاره على انهم باعو الجهاد والقضيه وربنا كمان,ده كان بالنسبالى رد فعل منطقى
اللى موش منطقى خالص الصدمه بتاعت "ماعدت الا كى أعود لفسطين"فى كلمه قويه كتبها بنفسه,ياترى كتبها امتى؟؟؟
وهو بيحلم بالحريه على سبيل العبث والوهم ليس الا او على سبيل ان طول العمر تبلغ الاملو لالما عرف انه خارج؟
انا أضيع احلى 30 سنه من عمرى فى سبيل....
فى سبيل اى حاجه بصراحه انا موش شايفه حاجه اصلا تستاهل انها تتحط مكان النقط
ولو اضطريت انى اضيع 30 سنه من عمرى اعتقد بعد كده هقضى اللى باقى بعيد عنها عشان أقل واجب يعنى هبقا كرهتها واتعقدت منها
موش هخرج اشكر السيد حسن نصر الله انه وهبلى الحريه
"رجال اذا ارادو اراد اراد,واذا عاهدو الله صدقو الوعد"
ملحوظه مهمه:اى حد ناوى يعلق ويشتم ف حزب الله او نصر الله وان هو اللى جر لبنان للى هو فيه دلوقتى,ياريت يتنيل وميحرقش دمى ويشوف هو يطلع مين "وشو قدم لهذا البلد"

5 comments:

Soooo said...

دي عالم فاضيه ياجرع
تلاتين سنه في المعتقل وعايز يجاهد
ده ايه الجبروت ده

نروح نشوفلنا ترب احنا بقى
بس ترب قانون جديد عشان مش معايا حق خلو الرجل



سلامووووووووووز

Abdou Basha said...

لاحظي انه معدش يعرف طريق تاني غير الطريق ده
وبعدين فيه فرق بين بتوع الجماعات الاسلامية اللي بيخرجوا ويبقوا تحت عين جلاديهم، وبين واحد خارج لأنصاره
فيه من الجماعات الاسلامية اللي كانو بره الدايره دي ما زالوا على ما هم فيه

أفندينا said...

مش حكلمك عنه الآن ولكن إرجعي وشوفي صورته وهو لسه صغير وطالع ورفاقه لتلك العمليه وبيد أحدهم الكلانشيكوف والآخر الأر بي جي .... وأقرئي عن دلال المغربي وكيف أن باراك ركل جثتها ومثل بها عقب استشهادها ، لنعرف جميعاٌ إن في هذا الوطن العربي رجال ونساء صدقوا ما عاهدوا الله عليه .... كما فيهم من باع العرض قبل الغاز والوطن ....... خالص التحيه لك وسعيد لمروري من هنا

muhammad said...

مش عارف ايه الصح و ايه الغلط

احنا زمن مفيهوش معايير خالص

اما ما ينفع الناس فيذهب جفاء أما الزبد فيمكث فى الأرض


مش عبد الله كمال و الراجل بتاع الجمهورية و أسامة سرايا بيقولو ايران حتودى نفسها فى داهية و ان كل ده لعب عيال

رينا يوفقهم

مواطن مصري said...

ربنا مع حسن ننصر الله