Monday, September 29, 2008

بيقولك الشعب الشموبونجى هو اللى طلع خاطف السياح عشان الشبكه معجبتوش وطلعت بايظه وكان مصمم ياخد القرد اللى بيتكلم فديه
ده من وحى اعلانات رمضان
اعلانات رمضان الفقيعه والحمله بتاعت السياحه ومحدش يضايق السياح ومحدش يتحرش بالسياح
غلطانين الصراحه ماهم مقالوش محدش يخطف السياح
بصرف النظر عن فكره الحمله الساذجه وانها مبتخاطبش اى حد تقريبا ولا هتسيب اى اثر انما هيه كتر فلوس وعشان يبقا اسمنا برضك عملنا اللى علينا و خلاص,الاعلانات برؤيه اعلاميه فاشل
ــــــــــــــــــــــــــــــــــــــــــ
كنت قريت من زمان على بلوج موش فاكره ان الحكومه بتتعامل معانا بمنطق "العصابه" يعنى العصابه لما بتسرق سريقه الاول لازم تلخمك ف اى حاجه جانبيه عشان تعرف تسلك الهبره الكبيره,وياريت بما ان ربنا فك الغمه الحمدلله والعادلى دفع ال6 مليون من مصروفه ملوش لازمه بقا تنفيذ الحكم بتاع ابراهيم عيسى
ـــــــــــــــــــــــــــــــــــــــــــ
شيخ الازهر بقا تتوالى مواقفه الزباله ف الموقفين مره طلع الراجل من المفسدين ف الارض ولازمن يتجلد وتقطع اوصاله ومعرفش المره دى طلع الخاطفين خارجين عن المله وكفار ومش هيوردو على جنه,اسكت بقا وارحمنا كفايه فضحتنا على طول مسحوب من لسانك وجايب لنفسك الكلام ليه,النبى ياشيخ تخليك ف كوزك لما نعوزك
"ربنا لا تؤاخذنا بما فعل السفهاء منا"

5 comments:

ألِف said...

لأ! كله إلا القرد ال بيتكلم
ممكن يرجعوا لنا القرد و نديلهم بدله محمد حسني كباري، و هو كمان بيعرف يتكلم، و كمان منخيره حمرا.
لو أصروا على القرد يبقى نبدأ حملة مقاطعة للتليو.

محمد الكومي said...

و اله سيادتك في موضوع الاعلانات

عادي يعني ماتحطيش في نفسك

و بالنسبة لشيخ الازهر

ربنا يدي كل واحد على اد نيته

micheal said...

الا القرد يا ساسو..ده بقي خلاص مننا وعلينا أما شيخ الأزهر فماشي بمنطق الشيخ مبروك في فيلم الزوجةالثانية
مبرووووووك الخطوبة
:)
تحياتي

SaSo said...

هبعت ساويرس شخصيا يجيبه متقلقوش
ده بالنسبه للقرد طبعا موش شيخ الازهر
شيخ الازهر موش عايزينه,طب اقولكو خدوه وهاتو الارض اهو بيتكلم برضو
و بيطبل

arab girlscool said...

This is such a nice addition thanks!!!

شات صوتي
كول
عرب كول
شات مغربي
انحراف كام
شات عربي
عرب كول

غلا الروح
شات الغلا
غلا روحي
شات صوتي
شات الغلا
الغلا
شوق كام
شات صوتي شوق

شات صوتي
شات عذاب
عذاب كول
عذاب كام
شات كام
شوق كام
شات صوتي شوق
شات كول
شات صوتي