Thursday, March 17, 2011

كتابه ملهاش طعم

تدوينات ملهاش طعم من غير امن دوله يراقبها
امن الدوله اللى مصصم يبضن علينا حتى بعد رحيله
امن الدوله اللى كانت اسراره المستخبيه ف قدس الاقداس ان مصر مختارتش شيبسى بطعم الجمبرى ولاحاجه مصر اختارت شيبسى بطعم الطعميه البيتى وهما بحكم العاده ليس اكثر زوروا النتيجه او ربما لان جمال مبارك هو اللى ماسك توكيل طعم الجمبرى ف بر مصر
امن الدوله اللى كل من له باسورد اميل ناسيه لاقاه هناك
ناس تافهه اوى كانوا بيراقبولى تليفون عيل عندو 18 سنه,دوله ايه اللى تبقى مرعوبه من عيل عندوا 18 سنه والنبى!!!
تدوينات ملهاش طعم من غير حزب وطنى نمسخره ,ده انا كنت بستنى المؤتمر السنوى م السنه للسنه زى مابستنى وقفه العيد,كان موسم كتابات وكومنتات وفيدوهات وتبقى ليله بقا ياعمده
ملهاش طعم لان مفيش غير موضوع واحد مفتوح اجبارى للمناقشه ,الاستفتاء على الدستور
اللى هيقول نعم ليه واللى هيقول لا ليه .... اكتب ايه وانا عارفه ان النتيجه ف الحالتين واحده
هكتب ليه فى واحنا ماشاءالله بقا عندنا80 مليون محلل سياسى واعيين ماشاءالله عليهم عارفين كل حاجه ف البلد وكانوا عارفين اللى هيحصل ده من زمان اصلا
اه ماهم محللين سياسين وخيراء دستوريين وفقهاء ف القانون الدولى ومحشى ورق العنب كمان
الوعى السياسى مطلوب وكنا بنادى بيه من زمان موش كل واحد اتفرجلى على موجز للجزيره بقا مستشار قانونى ولا كل واحد قال "تحيا مصر" بقا جيفارا

8 comments:

Anonymous said...

ههههههههههههههههههههههههههه
هو تقريبا المصريين اختاروا طعم الطعمية لان الجمبرى كان حلم ممنوع ومازال وشكله بقى اضغاث احلام معاكى حق بس الملك ارثر توالى الحكم تقريبا وهو لسة طفل فممكن يكونوا خافوا على مصر من ابو 18 دا يكون بيفكر كدا ولا حاجة ومسئلة التواريث رتوح هبائا منثورا
المهم بعيد عن كل دا انا متافق جدا معاكى ان لو مصر كان فيها 85 مليون خبير كروى زمان فمصر دلوقتى احسبى 85 مليون موطن دا + عدد ما تحملها الامهات من اجنة + ما يحمله الاباء من استعداد حاصل جمع كل دا محلليين سياسين بارعين والاغراب ان الكل بيفتى وتقريبا كانه مصدر التشريع وياويلك لو فكرتى تختلفى تقولى اه هقول نعم اولا هقول لاء هتلاقى محاكم اتنصبت وبقيت ام من اعداء الثورة ومن فلول الحزب الوثنى او انتى من بلاهاء التحرير فبقت الحيلة هى المستخدمة حاليا انى اخالى اللى قدامى يقولى هو عاوز اية علشان انفض عن نفسى عبئ المناقشة رغم ان كل واحد لو قعد مع نفسة وحسابها زى ناس زمان كدا خمسة بشلن وشلن بخمسة كانوا لاقوا اننا بندور فى حلقة مفرغة من الوهم تانى هرجع واقوللك انا مش متافئل للمستقبل القريب ويارب يخيب ظنى واكون انا من كتر ما كنت متكئب بقيت زى مرض اكتئابى متحرك

خالص تحياتى
يوميات حارة

SaSo said...

انا كمان موش متفائله
وحاسه اننا قريب اوى هنبقا 80 مليون موش متفائل :))

Anonymous said...

ياااااااااااااااااه حمدلله ع السلامة فينك ياساسو, انا كنت متابعك من زماااااااااان وفجاة قفلتى المدونة لية مش عارف لكن عموما الف حمدلله ع السلامة يا قمر

حلم بيعافر said...

يااااااااااااااااااااااااه

المدونة دى اول مدونة زورتها فى حياتى

كان الكلام من 3 او اربع سنين بس جت فترة واتقفلت ...قلت صاحبتها اتجوزت وجوزها حبسها وفصل النت)))



عود احمد ان شاء الله

وفعلا البلد انضف من غير امن الدولة

Anonymous said...

هههههههههههههههههههه معاكى حق ياخوفى يعملوا حزب او جروب على الفيس ويتسمى حزب او جروب المش متفائلين واعلانتناتكون المصريين مش متافئلين واحنا معاهم ههههههههههههههههههههههه
:))

ابن رشد said...

لا متهيئلي انا متفائل و فرحان كمان بــ80 مليون خايفين على مصلحة مصر

الشركة المصرية الالمانية said...

سخريتك رائعه وماتستعجليش ع امن الدوله كله جاى المجلس العسكرى مش حيحرمنا من حاجه
ارجو التكرم بزيارة موقعى الذى يهتم بعرض احدث الطرق لـتخلص من الحشرات المنزلية والقوارض الضاره بصحة الانسان http://www.egyptgerman.com/

Wohnungsräumung Wien said...

Thanks for it .. I hope the new Topic is always