اخويا كان عايش السنه اللى فاتت دى على امل انه يجيب الدرجه النهائيه ف امتحان الالمانى فيقوم ايه يسافر المانيا المنحه بتاعه الحكومه كتر خيرها
وطبعا ده يعتبر هدف لاباس به لعيل ف اولى ثانوى الواد مبيذاكرش غير الالمانى وخد درس عند مدرس المدرسه عشان يضمن اعمال السنه ,المهم الحمدلله ربنا كلل جهده وجاب 30 من 30 ف التيرم الاولانى وادى ياعم دفعه للامام اهيه
يوم النتيجه بقى
_عملتى ايه ياسلومه
(عملت ايه يا اسلام يعنى)
-اهه نجحت
-والالمانى؟
-جبت 21 :((
-ياه ليه
- معرفش والله مع انى راجعت الامتحان كله مع الاستاذ صح وادالى اعمال السنه كامله وكل صحابى اللى كانو جايبين درجات نهائيه التيرم الاولانى نزلوا بردو
القصه دى اهداء لكل مسئول *** ف البلد دى ويقولوا العيل اللى عنده 15 سنه ده هيفكر ف بلده ازاى بعد كده
وعلى راى البتاع "يبقى انت اكيد اكيد ف مصر"
3 comments:
أخويا انا اصغر بيقولى أن الدرجات دى بيحطوها من دماغهم
لذلك اقترح التصحيح بالكمبيوتر
اكيد مرات الكمبيوتر مش هتنكد عليه كل يوم الصبح
ولا عنده اى مشاكل
هيكون فايق ورايق ويعرف يصحح بضمير
قولى لاسلام ميزعلش 000لو عايز يراسل حد بالالمانى يبعتلى
ثم يا رجل يوم متلروح المانيا الحكومة المروشة هى اللى توديك كدة احسن بدل ما يضحكو عليك هناك
على فكرة هيه دى سياسة التعليم فى مصر
يعنى فيه نسبة نجاح معينة .. وكذلك التقديرات .. يعنى فكرة التصحيح دى كانت زمان ... دلوقتى تجاوب ما تجاوبش نسبة النجاح معروفة قبل ما حد يمتحن
ماساة
Post a Comment