Wednesday, June 29, 2005

وكأنى عصفور متدلع


خلاص شريط منير نازل كمان كام يوم ,مبسوطه اوى حاسه بالظبط كأنى رجعت عيله مستنيه عروسه جديده
هيه لسه فيه حاجه بتفرحنى
بحبك يامنير

16 comments:

S H E B A K said...

و انا كمان مستنى الشربط ده بفارغ الصبر كانى مستنى الخلاص .... و بسأل زيك ياترى لسه فى حاجة ممكن تفرحنى ....لو مش منير يبقى مافيش حاجه تانيه ممكن

Mr-Biboooo said...

منييييييييييييييييييييييييييييييييييييييييييييييييييييييييييييييييييييييير
اكيد لسة ممكن اغنية تثير فينا احاسيس صادقة مش مزيفة
برافو عليكى

Sarwa said...

"يا حزن ليه ساكن ملامحى ,وبقين كأنك حته منى, الدنيا دايره غصب عنى ف اديا
ايه غير انى اغنى ,من لحظه الميلاد تغربنا الحياه"

استاااااااااااااااااااااااذ والله
الى لقاء يوم الخميس 7\7
ياريت تبقوا تقولولى رايكوا

Zeryab said...

الفرح شاطر
والحزن شاطر
والبحر غادر
بقوله حاضر
ده أنا لسه قادر
ف الحزن أضحك
هاى

أنا said...

أميره عقله في الحجله بالعقل يطير
كانت صغيره بضفيره كان هو صغير
ساعة متضحك مع اخوها تلاقيه بيغير
ساعة مترفع قلتهم تلاقيه عطشان
:-)
شوفتوا البوستر !؟
جامد

Sarwa said...

جامد اوىىىىىىىىىىىىىى

أحمد said...

لست متفائل
غالباً ... كارثة بشرية مثلا كوارث
((( أحمر شفايف )))

أنا said...

أبليس بدئت أكرهك
غير أسلوبك ياستاذ الناس بدئت تمل

Sarwa said...

:)))
انا كمان بدأت اكرهه بس بينى وبينك انا موش متفائله خالص ,مبدأى هيبقى كل اللى يجى منك حلو ياجميل

أحمد said...

ما تكره زى ما أنت عايز

أنا مالى

-----
منير منذ عشق البنات ، و هو ينتحر على طريقة الحيتان بالدخول في مياة ضحلة
حتى كانت الكارثة البشرية المسماه أحمر شفايف ... دا رأى و رأى ناس كتير بتسمع منير .... لا يمكن لأحد أن يدعى أن احمر شفايف ألبوم يخص منير أو يمكن الاستماع إليه اكثر من مرتين بالعافية ... و ربنا يخلى للكنج منير شوية الشباب الصيع الروش اللى بيشتغل معاهم زى أمير طعيمه و ايمن بهجت قمر
و دا بخلاف صاحب المزيكا القاتلة عمرو مصطفي

طبعا تجربة منير و تحيليل اسباب كارثة احمر شفايف يطول شرحها

---
انا قلت انى مش متفائل بالشريط الجديد ، لأنى قرأت الكلام .. و أكيد طبعا مش هتفائل لما الاقى منير بيغنى بيقول
(( حاضر يا زهر / أمرك يا زهر

Sarwa said...

ههههههههههه
حاضر يا زهر ,أمرك يازهر
ولا كارثه "أمر الهوى" ,ورايح لبهاء الدين محمد تانى انت محرمتش يامنير ربنا يستر
مع انى والله اول ماسمعت منير هيغنى اغنيه اسمها "حاضر يازهر"وكلمات عبد الرحيم منصور اتمزجت م الاسم اوى
منير معذور بردو عايز يبيع
انا لا اتوقع اغانى فى مستوى بس قلبى لا يتحمل "لما النسيم" تانيه

Lone Wolf said...

سمعتية؟؟؟ها؟؟؟؟

Sarwa said...

للآسف اه

"كيف ماالشمس وحده وكيف ماربى واحد ,أمر الهوى قلبى مايشيلش غير واحد"
عبيط ده ولا ايه
والنبى افتكرت انى شاريه شريط لخالد عجاج

Lone Wolf said...

هو ميكس بين مصطفي كامل و محمد فؤاد

Anonymous said...

سلام عليكم

اذا تكرمتم محبى منير

الشريط عجبنى جدا بس فى الكبيله ده معلق معايا قوى

اللى بيقول

عامل حمل وإنت غول ابقى الجمل وإنت
الخمول

بس كنت عاوز اتاكد من كلمة الخمول صح ولا انا سامعها غلطت؟؟

Anonymous said...

ازاى سمعتها اساسا ياعم .. دى لو ماقالهاش واضحة الحمول مش الخمول .. انت بس سمعته وانت نايم وف حالة خمول