"اسمى " ثروه
ايوه هيه دى مشكلتى الانطباع الذى يتركه اسمى اول مره. بالنسه لك الامر مجرد اسم لم تعتده اذنك ودعابه سخيفه ستلقيها ,اما انا فبسمع التعليقات دى بقى لى 21 سنه وكل واحد مصمم على انه ظريف وعلى انى لازم اموت على نفسى م الضحك -باعتبار على ان مايقوله مضحك- ولذلك اصبحت عندما يسالنى حد عن اسمى ارد باتسامه عريضه -تحسبا لرد الفعل الظريف-
اول مادخلت المدرسه كنت برجع معيطه واقول لماما "العيال بيتريقوا على اسمى" وكان عندى مشكله كمان ان اسمى مبيطلعش ف الكتاب يعنى زى "هبه" مثلا "هبه تلعب بالكره" ,اما انا ياعينى عليه اسمى لا يتأى الا مقرونا بال"قوميه او السمكيه او الحيوانيه كمان"
مدرس وانا ف ثانوى كان فاكر انى بشتغله مصدقش غير لما طلع الاسم من الكشف
مما زاد المشكله تعقيد انى لحد دلوقتى لما اسالها- ماما- "انتى سميتينى كده ليه؟" تبتسم ومترد ش -يعنى حاجه تغيظ-
لم يحدث فى تاريخى ان حد سمع الاسم ولم يعلق بأى تعليق -اللهم مره واحده -أو بعد مااتحفنى بتعليقاته الظريفه تدارك نفسه وقال"تلاقيكى بتسمعى الكلام ده لحد مازهقتى-اللهم مره واحده بردو- واذا حدث ولم يعلق محدثى فببقى متاكده انه سمع الاسم غلط اساسا
مافيه ناس كتير اساميهم وحشه وشاذه -موضه تقريبا امثال" داليرام و ريسينام"- , على الاقل "ثروه" موش محتاج انك تسأل "يعنى ايه"
انا اهيم عشقا باسمى -وليمت اصحاب التعليقات بغيظهم- ,اعتبره اكبر حسنه مامتى عملتها ,انا فخوره بأنه متفرد وغريب مثلى تماما ويؤكد مقوله "وللمرء من اسمه نصيب"
18 comments:
بجد اسم جميل ومميز، وأكيد أهلك اختاروه بحب كبير
بالعكس,يا بختك,اسمك لة معني و الاهم انة متفرد,بيخليكي تشعري بالتميز ,مش احسن من ميت مليون محمد او احمد الي في الاخر بيخترعوا لنفسيهم
nick names
علشان يميزوا نفسيهم
ميرسى ياجماعه كنت خايفه احسن الاقى كومنت بيقولى "ثوره 23 يوليو ولا حاجه" الحمدلله جت سليمه
انا موش كارهه الاسم-على العكس تماما- انا كارهه الناس
هو فعلا إسم غريب أنا اول مره اقابل حد بالاسم ده
بس ده ميمنعش انه اسم حلو
ثـــــــــــروه
ايه ده؟ "ثروة" ولا "ثورة" الفلوس الكتير ، و الغتى الفاحش و امشى يا ولد انت موش من مستوايا ، و لا الاضطراب و الهوجة و 1919 و 1952 و فرنسا و المقصلة؟
حددي من فضلك
ايوا ايوا ماهى نقصاك
يا ستي من غير زعل....انا فعلا موش عارف و لو اني اظن انه "ثروة" بس و النبي ما تزعلي ، و بعدين ماهو اسم كله فلوس و حاجات حلوه اهو ، دانا اسمي محمد شحاته ، اقعدي ساكته بقى!!!!
انت جامده اوى فى الكتابه
ثروة
أكيد انتى ثروة بجد
غالبا الناس المميزين تكون أسماؤهم مميزة. (تلاحظي توجه عند المثقفين بأن يسموا أبناءهم بأسماء متميزة ولا معنى). مش عارف ليه لما سمعته حاسس فيه روح فارسية، أنتو مفيش في عيلتكو حد ايراني؟
محمد شحاته
عادى كلها اسامى
littlemo
موش اوى يعنى
dode4ever
ميرسى
علاءالدين
فارسيه؟ اول مره حد يقولى كده,مفيش حد م اللى انت بتقول عليهم دول بس ماما دراستها كانت لغات شرقيه قسم فارسى
تفتكر ده ممكن يكون السبب؟
أنا عارف مشكلة الاستظراف مع وهم السبق دي.
للأسف اعتدنا على الأسماء المتركّة و نسينا أصولها العربية: حكمة، مروة، عصمة و غيرها.
تذكرين عِزة الدوري و كيف كان المذيعون ينطقون اسمه عَزة!
اختي
السلام عليكم,
السعاده هي الرضا
الرضا ان ترضى بكل ما انته فيه
"الهم ارزقنا النس بك والفرح بك والانقياد اليك والرضا بما عندك"
واسمك مش ناقصه حاجه قولي الحمد لله
بسم الله الرحمن الرحيم
اولاً يا ثروة .....لو قمنا بتحريك حرف الواو ليكن قبل حرف الراء فأنت حقيقة ثورة وثروة من المقدرة على التعامل مع قيمة الاسم فبالرغم من اننا لا نسمي انفسنا ولكن فى الغالب الاعم نقبل بها لشئ فى نفس من سمانا فلهم منا الاحترام ولنا ما توؤل به اسمائنا علينا
بالمناسبة الثروة السمكية جميل والحيوانية اجمل والافضل الثورة الشعبية
مبارك عمر
السودان
أحيانا
نكره أسماءنا
ونكره حياتنا
ونكره نفسنا
الأخطر
أن نفقد القدرة على
الحب
أو
الكراهية
ur name is cool..3al a2al ar7am mn wa7da sa7bety esmaha (thareya):D.. w (kawkab al saba7) .. eli yeshof balawy el nas ya setty
i know u will hate me but i laughed on ur comment: لا يتأى الا مقرونا بال"قوميه او السمكيه او الحيوانيه كمان
I really enjoyed ur blog :) i never read a whole post.. i read all urs :)
da kaman 3'er en kan momken tetseme3 sarwat... rabena m3aki
هوه اسم غريب فعلا بس عادى يعنى
الناس بدماغها مش باسمائها
وكل واحد ليه نصيب من أسمه
يعنى بيكون فيه صفات من الأسم ده
Post a Comment