Saturday, July 23, 2005

خايفه عليكى يامصر

بدايه الكلام المكتوب ليس له اى علاقه بالعنوان اعلاه,انا بس عاجبنى العنوان اوى يمكن قريته ف مكان ما المهم انه موجود ف الذاكره وعاجبنى
لأنى لا خايفه ولا متهببه
طبعا عرفتوانى اكيد هعمل فيها العارف بأمر الله واتكلم على تفجيرات شرم الشيخ, تخمينكوا ف محله لازم طبعا مفوتش مناسبه زى دى وادلى بدلوى
افكارى مشتته كنت فرحانه اوى امبارح كأنهم فرقعو بمب موش قنابل وكل شويه اجرى ع الجزيره واشوف عدد الضحايا , ايه ده انا بالدمويه والعنف ده؟ لا انا بس مؤمنه بقوله "العين بالعين ودم بدم وطبعا ليس كل الدم سواء" على اعتبار ان ده دم سواح اجانب بس زعلت اوى لما عرفت انه دم مصرى-طاهر-وزعلت اكتر لما بفتح التليفزيون لاقيت "العادلى" ف وشى، ربنا يخدك انت لسه هنا؟
"الضعط يولد الانفجار" والتفجيرات المقصود بيها الانتقام أى كان سببه ولكنى كنت افضل ان تكون تفجيرات ترهيبه على ان يجرح فيها جندى مصرى
موش يطلعلنا البيان بيقولى
بسم الله الرحمن الرحيم
"قاتلوهم................
موش فاكره باقى الايه
قاتلوهم مين والنبى؟
ــــــــــــــــــــــــــــــــــــــــــــــــــــــــــ
ملحوظه خبيثه: بكره شرم الشيخ -مدينه السلام سابقا- مفيش سايح يعبرها و يقولولك سياحه داخليه ,أصل نفسى اروح شرم اوى

15 comments:

unknown said...

يلا أهى جاتلك على الطبطاب
مصائب قوم عند قوم فوائد

R said...

ـ"لا انا بس مؤمنه بقوله "العين بالعين ودم بدم وطبعا ليس كل الدم سواء" على اعتبار ان ده دم سواح اجانب بس زعلت اوى لما عرفت انه دم مصرى-طاهر-وزعلت اكتر لما بفتح التليفزيون لاقيت "العادلى" ف وشى، ربنا يخدك انت لسه هنا"ـ

طبعاً إنتِ أكيد مش بتتكلّمي جد. أكيد... ولاإيه؟ كل شيء جايز اليومين دول.
ـ

Socrates said...

بأضيف صوتي لصوت رامي: هو المقال ده جد ولا هزار؟
يعني لما حد يخرم عيني أروح أنا أخرم عين إللي جنبه؟
أتمنى أن يكون المقال نوع من السخرية
وإلا بأضيف صوتي لرامي تاني : فين العقلانية؟
على فكرة فيه واحد مش فاكرة هو مين قال: العين بالعين مش بتؤدي في النهاية إلا لمزيد من العمى
بس على كدة مش لازم أبداً تزعلي من العادلي، ما هو برضه لما حد بيرتكب جريمة بيجيب أبوه أو أخوه أو عمه ويخرم عينه، يعني عين بعين برضه، مادام مش مهم عين مين بعين مين :((

Sarwa said...

مش هزار
الانتقام عندى موش مرفوض المرفوض هو اقحام الدين ف الموضوع واضفاء جوالشهاده على العمليه,اقترح اسم لمثل هذه العمليات"عمليات انتقاميه"
معلش وحده همجيه بقى نقول ايه

Socrates said...

إزاي ما نقحمش الدين في الموضوع، مش هو إللي علمنا "العين بالعين والسن بالسن والبادي أظلم؟"
الأديان غير السماوية زي البوذية والهندوسية وغيرها ما فيهاش الفكرة دي
فعلاً عجباني حكاية لما واحد يعملك حاجة انتقم ماللي جنبه، حتى لو إللي جنبه ده كان هو إللي بيدافع عنك مثلاُ، يعني أنا ناوية أضرب أخت الواد ده إللي كان اتخانق معايا ما هو أنا مش قده فهضربها هي ... عملية انتقامية ... وناوية أدي حقنة زرنيخ للواد ده ابن الدكتور إللي اداني دوا غلط مرة من اهمالة وكنت هأموت فيها ... عملية انتقامية تانية مشروعة خاصة وإن نقابة الأطباء مش هتجبلي حقي ... وناوية أروح أعلق عند رامي تعليق سخيف عشان اتفزعت من التدوينة بتاعتك ... عملية انتقامية برضه ... نضيفة مية في المية
تدوينتك رسالة رد بليغة على الذين يقولون إن هؤلاء لا يعبرون عنا - زي ابن عبد العزيز مثلاً لما قال "ليس باسمنا" - لا يا سيدي أهو طلع باسمنا ومش بس باسمنا داحنا فرحانين كمان وهنتخانق عشان نحط اسمنا على العملية "الانتقامية"
بس كمان فيه ناس من الغوغاء عملوا تجمع...نوع من المشاركة مع الضحايا، مفروض مدرسة العمليات الانتقامية برضه تعمل نصب تذكاري ولا حاجة، على أساس ما ننساش طعم دم الآخرين الجميل وننتازل عن الانتقام من الراجل إللي جنب الراجل إللي إحنا بنتخانق معاه، أو ننسى فرحتنا يوم الحدث العظيم، واللهم كثر مالبمب ولا يوم العيد في مولد
إيه رأيك في مسيرة على كوبري 6 أكتوبر تشجيعاً لمثيل هذه العمليات "الانتقامية" اللي مش دينية ولا حاجة
فيه مصابين كثير من الأجانب يعني ما كانوش كلهم مصريين: والمصريين ممكن نعتبرهم ضحايا حرب ... أو شهداء يعني في سبيل الكام واحد إللي موتناهم وعورناهم والموضوع يستاهل التضحية، بس صحيح، مادام الدين مش داخل في الموضوع، ضحايا العمليات الانتقامية من المصريين "أحياء عند ربهم يرزقون، ولا ماتوا فطيس؟"
وعلى فكرة: شمي ريحة الدم ... هتعرفي إنه كله سواء
وما تخافيش يا ستي على مصر، طول ما الفكر الذي عبرتي عنه في التدونية موجود فيها ما يتخافش عليها

Sarwa said...

براحه شويه ياست,العمليه عمرها ما جت ف دماغى بالمنطق بتاعك ده
وليكن انا ساديه ودمويه وبحب فكره الانتقام عمال على بطال
مش سويه وعندى عقد نفسيه,فرويد بجلاله قدره قال ان مفيش حد سوى
انا كــــــــــــــــــده بقى,فيها حاجه دى؟

Fady W said...

أصل نفسى اروح شرم اوى

Well Dear I wish all ur dreams come true ,
u can go to sharm el sheikh we rabenna yekremek kedda we yekoun feih ombeltenna talata yefar2a3o henak ( bass wenaaby ya akheina el erhabby elly hayfar2a3hom etwassa shewayya bel onbeltein 3ashan el okht henna men 7abayebnaa ya3ny)

and i guess u'll really enjoy seeing and smelling the blood ( a closer look is always better) and for sure u'll be able to identy urs from there bloods since urs is "taher "

and u'll get an extra show:
u'll see el amrican we homa ray7ein el narr while u are going to heaven
(mesh enty olty "Tahraa")

bass el so2al now is :
Hal yagouz enek temsekky monafez el 3amaleyya "engagé" wenty dakhla el ganna walla 7aram ??

FROGGY said...

i just want to say something, when we are away from the events is totally different when it touches us directly. i know what happened in sharm touches all egyptians, but i mean more personal.
i'm half iraqui, i have family leaving there, i hear a lot of stories about what's going. my uncle was injured in one of the car explosions 2 months ago (el 7amdolelah he's fine). although i hate the US (not all americans but the policy) and i hate what they r doing, but still i don't believe that this is the solution, killing people. it is not our right to take lives even if fighting for a cause.
by the way, to socrates: "An eye for eye only ends up making the whole world blind". Mohandas Gandhi

Anonymous said...

I cannot believe what I m reading. This is so DISGUSTING. This is filthy filthy post. Excuse my language!!

R said...

أنتم يا جماعة ظالمين ساسو!

معها حق: الدم فعلاً ليس سواء.
أما عن كون الدم المصري طاهراً، فهي لم توضّح هو طاهر من إيه بالضبط. ننتظر بعض التوضيحات، لكن طبعاً ممكن ما نجدهاش.

على العموم كلّ واحد حرّ في مدوّنته.
ـ

sheryos said...

كنت فرحانه اوى امبارح كأنهم فرقعو بمب موش قنابل وكل شويه اجرى ع الجزيره واشوف عدد الضحايا , ايه ده انا بالدمويه والعنف ده؟ لا انا بس مؤمنه بقوله "العين بالعين ودم بدم وطبعا ليس كل الدم سواء" على اعتبار ان ده دم سواح اجانب

a dah ? ?ezay y3ni ?!!? msh fahm !!

راضى said...

فى ناس كده كتير مش انتى بس يعنى

كمان شرم كلها مسخرة وبالتالى

فى ناس أجازت اللى حصل

بس ده جنون ولا مؤاخذه

Anonymous said...

هو مين طاهـــــــــــر ده؟؟؟

Anonymous said...

هو مين طاهـــــــــــر ده؟؟؟

K_Deniro said...

Take my advice, Go to the toilet, with knife in your right hand and start cutting your left hand fingers one by one, you may see some red lequide then you may become satisfied,
Did it happen to you that you lost someone dear, a brother a father afriend
Each one died in this explosion is a father, brothe, husban or even someone important to some people whome will face a suffering future without him or her
Let us stop talking about death effects, let us talk about the poverty do you know how many cap drivers and bazar workers will have no salary for at least two months then it will be graded bit by bit till it reaches their current salary after at least six months, they will not be able to pay for schools clothing or even medicine and food for a long while

Palease reconsider what you wrote because your other posts does not tell that you are pscycho or something like that I see that you are somebody with mind that works..

your reply to me will mean a lot