Tuesday, May 23, 2006

قاعد ف قصره,يحلف بنصره
طب واحنا مالنا .دى مصر مصره
أبو ضربه أولى ,رمز البطوله
منذ الكافوله داعياله مامته
رقت بيجامته,تسلم عيونه,تسلم حمامته
وكمان مدامته رمز الامومه
ام الطفوله ,عرفت تربى
عجبا ياربى,تقولش فوله!!
طبعا ماهو ابنه
وهيبقى ابونا
يجيب يمينا ... مكان شمالنا
طب واحنا مالنا!! ماكنش مالنا ولا مال ابونا
خدنا الصابونه
عادل سلامه
18-4-2006

10 comments:

kalam said...

ههههههههههههه
حلوه اوى
فى الجون

bluestone said...

جميلة جدا .. وساخرة إلى حد المرارة
تحياتي

ياسر خاطر said...

طيب

هراءات منطقية said...

على رأيك.....و احنامالنا،ماكانش مالنا و لا مال أبونا

emy said...

7elwa awi...
the one who wrote it is really talented :)

MAKSOFA said...

تحفة

SaSo said...

ميرسى ميرسى ياجماعه
بس موش انا اللى كاتباها والله
هنبقى نقوله هيفرح اوى

Unknown said...

قصيدة رااااائعة
وغريب أنها ليست مشهورة..ألم تنشر من قبل؟
ومن هو هذا الموهوب عادل سلامة؟
أرجو إبلاغه تحياتي، وأرجو أن أعرف عنه أكثر وأن أقرأ له المزيد من القصائد
بالمناسبة.. لو كان قد لفقها باسم شاعر مشهور لكانت انتشرت بسرعة مذهلة، كما حدث مع القصيدة الملفقة لنجم

Anonymous said...

تسلمي عليها بجد
حلوة قوي ... زي عادل سلامة بالظبط
وهي مش مستخبية ....دي بدأت تنتشر على كل الموبايلات
ميرسي جدا على عرضها
وطبعا تحية كبيرة قوي للشاعر الرائع والكاتب الغنائي عادل سلامة
وللملحن الجميل أحمد حمدي

د/إبراهيم حندولة

Anonymous said...

ميرسى جدا يا جماعة و الله يخرب بيوتكو
امضاء
عادل سلامة