Monday, June 19, 2006

حكمه الاسبوع الماضى*- محدش فاهم حاجه

الناس بقت غبيه
اه بجد محدش فاهم حاجه ,حاسه بمشكله فظيعه ف الcommunication skills
كل شويه واحد يتوهنى اكلمه ف موضوع ,ياخدنى ف حته تانيه خالص ويقعد يتكلم..يتكلم..يتكلم,كلام موش مفهوم بالمره ,نوع من الهرتله موش عارفه مين اللى قالهم انهم كده هيبقى غامضين, لا انا فاهمه منه حاجه ولا هو فاهم هو عايز ايه اساسا
اللى بيخلينى على طول بسأل "ايوه انت ,انت عايز ايه دلوقتى؟" -بقولها بطريقه عسل جدا بالمناسبه
الاقى اللى ادامى تنح وتاه بزياده واكتشف الحقيقه المؤلمه وانه واكل دماغى بالصبح بكلام مالوش اى معنى
دى حاله عامه؟ولا انا اللى بقيت غبيه فجاءه؟
بعد ماصارحتهم بحقيقتهم وانى موش فاهمه حاجه م اللف والدوران ده- وياريت نجيب م الاخر بقى عشان صدعت- جتنى الاجابات كالاتى
1. معلش اثر الحادثه انتى عارفه,والله من بعد الحادثه حاسس انى بقيت غريب اوى
2. موش مركز بصراحه انتى عارفه انى مبطل سجاير وحشيش وبتعاطى نعناع وبنبونى دلوقتى بس موش قادرين يعملوا معايا دماغ صراحه
3. الشغل واكل دماغى يابتنى ,انا عارف ان ده مأثر على تركيزى معاكى
لا موش قادره اصدق ان كل دى صدف
العنوان من عند ابليس

9 comments:

mitar2a3 said...

sarwa,
awil mafham minik 7aga .. hafahmik 3la tool lol :D

emy said...

:D looooooooooooool @ mitar2a3
la2 begad el nas ba2et te7eb awi teb2a 3'amda especially el welad mostafezeen awi
i hate el laf wel dawrna we i hate el nas lama teb2a mesh direct...

littilemo said...

عادى يا ستي

المدهولين كتير

MAKSOFA said...

ونسيت في رمضان يقولك اصلي انا صايم

ياسر خاطر said...

ايوة يعني انتي عايزة ايه دلوقتي؟؟؟؟؟

SaSo said...

اهم الاغبيا زادوا واحد
وله اقعد ف مدونتك واقفل على نفسك لو أهللك عايزينك

Anonymous said...

الواحد لما يقرأ كلامك عن مصر ورئيسها يزعل قوي، لأن معظم المصريين قرفوا من حسني، ومع ذلك عايز يورث ابنه، ليه هل صحيح زي ما يقول الأمريكان مافيش معارضة قوية، ولا يوجد بديل لعائلة مبارك ، والله الشعب النيبالي ثار على الملك وحتي الأوكرانيين ثاروا أيضا، في حين أن السبعيين مليون قاعدين يتفرجوا علي حسني وعائلته، والله دي فضيحة في حق مصر وحق شعبهاوعيب قوى أن ظاهرة مبارك لا علاقة لها بمبارك، بل هي مرتبطة بهذا الشعب وثقافته التعيسه اللي تخلي الحمار اله يتعبد وتصنع له التماثيل في كل مكان.

montos said...

montos

montos said...

ente 2wl wa7ada a7s enaha fahma el nas sa7 bs han3ml eh bokra yfo2o w yt3almo men el zaman