Friday, October 06, 2006

الريس يلمع أكثر بياضا

-ايه ده هو المعرض خلاص هيخلص؟
-أحسن خليهم يريحونا من صوره الريس اللى هما حاطينها ف وشنا بقالهم شهر دى(بوستر بالحجم الطبيعى لسياده الريس)
-ليه ياميسو حد يقول كده ع البراءه دى,شايفه الابتسامه الملائكيه
عارفه كل اما ابص لصورته احسن انه بيبتسلمى بزاويه فمه بسخريه
-اه ياحبيبيتى بيقولك على قلبك غصبن عنك
-طب طالما هو غايظك اوى كده هاتى موس وقطعيه
-ياريت ياحبيبتى دول بيعاملوها معامله خاصه
-اه والله كل يوم وانا رايحه الكليه الاقى واحد متشعلق وبيحسس عليها بحته,بينضفها ياختى
-ياراجل :,بيلمع الريس
-اه والله
-باعتينله واحد من لجنه السياسات يلمعه واتارينى بقول الراجل بيبرق كده ليه
"اللهم لاتؤاخذنا بما فعل السفهاء منا"
تانى يوم كنت هحقق لصاحبتى امنيتها ف الحياه لاقيتهم فردينه ع الارض ف الشارع -الصوره طبعا امال انتو افتكرتوا ايه- قولت مصلحه هروح استهبل واعدى من فوقيه,اه تصوروا مخدتش بالى ان مقر امن الدوله ادام المعرض ب20 متر غير لما روحت البيت,مختارينله مكان استراتيجى ولاد اللذين- المهم قربت منه لقيتهم جايبين خرطوم كبيييييييييييير وجردل وبيغسلوه بالصابون!!
بيحموه ف الشارع
فأنا خفت اقرب منه اتزحلق رجلى تتكسر
تحديث
دول مكانوش بيحموه عشان يشيلوه,سابوه ينشف بعدين علقوه وهو نضيف

10 comments:

Mahmoud Serag said...

المشكلة انه بعد كل الصابون ده مش نضيف برضه :)

حدوته مصرية said...

المشكلة كمان انك خايفة تقربى منه تزحلقى وهو الحقيقة زحلقنا وكسرنا خلاص واللى كان كان

Anonymous said...

حمدلله ع السلامة ، كنت فاكرك الدنيا أخدتك
(;

مين ميسو ده ؟.
:P

SaSo said...

ربنا يتنقم منه يارب بحق كسره النفس اللى معيشنا فيها دى
انا هكشف راسى وادعى عليه ف الايام المفترجه دى,محدش يعرف امه اسمها اسمها ايه؟
لا انا لسه عايشه بس كنت مأنتخه شويه
ميسو دى صديقتى اللى هتشاركنى زنزانتى ف أمن الدوله انشالله

Anonymous said...

سمدلله ع الحلامة !

انا برضه قلت كده ، صعب تكوني تعرفي ميسو اللي اعرفه ، ماعلينا ، بطلي انتخة واكتبي بدل الكسل ده

يا مصر اكتب إليكي رسائلي said...

ألف حمدلله على سلامتك
انا متابع الجديد ، وكل سنة وانتي والأسرة الكريمة بالخير واليمن والبركات

خيال المآتة دي شغلته يا ثروة .. يخوف العصافير ..واسمعي كلام WITHE MYSELF عشان مش تحرمينا منك.

SaSo said...

ميرسى ياجماعه انا كنت فاكره ان مفيش حد هياخد باله ان انا مطنشه البلوجر
هو كسل بس الاكتر انى مبقتش اعرف اكتب كل حاجه بحريه زى الاول
بقيت اخاف حد معاه عنوان المدونه يقرى حاجه م اللى انا عايزه اكتبها
فاهمينى؟

Anonymous said...

إنتي بقي وقعتي في الفخ ده !

انا حريص جداً ان اللي يعرف هويتي الحقيقة نادر جداً ، في الواقع هما اتنين بس من الناص القريبة ليا ، عشان اعرف اكتب براحتي و اعمل كل حاجة علي مزاجي ، شوفي ليك حل !

SaSo said...

ولابيهمنى اللى يشوف يشوف
احنا عالم مبتخفش
اذا كان مبنخفش م الحكومه هنخاف من شويه عيال

With Myself said...

مية مية يابنتي

علي فكرة انا الاخ الانونيموس اللي فوق ده بس نسيت أسجل لأني كنت بكتب بسرعة