Wednesday, May 30, 2007

عمرو اديب والاستظراف...زياده عن اللزوم



عمرو اديب,مذيع اوربت اللامع(بصلعته ليس الا) المسنود (بأخوه طبعا),المذيع الذى استحق عن جداره لقب "صاحب اروش كرافتات ف مصر"
عمرو اديب اللى هو بالمناسبه لا معارض ولا حاجه,وبيفجر قضايا معينه ف اوقات محسوبه للتنفيس عن الجماهير ليس الا,وهو شاطر اوى ف الموضوع ده الصراحه..ينفع اوى ف نظام ولعها ولعها ..شعللها شعلها,مذيع م الاخرهوبا هوبا

امبارح كان بيناقش موضوع تافهه"وسيله منع الحمل للرجاله" فعلا موضوع تافهه
حيث انه ثبت ان حبوب منع الحمل الحريمى اعراضها الجانبيه كتير زى زياده الوزن ووتساقط الشعر والاكتئاب وصولا للسرطان
وان الاعراض الجانيه ف حاله الراجل هتكون نسبتها اقل بكتير-وده اللى خلاهم يفكروا فيها اصلا- وهتبقى بالمناسبه عباره عن حقنه بتتاخد كل 3 شهور
يقوم المذيع الظريف بقى يقولك ايه,لاااااااااااااا انا مخدش حبوب منع حمل,انا مالى موش هيه اللى بتحبل
بكره يدونا حبوب تخلينا نرضع
بطريقه سمجه,وحواجبه قالبها 77 بطريقته الشهيره
واستمر طول الفقره:لاااااااااااااا انا مخدش حبوب منع حمل,لاااااااااااا انا مغسلش مواعين
ماخلاص يابن الظريفه,انت عارف كام راجل بيتفرجو عليك دلوقتى.زانت نقلتهم فكرتك الخره دى.وهو موش ناقصين اساسا افكارك المتخلفه دى
يعنى الموضوع كان عادى ويتعدى الراجل هياخد الحبايه من سكات ,قصدى النيله الحقنه دى.لكن بعد الجرسه ام حناجل دى ابقى قابلنى لو راجل فكر فيها,هيقولك لييييييييييييه انتى موش شايفانى راجل ولاايه؟؟؟


ملحوظه:ربنا يستر عليا البوست ده واللى قبله هيخلو الرجاله يطالبو باعدامى على الخازوق ف ميدان التحرير,صدفه (موش مقصوده) موش اكتر,وان شئت سمها "حاله نفسيه" ,حاله نفسيه محدش ياخد على كلامها بقى يااخوانا


تحديث:
-شوفت يادودو موش اخترعو حبوب منع الحمل بس لرجاله
-نعم ياختى؟
-اه بجد موش اقراص عباره عن حقن بتت........
-بااااااااس متكمليش عشان انا استحاله هفكر ف الفكره دى اساسا
-ليه بقى انشالله
-هو ايه اللى ليه,موش جايز تمنع الحمل وتمنع كل حاجه تانيه معاه
.......

18 comments:

Anonymous said...

احلي حاجه في عمرو اديب انه زملكاوي وكمان بيشرب شيشه

A.SAMIR said...

طب وانتي واخدة الموضوع دة على اعصابك ليه كدة؟
حاجة غريبة جدا

Mr.GEMYHOoOD said...

يعنى افهم من كلامك انك زعلانة انك هاتتحرمى من وسيلة منع الحمل ؟؟

Mohamed A. Ghaffar said...

بفلوسهم

katshup said...

هوة حر

Alexandrian far away said...

مساء الخير يا ساسو
الحمد لله انى ما عنديش قناة أوربيت أصلا على الديش، ثانيا عمرو أديب سبه فى وجه فكرة التقديم التلفزيونى أصلا هو والفيل الكبير أخوه
عموما الفكره لا غبار عليها أبدا
والمشكلة فى حالة تضخم الأحساس بالذكوره وسط الرجال المصريين والتي تتناسب طرديا مع زيادة أستهلاك الفياجراوكان الله فى عون النساء المصريات من التحرش بالشارع والعجز فى البيت والغلاسه عمال على بطال

أحمد said...

دى مش حباية
دى حقنة

يا مااااااااااااااااااااااااامىىىىىىى

.:.-=- ELGaZaLy-=-.:. said...

انا مش بطيقة لا هوا ولا اخوة

abu lara said...

يا ستي يا سارة
سأتجاوز الحديث في موضوع (موانع الحمل و الجنس ) و اتكلم في الشق الثاني :
ليش نعتبر دايماً انه الرجولة تتناقض مع شغل البيت و كانها علاقة محرمة .
هل معنى انك رجل ان لا تساعد في أعمال المنزل ؟ و كأن الزوجة خدامه في البيت و بس ؟
في بيتي أتحاور مع زوجتي و أتخذ القرار الذي أراه مناسباًو أتحمل مسؤولياتي كرب البيت و في نفس الوقت ممكن ان أكنس و أغسل و أطبخ . و لايعيبنبي ذلك كون سيد الرجال و أعظم رجل في التاريخ ( سيدنا محمد ) كان يقوم بذلك.

ابن فطومة said...
This comment has been removed by the author.
ابن فطومة said...

وإيه المشكلة؟! الفكرة مش جديدة. زي ما البني أدمين بيستخدموا اللولب والواقي الذكري، هينقص الرجالة إيه لو استعملوا حقنة زي الستات لما بيتسعملوا حبوب؟؟! على كل حال الرجال اللي كلام زي ده يأثر عليهم رجالة ناقصة أصلا... كبري دماغك منهم

SaSo said...

a.samir
انتو مالكو ياجماعه بقيتو عندكو نزعه عداونيه تجاهى كده,معلش انا زى اختكو بردو

Mr.GEMYHOoOD
جيمى هود عندنا,يااهلا ياهالا
بس مكنتش اعرف عنك انك مبيه اوى كده,بسم الله ماشلله اذكى اخواتك يابنى
ليلتك فل

Mohamed A. Ghaffar
بفلوسهم,هيخلفو بفلوسهم؟

katshup
عوده للردود الرخمه.موش عارفه ايه معامله مرات الاب دى

Alexandrian far away
تفتكر وسيله زى دى هتنجح معانا؟

أحمد
امال لو عرفت بقى الحقنه دى بتتاخد فين
هتعمل ايه؟
نياهاهاهاهااا

abu lara
هو ده كلام الناس العاقلين
بس مين "ساره" دى؟

ابن فطومة
عوده لكلام الناس العاقلين
هو انت كتبت الكومنت ومسحته ورجعت كتبته هو هو ليه؟

ابن فطومة said...

تدفعي كام وأقولك على السر؟! ;-)

بحب السيما said...

برغم انى زملكاوى حتى النخاع وانتى عارفة كده كويس
بس عمرى ماحبيت عمرو اديب ده
وكنت باحس زى مانتى قولتى بالظبط انه بيستظرف زيادة عن اللزوم
لكن ماكنتش عارف ايه الحاجة المميزة فيه الى مخلياه مذيع مشهور وليه برامج مهمة زى القاهرة اليوم

abu lara said...

يا ساسو اعتبريها غلطة مطبعية
و عدينا يا شوء عدينا

Alexandrian far away said...

وما تنفعش ليه الوسيله دى يا ساسو؟
أكيد مصر فيها رجاله حقيقيين وبيخافوا على زوجاتهم وفاهمين الرجوله والذكوره بشكل صحيح
أنا شخصيا حأستعمل الوسيله دى
أول ما أتجوز طبعا

SaSo said...

ابن فطومه
انا قولتلك قبل كده المدونه وصاحبه المدونه,تحت امرك
عايز ايه ياراجل اكتر من كده

بحب السيما
زملكاوى و شوشانيك,انا بشبه
بشرىىىىىىىىىىىىىىىىىىىىىىى
انت فيييييييييييين بجد,وازاى تفكر تعمل مدونه من غير ماتقولى
مش كده عيب,انا زحلانه

abu lara
بنعديها منشان خاطرك بس

Alexandrian far away
قريت التحديث,هيه دى رجاله مصر,هو انا بدعى عليهم من شويه

Anonymous said...

بلوجر حلو بس مش ملاحظه انه مش جايب حاجه تشد الناس او حاجه ممكن الناس تديها اهميه ؟؟؟؟!!!!