Wednesday, July 04, 2007

تاج...تانى

اتمررلى التاج ده من عند "احمد سمير" الصراحه هو تاج رخم ,وانا هجاوبه عشان مكسفوش بس وعشان ميبقاش على وش المدونه سونتينات واندريات حرمى والشغل اللى تحت ده
انت مين؟
انا احسن واحده ف الدنيا
سؤال غبى,لازم اجابته تبقى غبيه
مين اكتر 6 اشخاص بتحبهم؟
اشمعنى 6؟
انت سعيد؟
ساعات ساعات
بس ساعات السعاده بخليها "سعاده اوى"
لو اجتمعت انا وحسني مبارك في غرفة واحدة؟
هدخل عصايه مقشه ف مؤخرته
لو معاك مليون ونص جنيه......تعمل بيهم ايه؟
هدلع نفسى بقى
بتحب مصر؟
مبحبش الحكومه ولا الشعب
اى حاجه تانيه معاك
بتحب البنات؟
اه اوى,بيصعبوا عليا جدااااااااااااااااااا
ولو الصيغه الحريمى للسؤال"بتحبى الرجاله؟"
يبقى بحبهم شرط ان يكونو فعلا "رجاله,واكتر حاجه بتعجبنى ف الراجل دمااااااااااااااااغه
انت مسلم؟
أه.....الحمد لله

ليه؟
عشان لما كبرت حسيت ان الدين بتاعنا -لما يتفهم صح- مفيهوش تناقضات
مين اكتر شخصية ما تقدرش تستغنى عنها في حياتك؟وليه؟
TOP SECRET
ايه اكتر موقف محرج اتعرضت ليه في حياتك؟واتصرفت ازاي؟
امممممممممممم المواقف المحرجه كتيييييييير بس غالبا بعد ماتمر الواحد بيعمل منها افيهات بعد كده ويضحك على نفسه
بس فيه موقف بيغظنى اوى كل ماافتكره,واحنا ف الجامعه كان فيه سور عالى دايما نقعد عليه.كل اصحابى كانو قاعدين وانا واقفه تحت وبنتكلم بصيت لقيت انتيمى قالتلى تعالى اما اقولك حاجه وميلت عليا وقالتلى ف ودنى
-ابقى البسى بادى تحت البلوزه دى,عشان كل حاجه باااااينه
-لاياراجل
-اه بجد
-يابنتى قولى كلام غير ده
-يابت بقولك انا شايفه كل حاجه
-يادى الفضيحه,ولاانتى بتشغلينى
الاقيك واحد لا صاحبنا ولانيله معرفش ايه اللى كان مقعده معانا اساسا يقولى"اه عندها حق"
-والله انت عارف احنا بنتكلم على ايه اصلا؟
-اه وكنت عايز اقولك كده بس احرجت
ايه الأمنية اللي بتدعي ربنا دايما انه يحققها لك؟
انى اتجوز اللى بحبه,امنيه عيالى اوى.عارفه
تمرر التاج لمين؟
موش همرره وميرسى يابوحميد ع التدبيسه

22 comments:

Masry said...

بت انتي


وحشتيني

SaSo said...

يامحمد ميت مره قولتلك موش ادام الناس كده يااخى

Masry said...

قدام ولا ورا هوة انا لاقيقي خالص
مش عارف مستخبيه فين بقالك اسبوعين
هفضل ادور عليكي كتير؟؟؟

SaSo said...

انت نزلت مصر؟
انا مطحونه اليومين دول

Masry said...

ايوة انا في مصر بقالي 9 ايام
مطحونة ليه ان شاء الله؟؟

semsem said...

اجاباتك جميله
كل تاج وانتى طيبه

غمض عينيك said...

ساسو...ازيك ياجميل
ايه ياعم الاجابات الجامدة دي
بس قوليلي هو ايه اللي كان باين بالظبط

;)

محمد سمير

Anonymous said...

النهد زى الفهد نط اندلع
قلبى انخلع من بين الضلوع وانقلع
ياللى نهيت البنت عن فعلها
قول للطبيعة كمان تبطل دلع


العمدة

SaSo said...

اخر من الاخرين
9 ايام ياراجل وانا معرفش

SaSo said...

كل تاج وانتو طيبين ياجماعه
متضايقونيش بقا,اساسا كل ماافتكر بتخنق

غمض عينيك said...

Sorry ya Saso 3ashan matetkhn2esh

Anonymous said...

إجابات سيادتكم تافهة وسطحية
محبتي
أحمد

SaSo said...

أحمد
ميرسى انك كلفت نفسك وكتبت رد
محبتى

S H A H said...

قعدت افكر كتير هوا شايفين من فوق و لا من تحت و لا ايه بالضبط

ياريت في بوست توضيحي عشان المدونين اصبحو في حيرة و دماغنا شتت خلاص و بقيت افكر في حاجات قة ادب :))))))))))))

مدونتك جميلة يا ساسو

مستنيكي تيجي تشربي معايا واحد كابتشينو بالرغاوي بتاعته كلها فول كريم :)))))))

سلام مؤقت

فارس عبدالفتاح said...

انا متابع من مدة ليست طويلة هذه المدونة

ودهشت لما دخلت اول مرة فى هذه المدونة ومن المواضيع التى توجد فيهاوالذي جعلني اكاد لا اصدق انها مدونة ( لبنت )

بصراحة مدونة غربية - وعجيبة - وجريئة - ووقحة - وسافله - وفى قمة الاثارة ..

مما جعلنى اجلس اتخيل صاحبة هذه المدونة

على العموم تقبلى كل احتجاجي على هذه المدونة

وتقبلى اعجابى ايضا بهذه المدونة

Anonymous said...

على فكرة انا عندى نفس الامنية بتاعتك بس تفتكرى انعا ممكن تتحقق

يااااااااااااااااااااااااااااااااااااااااااارب

العمدة

Masry said...

ايه يا بنتي اللخبطة اللي عاملاها للناس دي
براحة شوية عليهم :)

صاحب البوابــة said...

كالعادة

:)

اجابات جميلة

تحياتي

ابن رشد said...

عجبتني جدا جراءة هذه المدونة فعلا مدونة لذيذة و جريئة و الغريب انها لبنت

SaSo said...

ميرسى اوى اوى ياجماعه
واحب أأكد كل اللى علق -واللى معلقش كمان- انى بنت
بنت اوى
بنت جدا
بيت خااااااااااالص
تحياااااااااتى

فارس عبدالفتاح said...

احم احم


حلوه الاشتغاله دي احييك بس خلى بالك من اللى جاي يا سوسو

خلى بالك اوى
خلى بالك جدا
خلي بالك خااااااااااالص

ابن رشد said...

يخرب بيت عقلك يا ساسو
جننتي الناس
المهم ان عايزك تنزلي ببوست جديد عشان كدة طولتي اوي