Wednesday, November 21, 2007

عدنــــــــــــــــــــا


يبدو ان من اعتاد ان يدخل صفحتى تفاعل مع حزنى اللذيذ,وتولدت لدية النزعة الساديه التى تميل اكثر الى السمو
.....


ههههههههههههههههه ايه الكلام اللى انا بكتبه دة,لا اية ده بجد

كلام كبييييييييييييير موش كدة

انا قصدى أن الحزن لذه خفية دفينه تحس معاها بالسمو فوق مشاعر الاخرين التافهة وان ازاى انت جواك كل طاقة الحزن النبيل دى والدنيا لسة ماشيه حواليك عادى زى ماهية,وتوصل لدرجة انك تستعذب الألم !!!,وان اللى حواليك دول كلهم كلاب و مبيحسوش بحزنك السامي اللى المفروض -اقل واجب- يعنى يتعمله نصب تذكارى

واضح بقا انى نقلت حالة النكد الأزلى -بطريق غير مقصود- لمتابعى البلوج.لدرجة انهم يدخلون كل يوم بحثا عن نكد يومى جديد
أعتذر بشدة لكل من حرموا من لعنة النكد المتجدد :))) واحيهم على المازوخية اللى هما عايشين فيها


أما عن السبب فى غيابى عن منحكم قبسا من روحى السوداء هو انى كنت بعمل جراحة بسيطه
لا موش عايزين قلق
جراحة بسييييييييييييييييييييييطة

جراحة لما قررت اعملها الدكتور سألنى تحبى تخدير كلى ولا موضعي؟
على الفور اخترت الثانى-منصحش حد بية الصراحة- ولكن فى سبيل ان لا تأتى كل هرتلاتى ف التخدير الكلى تتعلق بك
.....

اثناء العملية وجدتنى أقول لطبيبى و هو منهمك بالعمل ف منطقه قريبه من القلب




كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!


يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!


20 comments:

dreaming pocky said...

حجزت اول تعليق تقريبا
يااااااااه انجااااااااااااااااااااز

وحشتينى يا بت ياساسو اوى اوى

بس بجد انتى كنتى بتعملى عملية ولا ..

اصلى مفهمتش اوى قريت بسرعه عشان الحق اول تعليق

عموما اذا كانت عمليه بجد يبقى حمد الله على سلامتك ياقمر واذا كانت عمليه معنويه "غسيل قلب يعنى " يبقى ..

حمد الله على سلامتك بردو
:p:p
متحرمناش من نكدك يابنتى الواحد اتعود عليه
سلامووووووووز بالموز

Dr. Muhammad said...

اعتقد يا دينا انها عملية معنوية ...تخمينك ذكى جدا ....بس هو غسيل القلب ده مؤلم شوية وبياخد وقت ...لكن نتايجه مذهلة ...الواحد بعدها بيفتكر العملية ويقول ياااااااه ازاى انا كنت بافكر كده ...وضيعت وقت كتير كده ....ويضحك ...وخصوصا الشخصيات القوية الذكية اللى زى ساسو ...بتكون مرحلة الاستشفاء عندهم سريعة نسبيا ...فى النهاية لازم نقول ...حمد الله على السلامة يا ساسو

د/ محمد رياض

dreaming pocky said...

ايوه يادوك ماى بى كلامى وكلامك يبقى صح عموما هنعرف اكيد من ساسو ان شاء الله
بقولك ياساسو ايه رايك فى موضوع الشات بوكس اللى عرضته عليكى فى الموضوع اللى فات ؟؟؟ اريت تفكرى فيه يابنتى مش هتندمى وابقى ابعتيلى ايميل او كلمينى على الميل اللى فى البروفايل بتاعى اوك ؟؟
بقولك صحيح انتى بتحبى الدكتور احمد خالد توفيق صح؟
ده جروب على الفيس بوك ابقى اشتركى
http://www.facebook.com/group.php?gid=6381756901&ref=nf
سلام

M.Shalan said...

ظريف او الحزن بتاعكم ده
يا رب تخلوكم حزانا على طول

SaSo said...

لا انا عملت عمليه بجد
معقولة مذاعوش الخبر ف السى ان ان لسة؟


موش عارفه يادينا موش واكل معايا موضوع الشات بوكس ده ليه,احنا نضيف الميلات ونقضيها شات احسن

وبالنسبه لجروب الفيس البوك فأنا تقريبا مشتركه فيه اصلا
يلا اشوفك على خير
وفعلا ربنا مايحرمكو م النكد

Dr. Muhammad said...

اولا ..الف مليون سلامة وربنا مايوريكى مشرط جراح تانى ابدا ...يمكن عشان كده كنتى مش بتردى على الايميلات اللى بتوصلك والا انتى من اللى بيحذفوا ويكبروا دماغهم؟ المهم ...قريت لك تعليق قاسى جدا عالبلوج بتاع دينا عن النادى الاهلى وماكانش ممكن اعديها لانه صدمة لتلات ارباع الوطن العربى مش بس مصر ....النادى الاهلى مش مجرد فريق كورة يا ساسو ...النادى الاهلى رمز و تاريخ و مبادىء باختلاف العصور و الاشخاص ...ياريت تحاولى تقريه وانتى تعرفى قد ايه الكيان العظيم ده جدير بالمساندة والتشجيع ...يعنى مش حكاية كورة ...الرياضة مكسب وخسارة ...لكن بما انك بتفهمى فى السياسة وبتهتمى بالقضايا العامة ...ارجو انك تحاولى تتطلعى على كتاب او موقع محايد عن الاهلى وانتى من نفسك تعرفى ليه كلنا لازم نتمسك بتأييده ...تأييد بجد مش زى اللى بالى بالك ....ممكن مايكونش ليكى ميول رياضية من اساسه ..وده بالتأكيد السبب فى عدم تشجيعك او اهتمامك بالاهلى ...حكاية السادية دى بقى ....مشكوك فيها ...ماظنش ...كمان خفة الروح والدم دى كلها لايمكن تطلع من واحدة غاوية نكد او غاوية تنكد على اللى حواليها ....مش كده والا ايه ؟

محمد رياض

shams said...

اولا الف سلامة عليكي
ثانيا انا عايز اعرف اية عدوى النكد اللي على المدونات دي
دة انا حتى اتعديت منك

يوميات عيل مصري said...

ساسو
براحة ع الدكتور ، هو مالوش ذنب
وسلامتك يا ستي ، وانا متفق انها عملية معنوية
ما تحرمناش من زيارتك

حسن ارابيسك said...

oon1961ايه الحاجات الحلوة دي
سلامات ياساسو
يامشرط الجراح امانه عليك براحة
تلمس فرع شجرة فيها وردة طراحة
تفتح في الصبحية وبالعطر دايما فواحة
وردة بتحكلنا وتتكلم بكل صراحة
تصبح علينا شمسهاوأخر النهار رواحة

Mohamed_sobhy84 said...

الف سلامه على العمليه
عقبالنا بقى نعمل العمليه عشان ارتاح من العذاب

simple girl.. ..simple dream said...

الحزن دة خلاص بئا عشرة عمر
احنا كلنا قايمين نايمين واكلين شاربين معاه
وهو بصراحة اصيل وبيصون العشرة ومش عايز يفرط فينا ابدا
اهو على الاقل حاجة باقية علينا بدل ما الدنيا كلها بايعانا كدة

همسات said...

الرباعيات جامدة

ابن فطومة said...

عدنا ...

معلشي يا ثروة هسمح لنفسي استخدم بلوجك لأغراض دعائية. وهو بالمرة محاولة للخروج من الجو الكئيب اللي انتي عايشة فيه ومعيشة الناس فيه معاكي!
فوّقي كده. عاوز أشوف ثروة بتاعة 2006 و 2005

حازم سويلم said...

دى أول زيارة ليا , والف الف سلامة , ومعاكى ان الحزن مشاعر وعواطف نبيلة غير قابلة للتصنيف

Soooo said...

الف لا بأس عليكي



انتي فين بقى وفين بوستاتك؟؟؟؟




سلاموووووز

ضد الظلم said...

ليه الحزن بدال الفرح موجود
ليه الدموع مع ان ممكن نفرد للضحك خدود

تحياتى

micheal said...

ألف حمد الله ع السلامه..في انتظار البوستات القويه
تحياتي

abu lara said...

و انا كمان عدت .كيفك يا ساسو العزيزة ؟
مشان الله بدي اعرف معنى الكلمات هاي :السادية ، المازوخية ،هرتلات ، التفاؤل.
عارفه عمنا احمد نجم شو قال لجاهين بعد العملية
" حمدالله ع السلامة
و سلامتك يا جميل
يا ريته كان في قلبي
شريانك العليل
---------
حمد الله ع السلامة
و سلامتك من الالم
يا شاعر
يا باهر
يا مبدع
يا علم"
---------
و كفاية عمليات عشان ما تغشوش ولاد الناس--لا بمزح اوعي تزعلي

Dr-Online said...

بصي بقي يا ست عايشة وخلاص
انا كمان يعتبر عندي
نفس حاله الحزن بتعتك
ويمكن اجمد شوية وبجد بجد
بحس انها حاجة جامدة جدا اي حد بيبص للحزن من برة علي انه حاجة صعبة ومؤلم ومش عارف اية لكن محدش بجد بيعيشة الا لما يعرفه

عايشة وخلاص
كلامك رائع جدا يلمس الواقع الحقيقي بكثير
ومدونتك لمها طابع خاص رقيق
وجميل اكيد مش غريب علي ذوق صاحبتها
اتمني ان اري دائما لك تعليقات في مدونتي

Anonymous said...

م الاحتفاظ ‘في طريقها… واحد يستطيع الكثير من وظيفة كبيرة جدا تقع في هذا النوع من أساسيات… لا تستطيع أن أبلغكم كم أنا للتو ، على سبيل المثال اتخاذ السرور في كل ما يمكن كاملة!