البوم اليسا,اواخر الشتا
موش قادره ابطل اسمع الأغنيه
اسمعها واعيييييييييييييييط
سمعتها بتاع 500 مره,وكل مره اعيط واقعد اقول لنفسى عرفت منين دى,ده ولا كأنها عايشه معايا
الست دى موش عمرها ماكانت بتغنى,دى بتتكلم جد وبتوصف احاسيس الست صح.انا بحبها اوى عشان على طول حاسه بيها
بتصعب عليا اوى عشان بتفكرنى بخيبتى,قصدى بتفكرنى بنفسى
المهم اللأغنيه جامده وهتعجبكو
25 comments:
ويارب تكون خاتمة أحزان هذا العام
اليسا فعلا من الأصوات الحلوة الشجية
وانتقائها لأغنياتها جيد
احببت أن أكون أول واحد في البلوجرية يقولك كل سنة وانتي طيبة بمناسبة العيد الأضحى المبارك
حسن
انا كمان قاعد اسمعها و اسمعها
صوتها يدوب !! رقيقه اوي
اولا كل سنة و انتى طيبة يا ساسو ....بصراحة انتى سبقتى الكل وقدمتى احلى هدية بالغنوة الجميلة دى ....بصراحة اليسا عمرها ماعملت اغنية وحشة ...لكن المرة دى مذهلة ....اجمد كمان من "لو تعرفوا" و ياسلام لو عملتها كليب ...عشان الناس اللى مش بتفهم ولا بتميز بيصنفوها مع روبى و هيفاء وهبى ...مع ان الفرق كبييييييييييييير جدا ....لانها مطربة بجد وبتقدم حاجات تحرك الحجر (بفتح الحاء و الجيم) عشان ماحدش يفهمنى غلط ....و كل سنة وانتى طيبة كمان مرة ...واتمنى حالة اليأس و الاباط دى ماتطولش اكتر من كده...يا رب
د/ محمد رياض
الله عليكى
انا اول مرة اسمعها وبجد كأنها بتوصفنى بالظبط
أنا لسة خارجة من تجربة فاشلة استمرت 3 سنين وبحاول الم بقايا نفسى
الاغنية خلتنى اعيط تانى
بجد اغنية جميلة
وكل سنة وانتى طيبة
جامده الأغنيه يا سوسو فعلا
لكن أنتي لسه في المرحله دي يا ستي؟
بتعدي
كله بيعدي
شدي حيلك أنتي بس وجمدي قلبك
ولا اقول لك
داوني بالتي كانت هي الداء
حب جديد أكيد علاج ناجع للحب القديم
تحياتي وكل سنه وأنتي طيبه
ساسو و مروة .....خلاص بنات مصر كلها بقت حبيبة ؟ مش شايفين انكم مزودينها شوية ؟ وبالنسبة لساسو ....مين ده يعنى الدكر اللى ماحصلش اللى مقطعة نفسك عليه بقالك سنة ؟ ايه هى قلة رجالة ؟ مالشباب زى الورد ويفتح النفس بس انتى دورى كويس
فارس بلا جواد
عبيييييييييييطة
عملتيلى فلم ولازم تاخديها وفظيعة وسمعتها انا واختى ومحستش فيها بحاجه تشد
هى كويسه بس متجننش يعنى عموما دى ازواق انا بحب اليسا وهى ليها اغانى احلى
امضاء : أسماء
:D:D
اللي أحلي منها بقي الأغنية التانية في الشريط بعنوان "خد بالك"
إحساس إليسا فيها عالي جداً ..
رغم أني راجل بس بجد الأغنية جميلة
اللي أحلي منها بقي الأغنية التانية في الشريط بعنوان "خد بالك"
إحساس إليسا فيها عالي جداً ..
رغم أني راجل بس بجد الأغنية جميلة ..
جاري التنزيل و الاستماع
بجد أغنيه رهيبه
جميله جدا
فكرتني بأغاني دليدة مش عارف ليه
اللحن حسسني بدليلده خالص
بس أغنيه ملهاش حل
كل سنه و أنتي طيبه
يارب يارب تكون 2007 خلصت بكل احزانها
الاغنية هايلة
و لو انى مش مهتم بالعربى قوى و لا باليسا
بس تقريبا كل سنة حد يدينى لينك اسمع اغنيه و اكتشف انها روعة
روعة الاغنيه اواخر الشتا دى
ان اليسا دخلت فى منطقة شبه قوى منطقة داليدا
محمود
كل سنه وانت طيب
حسن
وانت طيب
كراكيب
كل سنه وانت طيب
د.محمد
اه على راى واحد صاحبى,اليسا دى اغانيها جامده,وصدرها بردو :)
وانا ابتديت اتعود ع الحاله دى على فكره
كل سنه وانت طيب والعيد الجاى تبقى ف مصر انشالله
مروة
هاتى كرسى وعيطى جنبنا
محمود الدوح
وانت طيب
الكسندريان فاراواى
اه لسه شويه كده
فارس بلا جواد
....
وكل سنه وانت طيب بردو
ديناااااااااااا
على فكره موش انتى بس اللى قولتى كده
واضح انى من كتر انبهارى بالأغنيه عملت over expectation لناس كتير
فلما لقوها حلوه بس احبطوا,معرفش كانو متوقعين يسمعو اروع اغنيه ف القرن الواحد وعشرين ولاايه
مين اسماء دى؟
عبد الرحمن
عند حق,"خد بالك عليا" فعلا اجمد منها
وبردو حسيتها اوى اوى
واحد صاحبى بيقولى"هيه اليسا عاملالك الشريط ده عموله ولا ايه" :)
محمد صبحى
كل سنه وانت طيب
ميشيل
وانت طيب
شمس
كانت سنه رذذذذذذذذذله
جيمى هود
لا اليسا عامه اغنيها حلوه
بس الاغنيه "رطرطت" والناس كلها مشاغلاها ف العربيات والمحلات
وشكلى هتخنق منها
على فكرة يا ساسو ....اعجابنا باى حاجة حوالينا عادة بيكون انعكاس للى جوانا ....يعنى كان ممكن تسمعى الغنوة دى فى ظروف تانية و تلاقيها عادية جدا ...عشان تحكمى على حاجة صح استبعدى حالتك الذاتية من الحكم ...كده يبقى موضوعى تماما ....و عموما ...الشريط جميل و الاغنية حلوة و رقيقة بصرف النظر عن صدر اليسا ...اللى مش هانختلف عليه برضه ...و ياريت تسمعى كمان اغنية ايامى بيك فى الشريط و تركزى هاتلاقيها لذيذة خالص ...و كل سنة و انتى بخير و فى احسن حال
د/محمد رياض
kol sana wenty tayeba and happy new year
nice blog.. i havent been here for a while
fe3lan el o3'neya di ma7sosa awee.. ana bardo 7aset enaha kanet a3da m3aia... bas zaman awee
maybe u cry now...bas yemken kaman kan yom ama tesma3iha tebtesmy peacefully... it always starts this way :)
هاى ساسو - كل سنة وانتى طيبة ...غشيت منك شوية - و حاولت اعمل لى مدونة على نفسى ..هى محاولة كده بسيطة على قدى ..اتعلمت منك كتير على فكرة وانتى عارفة انى جديد فى الحكاية دى - قصدى المدونات يعنى - بس اهى محاولة و اتمنى تشرفينى بزيارتك انتى و كل اللى فى الموقع على http://drreyad.maktoobblog.com/
أو
http://drmuhammadreyad.blogspot.com/2007/12/blog-post_31.html
د/ محمد رياض
أنا كمان حبيت ألبوم إليسا جدا و خصوصا أغنيه أواخر الشتاء رغم انها مبتفكرنيش بأي حاجه
:)
تحياتي
مساء الفل عليكي انا بجد النهارده كنت ببحث عن اشعار علي سلامه انا لسه عارفه قريب ومعجبه جدا بيه وفتح مايا المدونه بتعتك واول مره اتشد اوي كدا وابقي مصممه اقرها كلها بجد مش مجامله انا نفسي اتعرف عليكي انا علي فكره ليه مدونه اسمها انين الحزن لسه عملاها قريب بس مش جامده اوي كدا زي بتعتك بجد مزيد من التالق وعايزة اقولك حاجه كمان انا اغنيهاليسا بحبها جدا جدا بردك
انا اسمي عزة وبيقولوي ياوزة
مساء الفل عليكي انا بجد النهارده كنت ببحث عن اشعار علي سلامه انا لسه عارفه قريب ومعجبه جدا بيه وفتح مايا المدونه بتعتك واول مره اتشد اوي كدا وابقي مصممه اقرها كلها بجد مش مجامله انا نفسي اتعرف عليكي انا علي فكره ليه مدونه اسمها انين الحزن لسه عملاها قريب بس مش جامده اوي كدا زي بتعتك بجد مزيد من التالق وعايزة اقولك حاجه كمان انا اغنيهاليسا بحبها جدا جدا بردك
انا اسمي عزة وبيقولوي ياوزة
ساسو بجد انا مصممه اني اعرفك عارفه ليه انا قريت حاجه دلوقتي انتي كنتي كاتبها بتقولي انك بتحبي اسكندرية انتي اسكندرانيه ولا انتي بتحبي البلد بس انا بعشق اسكندرية اقولك علي حاجه تانيه وتصدقيني والله انا كنت حاسه بريحه اسكندرية وكنت عرفها انك هيكون ليكي علاقه بيها ياريت متكونيش زهقتي مني انا بجد حبيتك من غير ما اعرفك
انا وزة
الالبوم تحفة
Post a Comment