Tuesday, June 07, 2005

فى ذكرى الشيخ امام


تمر اليوم 7 مايو 2005 الذكرى العاشره لوفاه الشيخ امام عيسى -رحمه الله-وطبعا الموضوع سكويتى خالص انا لا اتكلم عن التعتيم الاعلامى لان دى حاجه متوقعه طبعا- رغم انه للانصاف اخبرنى صديق ان الاهرام خصصت مقال تذكر فيه محاسن الشيخ-
الموضوع هيمشى كده بقى ؟حتى الساقيه مفيش حس ولا خبر .اللى يحزن بجد ان تونس خصصت اسبوع لاحياء الذكرى!!
كام واحد اصلا يعرف الشيخ امام واللى يعرفه هتلاقيه عرفه صدفه م النت او واحد قاله انا عن نفسى مكنتش اعرف عنه غير انو اعمى وبيغنى اغانى سياسيه ممنوعه مبتديتش اسمعه غير لما شوفت برامج عنه على الجزيره
حتى اغانيه اللى معمولها اعاده تدوير بواسطه مطربين حاليين -زى محمد منير - محدش بيجيب سيرته زى "البحر بيضحك ليه ويااسكندريه ويابلح ابريم و يامه مويل الهوا " مين فينا كان يعرف ان اغنيه فيلم الطريق الى ايلات "مصر يامه يابهيه" بتاعته اصلا
الشيخ اصلا مقرىء قران وحافظ القران كله اتجهه للاغنيه السياسيه وغنى ولحن كتير لاحمد فؤاد نجم .انا بحب اغانيه اوى وبسال فين دلوقتى الاغنيه السياسيه؟ باستثناء محاولات على استحياء لمحمد منير وعلى الحجار مفيش ودى حاجه تستحق وقفه
المهم نرجع تانى للشيخ امام اتسجن واتحكم عليه بمؤبد مع نجم حتى ان ابو عمار الرئيس الفلسطينى كان بيتوسط لجمال عبد الناصر-نظرا لشعبيه الشيخ ف فلسطين- انه يفرج عنه فقاله بالحرف "الاتنين دول -امام ونجم- موش هيشوفوا النور طول منا عايش"
زار بلاد كتير وعمل حفلات ف المغرب العربىو سوريا وفرنسا ومات فقيرف حوش ادم محدش حس بيه
وعلى راى المثل "من مات فى سبيل مصر خلى مصر تنفعه"
ادعوكم لزياره اللينكات التاليه للاطلاع على اغانيه وسيرته الذاتيه
اغنيتى المفضله "اتجمعوا العشاق"
ارجوكم قراءه الفاتحه

10 comments:

حـدوتـة said...

شكراً لتذكيرنا :)

MahmoudHashem said...

شخص رئع فعلا
و كويس إنك فكرتينا بيه

و فعلا كمان ياريت حد يحيى ذكراه نجد هنا

و طبعا ده فى المشمش

على العموم خليه فى قلوبنا , هى اولى من ناس تانية

و قرأة الفاتحة عليه هتدخله الجنة ان شاء الله

moe said...

رحمة اللة -عاش مظلوم و مات مظلوم

Lasto-adri *Blue* said...

الله يرحمه
و يرحم جميع موتانا

Shady Youssef said...

ورا كل عازف شيخ امام
عيسى امام المدبوحين

Zeryab said...

http://www.sawari.com/mp3/mre/mre3/saya.mp3سايس حصانك

Anonymous said...

اللهم ارحم الشيخ

Anonymous said...

لك الشكر اختي على هذا المجهوذ الاكثر من رائع ....
الشيخ امام .... شمس لن يستطيعو حجبها مهما فعلوا ...
صراحة عندما استمع بأغانيه مدركا أنها أغاني السبعينات و الثمانينات ...لكن و كأن الشيخ رحمة الله عليه جالسا معنا الان ينشدنا الواقع الحالي ...

نشهد الله أنه وفى أمانته الفنية ...

Anonymous said...

نعم أذكر انه الشيخ امام أذكر أول ماسمعت صوته يغني لفلسطين عندما كان أخي رحمة الله عليه يفتحها كنت صغيرا وعندما أدركت وخرجت من سذاجة الطفولة تيقنت أن الشيخ امام ليس هو بشخص وانما أمة ترزح تحت نير الاستبداد والقهر والظلم
لذلك الى اللقاء أيها الأمة على فجر جديد
جيفارا

Anonymous said...

اتجمعوا العشاق في ذكرى الشيخ

sogecos@voila.fr