Saturday, July 09, 2005

اى خدمه ياانسه؟

-اى خدمه ياأنسه
-حضرتك شغال هنا؟
-لا بس ممكن اساعدك لو فيه حاجه
-ابدا انا جايه هنا لخالى بس لقيته نزل يصلى.امال اللى معاك دى استمارات معسكر ايه؟
-معسكر الغردقه
-ياه؟ بس دى مليانه ,هو خلص كله؟
-اه للاسف
-يا خساره انا كنت جايه عشانه
-لو كنت اعرف كنت حجزتلك ,انا والدى شغال هنا وبيظبطنى انا واصحابى فلو خالك منفعش يجيبلك أأمرينى بس
-ميرسى ربنا يخليك
-بجد والله
-بصى انا اسمى "وائل عرابى" خدى رقمى خليه معاكى لو احتاجتى حاجه
ألمح خالى جاى من بعيد
-طيب طيب انشالله
اتوجه بالكلام لبنت خالتى اللى كانت معايا
-شوفتى ياستى احسن تقوللى البسى اى حاجه وبلاش نحط ميكياج .كويس انى مسمعتش كلامك
-حد يحط ميكياج وهو رايح لخاله؟
- الفرصه بتيجى ف اى وقت ياعبيطه

6 comments:

4thH said...

ههههههههههه

عاجباني جدا كتاباتك على فكره
هل تفكرون فعلا بهذه الطريقه؟؟

انا لا احب التعميم.. لكن من خبرتي المتواضعه مع الاناث اكتشفت انكم تستغلون غبائنا و و محاولتنا التأثير عليكم في اداء العديد من الخدمات


اسلوب صهيوني

Hany Mihanny said...

ذكوري أخر

راضى said...

يبقى انتى كلامك حلو

unknown said...

فعلاً الفرصه مبتجيش إلا مره واحده
بس هيه فين الفرصه بقه
........................

هل تفكرون فعلا بهذه الطريقه؟؟
لا مش بهذه الطريقه اوى يعنى
..................
تستغلون غبائنا
غبائكم جايز!!!!!!!!

SaSo said...

أنا -واعوذ بالله من كلمه انا- لا افكر بهذه الطريقه ومبستغلش حد واعتدت على السمو فوق مستوى الاحداث ولكن ما المشكله ف ان اتصرف كأى انثى تحترم نفسها؟ أظن انه حق مازال مكفول لى.
انا أسرد الموقف باعتباره موقف غير عادى ولو كان عادى ماذكرته ,ف الاول كنت بتكلم معاه بذوق لقيته مبسوط اوى ,طب فيها ايه بقى لما اطلب منه خدمه -بهدف جعله اكثر انبساطا- موش احسن مااروح اطلب من واحد يبقى بيخدمنى وهو متضايق
نظريه بردو

ملحوظه:لما روحت بجرب ارن على رقمه لقيت رساله مسجله بيتقولى "هذا الرقم غير موجود بالخدمه" تقريبا كنت متسرعنه وخدت الرقم غلط.مبسوطين بقى؟

SaSo said...

يحى
اتوجه لك بالشكر بالاصاله عن نفسى وكل بنات جنسى
لاحظوا معى التعليق
"ذكورى اخر"
وليس "انثى اخرى"
تستاهل جايزه من منظمات المرأه والله