مكنتش عايزه اتكلم ف الموضوع -رغم انى متابعه من اوله- ولكن الموضوع قتل كلاما واتقال فيه كل حاجه
بس لقيت استطلاع رأى على موقع مصراوى
بس لقيت استطلاع رأى على موقع مصراوى
ماسبب الانتهاكات الفاضحه التى وقعت فى وسط القاهره
1.الفقر والبطاله
2.الكبت الجنسى مع تعدد اسباب الاثاره
3.ملابس الفتيات المثيره
4.غياب الرادع القوى
5.تدنى اخلاقيات الجيل الجديد
6.اسباب اخرى
تعالى بقى لنتائج الاستطلاع -اللى مكننتش مفاجأه بصراحه- اللى رد عليه لحد اللحظه دى 13318 بنى ادم
المرتبه الاولى بنسبه 27.7% الكبت الجنسى مع تعدد اسباب الاثاره
يليها على طول بنسبه 23.11% -اسم النبى حارسهم-دول شايفين ان سبب المليطه اللى حصلت كان ملابس الفتيات المثيره,أمتنع عن التعليق لان اى كلام هيتقال بعد ده هيبقى كلام ابيح
22.9% تدنى اخلاق الجيل
15.1% البطاله والفقر
8.2% غياب الرادع القوى
2.7% اسباب اخرى
ملحوزه: المفروض ان اللى جاوب ع الاستطلاع الناس المثقفين بتوع النت,يعنى
مصيبـــــــــــــــــــــــــه
بكل المقاييس
وفيه بتاع 9 صفحات تعليقات بتانقش الموضوع,مليش خلق اقراهم بصراحه اقراهم انت ولخصهملى
فليذهب الى الجحيم شعب يفكر بهذه الطريقه الوسخه
8 comments:
Guess what, I tried to ask people I know and they all have the same opinion too :(
الحقيقة فعلاً مصيبة .. اللى عامل الإستطلاع حمار و اللى جاوبوا حمير برضه فى الأغلب .. تبسيط مخل و جهل فاضح ، نماذج الأسباب اللى حاططها الأفندى اللى عمل الإستطلاع منطقها مايقدرش يفسر إن عيل فى إبتدائى ضرب الواد اللى جانبه فى الحصة الأولى .. حاجة تقرف
وانتي شايفة ايه سبب اللي حصل في وسط البلد ده..؟
على فكرة..فيه نظرية جديدة مدعومة من الأمن، إن السبب هو ان دينا كانت بترقص قدام السينما فسخنت الجماهير فحصلت فوضى والناس اتقطعت هدومها .
الكلام ده نزل في جريدة اسبوعية مصرية.
قمة الخيال
واحد من مصر
والله يعنى الراجل عمل اللى عليه
وحطلك "اسباب اخرى" لو انت بقى عايز تختار اننا شعب بهايم وبنعامل مع اى وحده ممنطق حته لحمه اختار اسباب اخر
لو انت شايف ان ده قصور امنى بردو اختار اسباب اخرى
والله ماقصر
عبدو باشا
تصدق ده رأى السيد الوالد بردو
انا مش فاهم انتي متضايقة اوي ليه كدة..... و لا انتي ضد حرية التعبير؟؟ ...دول ناس قالوا رأيهم...خلاص....مع نفسهم بقى... انتي برضوا ماقولتيش ايه رايك؟؟....على فكرة انا كمان رأيي مش زي النتيجة بتاعة مصراوي....لان من الاساس الاسباب فعلا اللي موجودة في الاستطلاع بتقول ان واحد زائد واحد ممكن يكونوا بتلاتة يعني الاسباب مش مرتبطة ببعض كويس .... تقريبا ماكانش لاقي اسباب فقال اكتب شوية حلويين كدة و الاستطلاع كدة كدة هايمشي
بصراحة انالم افاجأ بالنتائج ,, المجتمع العربي بغالبيته مجتمع ذكوري يرفض "تغليط" الراجل مهما كان غلطان (تفسير النتيجة الثانية من وجهة نظري) يمكن كان لازم يحصل فرز للمصوتين على اساس بنت ولا ولد لتأكيد هذه الفكرة
شكل هذه المشكلة هنا في غزة كتبت عنه في البوست "مصدومة أنا"
http://fromghazza.blogspot.com/
تحياتي
و محدش سأل نفسه ليه الحاجات دي ماكانتش بتحصل زمان و مكانش فيه لا حجاب و لا نيلة.كفاية تلوموا البنات و تحرموا الانسان من أبسط حقوقه و هي انه يلبس الي هوا عايزه من غير مضايقة علشان تبرروا غرائزكم الحيوانية!
Post a Comment