-ايه اللى تحت السرير ده؟
-الدستور يابت بتاع الاسبوع اللى فات
-بتاع التحرشات؟
-اه هو
-طب وانتى رمياه كده ليه؟
-مخبياه من ابويا
-على اساس انه جورنان سكس يعنى؟
-لا على اساس ان ابويا ميصحش يقرى الكلام ده,موش اى حاجه تسيبها ف متناول ايديهم كده موش كويس عليهم انتى عارفه ان لازم يبقى فيه رقابه ع اللى هما بيقروه
موش ناقصين وجع قلب,ابويا يقرى تفاصيل المليطه اللى حصلت موش هينزلنى من باب البيت تانى
______________________________
اخويا الصغير بعد ماقرى الجورنان
"ياخساره..والله كنت عايز انا انزل مصر اول العيد"-
-اتنيل ده هما اللى هيتحرشو بيك
16 comments:
بوست جامد جدا.. بس انا الحمد لله بقرى الدستور عادى من غير ما اخبيه ..
جامده اوي فكره الرقابه دي
بوست رائع
حلوه (">)
ضحكتيني الله يضحكك
فعلاً جه الوقت للرقابة المضادة :))
قشطه عليكى
بس المشكله لو السرير مقفول من تحت زى بتاعى ومفيش مكان مغلق يسمح باخفاء الحاجه اعمل ايه؟
ده اللى ناقص منخرجش من البيت
بنت عاديه جدا
انا بردو بقراه من غير مااخبيه وبخلى بابا يقرى معايا,بس الموضوع ده موش من المحبذ ان الاباء يقروا عنه.ولاانتى
رايك ايه
محمد مفيد
ميرسىىىىىىىى
دنانير
ميرسى اوى
مع نفسك
منورى والله
ساره
لو السرير جنب الحيطه ازنيقيه بينهم,ولو موش جنب الحيطه او مفيش سرير من اساسه.اتصرفى,احنا هنغلب
يظهر كده انه مكتوب ع الدستور دايما يبقى تحت السرير
انتي مخبية الدستور تحت السرير
ودستور بلدنا برده مخبيينه تحت السرير , ومش اي سرير يعني
ولا أراكم الله مكروها في دستور لديكم
****
:: د. حكيم عيون ::
قريتي اللي مكتوب في صفحه قلمين و ام ميمي و الهبه الشعبيه ؟؟
انتوك
انتوك
اه قريت العدد ده وبصيت فيه كله بسرعه ولما اطمنت انه امن اديته لبابا يقراه
داستوررر
يعني الواحد قبل ما يفتح الجرنال،
لازم يستفتح بالنداء ده
او الواحد يدخل بالدستور،
وهو بينده على اهل بيته
داستوووور
:)
الدستور بكام دلوقت
عندنا بتلاتة درهم
انت بتقولي فيها..
بابا لأنه بيشتغل ي الصحرا ومبيجيش القاهرة الا اخر الأسبوع فهو معتقد اننا لسا عايشين في يوتوبيا بتاعة زمان..
أحداث وسط البلد بقى أنا اللي قلتله عليها علشان كنت عايزاه يوصلني الجامعة وهو كان مكسل وبيقولي خدي ميكروباص:)
بس طبعا مقلهالوش على طول كده..قلتله يا بابتي أصل الأيام دي في ناس وحشة بتضايق البنات...
أصله أكتر من كده مش هيصدق أصلا
انا مبسوطة قوي اني عرفت مدونتك قصدي عرفتك من خلال مدونتك اللطيفة والجميلة دي انت دمك خفيف قوي والبوست بتاعه الدستور دي اكثر من جامدة
خلينا نشوفك بقى
انا بقرا الدستور من غير ما اخبييه
اصلي مابقاش في حاجة تستخبي خلاص
لا و بعدين خلاص هم كبروا و يقدروا يقروا الحاجات كلها ! سيبيلهم حرية!
انا عن نفسى يا ساسو ناوية اخد العيال وانزل بيهم وسط البلد العيد الجاى الداخلية موافقة والناس لبعضيها برضو....مدونتك عسل يلزمها كباية شاى وشندوشت لانشوم وهجيب البطانية وهاعيش فيها الليلة دىللصبح
اكتب بالرصاص
الدستور باتنين جندى
متغيره
يااه لسه فيه ابهات كده
دعاء
ده انتى اللى منوره,اتصالحتو؟
ساره
لا انا مصممه انهم ف سن خطر ومش هيفهو الدنيا بتتغير ازاى واكيد فاكرينا لسه عيال صغيره ,بحاول امنع عنهم الحاجات الوحشه اللى بتحصل ف الدنيا على اد مااقدر بس منه لله بقى عمرو اديب,صدقينى الرقابه مهم
هاى ستاف
تنور والله بس ميتهىءليش ان الدنيا محتاجه بطانيه دلوقتى,لسه شويه
ربنا يحفظنا م الدستور وحواديته :D
تحياتى للبوست :D
Post a Comment