Saturday, November 25, 2006

م الاخر...ماأحلى الرجوع اليه

على فكره,انتى اتغيرتى ومبقتيش زى اول ماعرفتك-
"كده احسن م الاول"-
:) موش عارفه تقوليها زى منا بقولها-
اتغيرت ازاى يامان؟-
احلويتى-
شوفلك غيرها-
حاسس انك هاديه اوى ف كلامك-
يمكن عشان هديت فعلا,انا كنت محتاجه الفتره دى اهدى فيها-
4 شهور,موش حرام عليكى-
تؤ موش 4-
3؟-
ونص-
يعنى فاكره اهوه-
بس انت كنت عارف انى هرجع-
معرفش,موش فارقه منا كنت على طول بفكر فيكى بس مصدقتش نفسى لما شوفتك ادامى كنت متأكد انى لسه بحلم-
:) كان شكلك موش ممكن,اكيد العيال قالو عليك عبيط-
بقيتى قليله الادب كده ليه,شكلك يابت موش راكب على الكلام اللى بتقوليه خالص-
ارجع مؤدبه يعنى زى اول ماعرفتنى,بص انا موش بهزأ غير الناس اللى بعزهم,وطول منا بهزأك ده مؤشر كويس على فكره-
ده على اساس ان انا مهزأ يعنى-
انت فايق ولا مسطول؟-
فايق طبعا-
يعنى معملتش الاستمورننج بتاعك,عشان كده دم امك تقيل-
وحشينى-
كداب-
وحشتنى اوى-
كداب اوى-
كده موش حلو-
اكدب عليك يعنى,فاكر اخر مره اتقابلنا,كان هنا ولا عندنا؟-
كان ع البحر-
انتى ناسيه؟-
للاسف لآ-
كنا حلوين اوى يومها,عارفه لو قولتى اى كلمه اولها "ك"-
خلاص laiiiiiiiiiiiiir-
بص انت عارف احنا اد ايه قربنا من بعض,بلاش نرجع للى ف دماغك ده ,انسى بقى عارف "عواطف الانسان اضعف حاجه فيه" لو مشى وراها موش هيبقى كويس-
صحيح ياولاد التعليم بينور الدماغ بردو,ريحى نفسك انتى,اجيبهالك م الاخر احنا عمرنا ماكنا اصحاب ولا هنبقى جربنا ومنفعش-
احنا موش متفقين اننا عمرنا ماهنخسر بعض؟-
متفقين بس بردو احنا موش اصحاب-
لعلمك احنا اصحاب جامدين اوى غصبن عنك-
مش هينفع,انا عايز ابوسك-
هيه دى مشكله اهلك-
لا ده جزء م المشكلها-
انتى جايه النهرده بقى الاف الاميال عشان تثبتى لنفسك موضوع "اصحاب" ده-
طب خلاص ياستى احنا اصحاب-
!!!!-
-هو اخيه عليه نفسى فيه؟
انتى مجنونه؟
بقالك 3 شهور ومش عارفه انتى عايزه ايه
لاعارفه بس مينفعش-
انشالله مانفع,خلاص حياتك كلها هيه اللى نافعه؟-
.......-
ماتجيبى بوسه بقى-

8 comments:

MAKSOFA said...

بس تخيلي
نفس السيناريو ده
بيتكرر دايما
تقريبا كلهم مولودين في نفس اليوم
من ام واحده واب واحد

Ahmed Shokeir said...

هو بيعمل الإستمورننج بتاع إزاي ؟

أحمد said...

نياه نياه نياه

الالتفاف حول ميدان التحرير يقود إلي نفس النقطة التي تبدأ منها

المتجه للخارج بحثاً عن أفق جديد عليه بسلوك كوبري 26 يوليو ومنه إلي المحور حيث الفضاء الرحب

نياه نياه نياه

أحمد said...

أنا علي فكرة
الفضول يقتلنى

هو انت تعرفيني ؟
أو انا اعرفك؟

blanila said...

تصدقى أول مرة أرد فى بلوج لحد.. بس حقيقى البلوج دة أثر فيا يمكن لأنى تخيلت نفسى مكانك فى نفس الموقف و تنحت فى الشاشة قدامى و انا مبتسمة كدة و رحت فى أحلام اليقظة..
بس لو اللى فهمته صحيح فأنا فرحت إن انتى رجعتى له، صعب اوى الواحد يلاقى حد يعرف يحبه..

SaSo said...

مكسوفه
تقريبا كلنا اللى مولدين ف نفس اليوم ومن ام واحد واب واحد
بذمتك ده كلام واحده -عاقله- تصدقه

احمد باشا شوقير
منور
والله منور
اما بخصوص الاستمورننج سعادتك فده بيبقى شاى.....باللبن

احمد
شوفت بقى الانفتاح لما يجى على كبر
تقصد ايه بال"معرفه"
؟

بلانيله ياختى
الكومنت بتاعك جابلى تضخم جامد ف الأنا
شايفين ياولاد الكليمه "البلوج ده أثر فيا" يعنى ان ممكن أأثر ف حد,يجى ابويا وامى يشوفوا الامله اللى بقيت فيها دلوقتى
وبخصوص البوست هو موش بنى ادم روعه ولاحاجه,النقطه بس الاحساس اللى بتولد لما تبقى معاه.وهو بيعرف-بيعرف يتعامل يحب صح موش اللى ف دماغكو حاكم انا عارفه الدماغ فيها ايه -

والنبى ياأوختىىىىىى مالينا الا بعضينا
متقطعيش الزيارات

blanila said...

سلامتك الأنا بتاعتك ياختشى من التضخم، إن شالله اللى يكرهوكى

هو الصراحة يعنى أثر فيا لأنى مريت بموقف البريك آب دة من شهرين كدة و اللى انتى كتبتيه خلانى اتخيل الميك آب على رأى الأمريكان

و طبعا فاهمة احساسك انه مش بنى آدم روعة، أصلا الحب مش ان انتى تحبى حد روعة لأن دة أى حد بيحبه أصلا فمش بتزودى له حاجة يعنى.. و كفاية بأة عشان على وشك انى افتح فى كتابة كليشيهات مملة

كل سنة و ماما طيبة

SaSo said...

بريك اب وميك اب ,ايه الكلام الكبير ده؟
احسن حاجه انك تبقى انانيه ف حبك وتعملى اللى يبسطك بصرف النظر عن هينفع ولا لا
دى خلاصه خبره 23
تحياتى ياقمر