Wednesday, November 29, 2006

جمال مبارك..مدونا

قعده من يومين ع النت-لابيه ولا عليا- سايتات تشيلنى وسايتات تحطنى فى فضاء الله -السيبرى- الواسع واذ فجاءه الاقيلكو ايه,مدونه بس موش اى مدونه ياباشا دى مدونه جمال مبارك اه اتسرعت كده ليه بقولك مدونه جمال مبارك شخصيا..اه والله(يعنى الحزب الوطنى,يعنى أمانه السياسات,يعنى الشباب الوطنى,يعنى الفكر الجديد... نقول كمان) انا كنت قربت انام ع الكى بورد بس طبعا
الخبر\السايت نفض كل أثر للنوم من عينى (ايه يابت ياساسو التعبيرات الجامده دى)
البلوج اسمه "الوريث" جنبها سوره اسم النبى حارسه
أول بوست وف لفته انسانيه تاريخيه غير مسبوقه من نوعها تبرئه ذمه من اللى حصل لمحمد الشرقاوى وان الراجل زعل اوى اوى وعيط اه والله عيط,اومال موش بنى ادم وله مشاعير زينا,وقاله:ليه ليه ياعادلى تعمل كده,وقعد مخاصمه يجى تلات ايام
والبوستين اللى بعد كده-موش بوستين يعنى بوسه وبوسه لا بوست وبوست- حوار هادى جدا,وطنى جدا جدا عن الحوار الحضارى والمعارضه اللى موش عارفه هيه عايزه ايه وفكره التوريث.حوار يتميز بسئاله منقطعه النظير مما عزز لدى فكره ان السئيل ده اكيد هو .مفيش ف ال70 مليون سئاله زى سئالته,الراجل بيلعب على وتر"ربما اكون هو وربما اكون موش هو"
طبعا لحد هنا الموضوع بقى فوق احتمالى البشرى لازم اشوف اى حد ادبسه معايا ف الحوار احسن نافوخى هيتلحس بس ده الساعه 4 صباحا
طب ايه ندبس مين معانا؟فتحت الماسينجر لقيته اونلاين "عادل" روحى روحى روحىىىىىىىىىى-هيه فعلا طالبه عادل-
-عادل
-ايه ياحبى
-انت فايق ولامسطول؟
-فايق
ليه
-اصل عندى خبر لو انت فايق هيسطلك ولو انت مسطول هيفوقك
-قولى ياجلابه الخير
-تخيل مين عمل بلوجر؟
-مين؟
جمال مبارك
-ايه ده انت عرفت منين
-ا*ا
انا خبطتها كده,هو عمل بجد؟
-اه
-موش هو طبعا
-ماهو موش هو بس تلاقيه واحد م العصافير بتوع امن الدوله بس نبيه شويه,شوفت الافكار المفتكسه عشان يعرف رد فعل الشارع
فاكر نفسه هياخد دبوره زياده بس ده كده هياخد فيها عشان جابله الشتيمه
-او يمكن واحد بيروش مالوش دعوه اصلا بأى حاجه
-بيروش؟ ايه الساديه دى
-مازوخيه بقى .فيه كده
-لاموش مازوخيه ,المازوخيه حب تعذيب الذات,دى ساديزم
-لامازوخيه ماهو ذاته هتتعذب بالكونتس اللى هيقراها
-لا موش هتتخيل الكومنتس اللى محطوطه مؤدبه جدا,تقريبا الناس خايفه ليطلع هو,موش دول المدونين ولا الفاظ المدونين ليس كعهدى بهم خالص
الكلام اغلبه من عينه السيد\جمال مبارك,ونفتح صفحه حوار هادى
تخيل؟ دول هما هما اللى لو لقو حد بيلمح لسيره تعاطف مع النظام يطلعو عين امه شتايم
تخيل والنبى ياعادل لو انت ادامك جمال مبارك شخصيا كده هتقولو ايه؟
-** ام سيادتك يافندم
-بالظبط كده
-ادينى اللينك انا هكتبله تعليق حلو
-لا لا ياعادل,خليك انت بره عشان لو انا اتمسكت تعرف تجيبلى محامى
وبعدين انا هعترف بعد اول قفا,اه احسن يكون العشم واكلك ولا حاجه
-................
-للاسف مانع تعليقات الانومنيس
-طبعا لازم اللى يعلق بيقى عنده مدونه,امال هيجيبه ازاى
الراجل معندوش مانع انه يتشتم من المدونين,لكن من بره لا
-طب منتى كمان مشتميتهوش كما ينبغى
-عشان انا مؤدبه اصلا وده اخرى ف الشتيمه
-انتى هتقوليلى
-نعم
-طب انت كنت هتقول ايه؟
هنشرهولك على نفقتى,قصدى على مسئوليتى
-كنت هقوله
"لو انت واحد داخل تروش احسن تنتحل شخصيه انا دانا.انا دندن
ع الاقل الناس تتكلم مع شرموطه موش خول"
اسيبكم مع المدونه بقى

26 comments:

حدوته مصرية said...

ياااه الف مبروك لجمال على المدونة وعقبال السيد الوالد بالمرة

تحيا الديموقراطية

V.Hayat said...

سوال يقلقنى
هل ابن جمال مبارك
حيبقى رئيس برضه
هل لى حق فى القلق
ابن الرئيس رئيس
وابنه

Diyaa' said...

lol
shar elbalya ma yod7ek
yalla hya gat 3leh
2alla hwa 3adel da tlmez men fy 3alam else7r
3rfeny beh
3ayz a3rf hwa mubark 3ndo dam wlla l2 :D
slamo 3lekm

Anonymous said...

يا جماعة شوي شوي ع الزلمة هو شو اللي غلط فيه ؟؟ هيو بيعترف انه هو اللي اشار لوزير الداخلية ع الشرقاوي بس ما توقعش ردة الفعل العنيفة هاي من الداخلية ...يا حرام عشان هيك صار يعيط...ايهئ ايهئ ايهئ .. يا راجل قطعت البي

Anonymous said...

لن ارد عليكي باسلوب المتحضر اسلوب السمكرية والصنايعية بس مش هستغرب لما اشوف كلمة زي دي علي مدونة لبنت تقريبا هو الحياء والزوق بقوا عملة نادرة سيدتي المحترمة ان اجمل مايجمل السيدة تحليها بالحياء والا فلا تصرخون من التحرش الجنسي فقد مللت اعترافاتكم الليلة والفاظكم المهذبة واعرف ان ضيف ممل فسأرحل دون ان تطرديني من مدونتك ولكني ارجو ان تقرأي موضوعي كيف تصبيحن لؤلؤة في نظر الرجال

Anonymous said...

اه نسيت كمان اقولكم الحقيقة الي مش عارفنها بجد ان الموقف الي حصل مع الشرقاوي بيحصل كل يوم في مليون مكان في البلد والشرقاوي محصلوش حاجة

اما عن علاء و رامي و عبد الكريم فاظن انكم اعلم ببواطن الامور ووليست السياسة كما تضعون انها اهانة الاخرين سوري علي الاطالة

Anonymous said...

https://megaaa.wordpress.com

دماغ ماك said...
This comment has been removed by the author.
دماغ ماك said...

3o2bal ba2a ma nela2eh a3ed ma3ana 3al ahwa fe el borsa...we el sharkawy yegey men warah masalan we yegy raz3o 3ala afah ...byehazar ma3ah ba2a,,modawenen zay ba3d ba2a

SaSo said...

محمد ياسر
بيتهىءلى السيد الوالد كبر على لعب العيال ده

حياه
لااطمنى جمال مبيخلفش اصلا
بس متضمنيش ممكن يخترعولنا ايه ساعتها

Diyaa
ميرسى ع المرور

انونيميس
الزلمه ده اصله مكفرنا ف عيشتنا ,انت موش حاسس

كبير المشردين
عفوا لجرح مشاعركم بالفاظ السمكريه النابيه,ومش هقرى موضوعك لانى موش عايزه ابقى لؤلؤه ف نظر الرجال

ماك
لا هو هتلاقيه جاى يقعد ع البورصه لوحده,هيعملهالك مفاجأه
زى ماعمل البلوج مفاجأه جدا
توقع منه اى حاجه ده لئيم

عادل سلامة said...

كده ياساسو ؟؟.. طب ايه رأيك بقا لو شوفتك ع الماسنجر هاطير رقبتك
يابنتى انا ماقلتش حاجة من دى
انا داخل على جواز وبيت وعيال .. انتى ليه عندك اصرار تشيعينى كده

مابدهاش بقا
ادينى بقيت بلوجر عشان انفى فيه كل حاجة بتقوليها على لسانى

حتى قاعد فى قصره كمان .. هانفى انها بتاعتى والزقها لعم نجم .. هو واخد على كده .. لكن انا مش حمل شلوت
اعضائى لا تحتمل وخصوصا انتى عارفة لسة خارج من حادثة مكروباص وعدت على خير .. مش ناقصة حادثة من اياهم

sara86 said...

وانتى جايه عليه كده ليه؟
جت عليه يعنى ماكله بقى بيدون
بس هو ده بجد؟
؟؟؟؟؟؟؟؟
تحياتى ساسو

bassem said...

على فكرة,المدونة دى بتاعه خديجه خظيبته,مش بتاعته هو

SaSo said...

عادل حبيبىىىىىىىىىىىىىىى
انا كنت متأكده انك sooner or later لازم هتعمل بلوج,موش هتطيق.عشان كنت مكنتش بلح عليه...سبيه هو لوحه هيعمل
انا فرحانه كيييييييييييييييييك
بقى ليا ضهر اتسند عليه ف البلوجنج
ايه اللى طلعها ف دماغك دلوقتى؟
بس ياعادل تطلعنى كدابه,اهو ده اللى موش ممكن ابداااااااااااا
اعترف الانكار موش هينفعك
وسمعنى سلام رأفت الهجان

SaSo said...

sara 68
الله ورسوله اعلم
بي هو اسم النبى حارسه فاضى للكلام ده,ده شغل المقاطيع اللى زينا بسلامته عنده دوله/عزبه بيحكمها


bosbos
ولاخديجه كمان فاضيه دى وراها حاجات يامااااااا
داخله على جهاز بقى ومشاوير دمياط وبورسعيد واخدين كل وقتها
ومش معقوله تعمل بلوجر عشان تشوف راجلها بيتشتم

Anonymous said...

دعوة لرد الأعتبار للشعب المصري وشهدائه في الذكرى الثلاثين لانتفاضة يناير الشعبية 1977

Akef said...

gebteha meneen dih good effort
we elly 3amelha saye3

Anonymous said...

salam 3alikom
mabda2yan ana la a3tked an gamal mubarak howa sa7eb al blog dah le kaza sabb alwad y3ene hare nafsoh y3ne 7ayfda yedwn tane 7aga howa a2al abl keda anoh mosh 7aywrth we dah kan fe al telvision y2om yed7`ol 3sh aldababer be rgloh we kaman 3awez yedwen la2 we ysme medwntoh alwares la2 keda teb2a hartla tab 7ayfedoh eih anoh y3mel medwna dah 3andoh gam3ya 3/4 wezra msr a3da2 feyaha yeb2a al ragel fede y3mel medwna dah mosh eslophom

Anonymous said...

مدونة الوريث أصابتني بالحيرة. فعلى الرغم من حداثة عهدي بالمدونات عمومًا وبمدونات المصريين بصفة خاصة، إلا أني أرى في هذه المدونة بالذات شيئًا غير طبيعي. فتارة لا أستطيع أن أصدق أن كاتبها هو نفسه جمال مبارك لأن فكرة المدونات عند جمال مبارك من المرجح أن تكون فكرة سخيفة بعد أن أصبحت المدونات رمزًا لمعارضة الشباب للنظام المصري ورموزه ولن يأتي من ورائها إلا صداعًا أكثر ومعارضة لكل ما يكتبه وسيرى ذلك في التعليقات التي ترسل إليه. والسبب الآخر أن جمال مبارك -كما قرأت وتكلم عنه الكثيرون- لديه هرم كبير من الغرور والتعالي يجعل حركة مثل هذه صعبة جدًا وشاقة على نفسه التى تسكن قصرًا عاجيًا. ولهذه الأسباب كنت أتوقع أن أرى مدونة فكاهية يقوم بها أحد النشطاء بانتحال شخصية جمال مبارك ويستخدم ذلك ليقدم شخصية هزلية كارتونية لجمال مبارك.

ولكنني عوضًَا عن ذلك رأيتني أمام مدونة تحمل صبغة غريبة لا أفهمها. وهنا أراني مجددًا أراجع نفسي وأقول لعله فعلاً الوريث الحقيقي وليس شخصًا متنكرًا. فكلماته قليلة وأسلوبه لا يشبه أيًا من أساليب المدونيين أو الطريقة الشائعة لدى المدونيين الناشطيين سياسيًا والمعروفة لدى الجماهير العريضة للمدونيين. وما زارد من شكوكي أنه من الممكن فعلاً أن يكون جمال نفيه أو أحد رجاله هو من قام بذلك أن صاحب المدونة أيًا كان لم يترك مجالاً للتعليق إلا للمسجلين في بلوجرز دوت كوم وحرم المعلقين الذين يريدون أن تظل هويتهم مجهولة من التدويين.

عمومًا أيها السادة فإن فرضية أن هذه المدونة انشأت للحصول على مؤشرات معينة وجس نبض مجتمع المدونيين المعارضين تتغلب على فرضية أن من أنشأ هذه المدونة هو بالفعل أحد النشطاء الذي أراد الاستخفاف بجمال مبارك. ولهذا ادعوكم جميعًا لمقاطعتها على الأقل حتى يثبت العكس. فجمال مبارك -على حد اعتقادي- ليس من طبيعته الإصغاء لمن حوله ومن المستبعد أن يصغي إلينا أو يقوم بالتخلي عن طموحاته غير الشرعية بعد قرائة تعليقاتنا.

amaiko said...

كل ما استطيع قوله يا عزيزتي رغم كرهي للرد علي المدونين لان معني كده اني ممكن ازعل ناس كتير مني بس مش عارف فية حاجة غريبة مخلياني ارد عليكي او اقولك ان فعلا اللي قال الجواب بيبان من عنوانه مكذبوش و اسم المدونة بيعبر عنك مفيش شك في كده بس برضه و الله و الكلام الجاي مفيهوش سخرية هقولهالك صريحة "انتي فيكي حاجة مميزة يا بت رغم استعباطك" معرفش هيا اية و ده اللي خلاني اقرا اكتر من بوست بس برضه معرفتش معرفش اية هيا الحاجة دي ممكن تكون انتي عبيطة هبلة ذكية ظريفة صريحة اللي علي قلبها علي لسانها خليط من دول او جايز علشان بتحبي فيروز !!! الله اعلم بقي , معرفش اتمني اني لاتاخدي ردي علي محمل الجد فهوا كان لا اكثر من كلمة و تعباني و الحمد لله ارتحت لما قلتها

SaSo said...

الشعب
ايه انتفاضه يناير الشعبيه دى؟

Isalm afek
موش فاكره جبتها منين بس لقيت اللينك محطوط عند حد م المدونين.


anonymouse
هو ولا موش هو مش دى المشكله,الفكره بس فانتازيه


autoscripot
هو فعلا اللى عامله مستنى يشوف ردودو الافعال
بس باينه مات ولا ايه ولاعرف اللى هو عايزه زلازهق ومش هيقدر يكمل
ولا واحد ممكن يكون فعلا بيروش وملوش ف اى حاجه


amaiko
متشكرين
ارتحت دلوقتى؟

shady said...

فيها ايه لما أمن الدوله يدون يعنى حرام!!

mitar2a3 said...

y7'ribit eslobik !! 2al kaik aaal !! lol

ابوجلال المصرى said...

السلام عليكم
مشكوره على الموضوع
وانا رأى مش انه يكون رأيس او لا
المشكله مش عايزه يبقى مفرض عليا وامر واقع

Ayman Elkholi said...

المدونة هايلة أنا لسه مش قادر أتنفس م الضحك.. أو العياط، مش هاتفرق كتير، المهم ان أنا منفعل جدا بساسو دي.. هيهيهي

بصراحة لا أعتقد بتاتا انه تكون عقليته بالسذاجة دي، لأنه الكاتب بسيط زيادة عن اللزوم. هوه صحيح الواد تربية الحمار الكبير، انما برضه، السن بيبان في الكلام.

بس يا ريته يطلع هوه، يمكن لما ياخد الإمباكت الشعبي التقيل ده، يتشوه نفسيا ولا حاجة. مين عارف؟

koukawy said...

انا دخلت بس مش تفتكري حد عاملها لعبه00معتقدش انها بتاعته فعلا
مش عارفه