Friday, March 21, 2008

كل سنه وانت طيبه ياماما

بهذه المناسبه ياماما احب اعتذرلك عشان موش هجيبلك طقم الحلل اللى انتى عايزه وبتتفرجى ع الاعلان بتاعه ف قناه معرفش ايه العقيمه دى,الطقم ابو 300 جنيه ده.عشان انا معيش 300 جنيه
واحب اقولك كمان انى اكتشتفت مدى سفالتى لما بتسألنى عن اى اوبشن ف الموبايل انتى موش فاهمه واقولك"يوووووووه هو احنا لازم نقول الحاجه 100 مره" او ما بتقوليلى "موش هتعلمينى الكمبيوتر بقا"فأرد عليكى واقولك"لا انتى مخك تخين"
امبارح بس افتكرت لما كنتى بتعملينى اكتب حرف الصاد زى البيضه ووالضاد زيها بس عليها نقطه..والهمزات ف(ؤ)اد,مس(ئ)وليه..وان 6*7=42
وامتى الساعه تبقى وتلت وامتى تبقا الا تلت..وامتى تبقا ونص الا خمسه
و امتى تبقى (A) Fish ,و امتى تبقى (An) Apple
واكتب ع السطر والكلام مينزلش يشرب م البحر
علمتينى كل ده بسرعه وطلعت بحب القرايه
مع ان اكيد ساعتها كنت غبيه وكان مخى تخين...

10 comments:

Ahmed Shokeir said...

كل سنة وهي طيبة

Post of the day
:)

micheal said...

كل سنه و كل أم طيبه
أنا سيبتلك تعليق علي البوست اللي فات بتاع سكر بنات
تحياتي

Epitaph said...

يااه ده احنا بيبقي علينا حركات برضه تغيظ
وبنزعلهم من غير ما نقصد
:((

يا رب يسمحونا بقي

كل سنة و هي طيبة

:)

عـلا - من غـزة said...


يا ربي ... كتير صعب نقدر نرد الجميل
كل شئ بنعمله -اصلا لو حاولنا- هيكون هباء ادام اقل حاجة عمتلها امهاتنا عشاننا

كل سنة وكل الامهات بخير !

وحشتيني يا ماما

تحياتي

أول مرة said...

معذرة
بس أول مرة تقولي حاجه عليها القيمة
تحياتي ...... لوالدتك

zakaria said...

كل سنة كل فكرة وانتى مش متمردة

Soooo said...

مش عارف هتصدقيني ولا لأ
بس بجد مع كل كلمة من كلامك افتكرت امي الله يرحمها
نصيحه ليكي ولاي حد ممكن بالصدفه يقرا تعليقي ده
روحي او روح احضن امك وبص في عينيها وضحكها وريح قلبها على قد ماتقدر
والله العظيم والله العظيم والله العظيم
انا نفسي امي ترجع للدنيا ولو ثانيه واحده بس عشان ارمي نفسي في حضنها واقولها سامحيني

وكل سنه ووالدتك طيبه

ahmEd_H said...

:)

Eng.Omar said...

ربنا يرحم والدتك يا سوووووو
ويخلي لى والدتك يا ساسو
بس انا معاكى انك متعمليش مامتك الكمبيوتر لان أنا كمان عملت كده ومش هعلم أمى الكمبيوتر خالص
لسبب بسيط جدا
هيه هتقضى وقت طويل جدا قدام الجهاز واحنا معندناش غير جهاز واحد فقط
يبقى بدل ما كان بيستخدمه اتنين انا أخويه هيبقوا تلاته
وفى الاجازه بدل ما كان كل واحد ليه 12 ساعه على الجهاز هيبقوا ثمانيه بس
فالموضوع مش ناقص
بس بجد لما ربنا يكرمنى واجيب لاب توب هبقى أعلم ماما الكمبيوتر والنت واعملها مدونه كمان
يلا أدعولى أجيب لاب توب

abu lara said...

ازيك كمان مرة يا ساسو
اجمل ما تكتبين هو كتاباتك لمامتك الله يخليلك اياها