Tuesday, March 25, 2008

طعم البيوت..حصريا


سيمبلات مبشره "نسبيا" بالخير,ربما سيكون احسن من اخر 3 او 4 شرايط لمنير

مفيش ريحه اغانيه القديمه ولكنه ليس بسوء "احمر شفايف" او "امبارح كان عمرى20"

والحمدلله مفيش اغنيه فى رداءه ولاشعبيه "لما النسيم"

مبشر بالخير موش بس ف الالبوم ده ,بالنسبه للمود العام ف الشغل اللى جاى بعد كده

"طعم البيوت" الهيد كلماتها معبره اوى بس التوزيع معجبنيش خالص,"تحت الياسمينه" عجبتنى اوى

"وداد" اللى معرفش ده اسم الاغنيه فعلا وده ايه..من غير كسوف....

حلوه بردو لا يعيبها الا انها من الاغانى المرشحه بقوه لتكون خليفه "لما النسيم"

و "رحيل" حلوه اوى

حتى الاغنيه النوبى -اللى غالبا مكنتش بسمعها ف الالبومات اللى قبل كده- ظريفه

الالبوم -كشأن البومات منير الاخيره- يغلب عليه الطابع العاتفى

طبعا انا عماله اقول كلام ولا ليه اى لازمه ولامعنى

لان-زى ماكلكو عارفين طبعا- اخر واحده ممكن تلعب دور الناقده الفزيعه,فنجيب م الاخر بقا ولينك التحميل اهوه..واسيبكو تستمتعو ب"بكاره" الاغانى,ايوه بكاره احساس حلو اوى لما تسمع حاجه لسه بكر,مستهلكتش وبقت شعبيه وكل مين هب ودب سمعها وفعص فيها
ملحوظه اخيره قبل التحميل:دى طبعا موش اغانى كامله دى مجرد سيمبلز للشريط
شكر جامد جدا جدا جدااااااااااااا ل"محمد ياسر" حدوته مصريه,الشهير ايضا ب"كبير البصاصين" على اللينك

18 comments:

محمد عبد الغفار said...

على الله

ragel keber said...

حنحاول نسمع وننقد ونكون ناقدين

t3ban said...

مش عارف اوصل للتراكات
بيديني حجات غريبة كدة
برنامج داون لوود تقريبا

Alexandrian far away said...

والله؟
هو نزل ألبوم جديد
وأنا ما أعرفش
شكرا جزيلا على التنويه

elhadidi said...

انتي فاجأتيني بحوار الشريط ده
بس انا مش معاكي ان الكام شريط اللي فاتوا كانوا بالوحاشه ديه
وعلى العموم بصي يا بنتي اللي يسمع تامر يقدر النعمه وهو بيسمع منير
http://7lawt-ro7.blogspot.com

محمد ياسر said...

ايه ده انتى اعلنتى اللقب على الجمهور كمان

على العموم انا برضه حاسس ان الشريط ده احسن من اخر اتنين ليه

M.F.A said...

لما ينزل الشريط قوليلنا عشان ننزلة كامل

انا كنت بدور علي ابراهيم عيسي فوصلت لعندك وفضلت عندك ساعتين تقريبا واول مرة في حياتي اقرا لحد كتير ومفهمش شخصيتة
معرفش دة لية يعني بس مش عارف احكم من كتاباتك عليكي

بتتكلمي في كل حاجة بتناقضات كتير قوي ولا انا هيست عشان اخر الليل

SaSo said...

الشريط لسه منزلش
اللى نزل سيمبلات بس
بالنسبه للتنزيل من ع الRapidshare
اختارfree
وبعدين دخل الكود وهو هينزل



وبالنوسبه للى جاى يدور على ابراهيم عيسى عندى
مشوفتوش ولا أعرفه
:))

عطشان said...

معتقدش إن الألبوم يغلب عليه طابع عاطفى لأن إستحالة من السامبيل تعرفى الألبوم ماشى ازاى

اسكندراني في الغربة said...

THANKS

M.F.A said...

يا ستي انتي قلقتي كدة لية وانا قلتلك بتكتبي مع ابراهيم عيسي وحتتحبسي معاة
انتي كنتي كاتبة عنة موضوع انة بيشخ باين زي الناس فجوجل جابني عندك

ورب صدفة خير ان شاء الله

علي فكرة بس مكنتش عايز اقولك فيلم سكر بنات معجبنيش

تحياتي من بلاد الشمس اللي فوق راسنا علطول

ragel keber said...

بحاول اجيب الشريط باين لسه موصلش عندنا في بلاد الغربة لازم ابعت اجيبه من مصر وطبعاً منير احسن من تامر واشباهه

Anonymous said...

كس امك على كس ام محمد منير

Anonymous said...

الظاهر فيه شئ دخل وترك اثره معلش

SaSo said...

الله يسامحك

Miro said...

شكرا جزيلا

One Million Euro Blog

abu lara said...

ازيك مرة تالته في نفس اليوم يا ساسو

مش عارف اذا كنتي سمعتي شريط منير الاول اللي هو بصراحه افخم و اجمل ما قدم منذ 1979 لليوم.. وكان فيه اغنيه روعه من روائع العالم هي اغنية " امي الحبيبه امي الحنون " و " ماشي معاك يا زمان " " والليله يا سمرا" و " فتح زرار قميصي" مش عارف يمكن لانه الزمان هداك كان احلى عشان هيك كل اشي كنا بنسمعه كان احلى ؟

mhamer said...

هاى انا اول مرة ادخل هنا انا كنت بدور على اخبار الملك نزل ولا لسة
المهم حضرتكى حكمتى على ان اخر 4 البمومات للملك مش كويسين طيب يا ريت تسمعيهم تانى بس بفكر عالى فى كل معنى فيهم الملك مبيقولش حاجة دون المستوى بس دة فكر عالى للمثقفين