Saturday, March 08, 2008

لخبطه

بفتح البلوج النهرده,سمعت صوت غريب
سمعت الأغنيه اللى انتو ساميعنها دلوقتى دى
بصيت يمكن اكون فاتحه اى ملف صوتى تانى ولا مشغله أغنيه ملقتش,فتحت البلوج وقفلته بردو نفس الأغنيه
طب أمرى لله اسمعها وخلاص أشوف عايزه تقول ايه؟
لقيتها أغنيه لمحمود العسيلى واضح انها لخبطه من سايت الاغانى اللى انا جايبه الاغنيه من عليه
دى لحد امبارح كانت اغنيه وجيه عزيز"ساعات المطر"
المهم سمعت الأغنيه لاخرها ودخلت ع الSetting بتاعت البلوج عشان اغيرها
الاقى فيه error عمال يتكرر والاغنيه مبتتشالش
!!!!
انا اؤمن بالعلامات-كأى حد بيحب السيميائى لباولو كويلو- تفتكرو دى ممكن تكون علامه؟
أنا كنت لسه بكلمها وقالتلى لو اللى اختارتيه صح يبقى ربنا هيأكدلك اختيارك ده
؟؟
؟

6 comments:

حسن ارابيسك said...

ساسو
ليه لا
ربما تكون تلك علامة
ابو شامة وعلامة
ابو طلعة بسامة

كتير ممكن يحصل في حياة كل منا علامات يقف أمامها في أول الأمر متحيرا متعجباً
وعند استيعاب الأمر يستوعب انها ربما تكون رسالة جائت في وقت له ظرفه وأهميته

عموما يارب يكون خير ان شاءالله
تحياتي
حسن ارابيسك

A.SAMIR said...

ابدا
كل ماهنالك ان السايت كان واكل فول بس
تحياتي

dreaming pocky said...

تصدقى انى فعلا انا كمان اؤمن اوى بالعلامات دى واسخن من كده انى بعتمد عليها ساعات كتير فى اتخاذ قرارت مصيريه جدااااااا لمجرد علامة من العلامات دى
يارب تكون علامة خير ليكى

simple girl.. ..simple dream said...

انا مؤمنة ان لايوجد شئ اسمه الصدفة
كل شئ ناتج لتدبير محكم من عزيز مقتدر

وفعلا القدر بيرسل علامات عشان يقولك حاجة او على الاقل يوصلك احساس او يحطك فى موود معين

وفى الاخر طبعا استفت قلبك ولو افتوك

dreaming pocky said...

انتى ياحاجه
مساء الفل
انتى سمعتى عن راوية واحة الغروب منين؟؟؟
دى لسه جديده صدر منها اول طبعه بس السنه اللى فاتت وكمان اخدت الجائزه العالمية للادب العربى انهارده من بين 6 روايات شكلهم جامد
بجد اذا عندك لينك او نسخه على الكمبيوتر قولى او اذا هارد كوبى قولى بردو اعلقها منك لما تخلصيها لان شكلها جامد
بجد انتى جامده فى حوار الروايات دى لانى عرفت شيكاغو منك ولفتت نظرى وده اللى خلانى اشتريها اصلا

البيان المصرى said...

بصراحة أنا مش عارف أنت محيره نفسك لية بموضوع الشبه دة متخليك نفسك وبس
شهاب أحمد صاحب موقع البيان المصرى شرفونا بالزيارة بس أنا مش شبه حد

http://albayanalmasry.com/