Wednesday, March 19, 2008

سكر يا بنات


فيلم يستحق المشاهده,قبل ماأشوفه كنت عارفه انه هيعجبنى موش بس كده هيكون من افلامى المفضله لانى بعشق الافلام الFemimist
اللى ابطالها بنات,وموش اى بنات.موش البنات بتوع بابى ومامى اللى عندهم عربيات وبيدمنو ويتجوزا عرفى,ولا بنات العشوائيات اللى بيشتغلو ف الدعاره وبردو بيشمو و يتجوزا عرفى
لا بنات الطبقه المتوسطه,اللى شبهنا كده
افلام ك"بنات وسط البلد,احلى الاوقات,شقه مصر الجديده,قص ولزق"
جو الفيلم العام حسيته شبهه بنات وسط البلد فعلا يمكن لاستخدام كلمه "بنات" ف العنوان ونفس جو الكوافير
بردة بوستر الفيلم شبهه اوى بوستر "شقه مصر الجديده" الذى يذكرنى بلوحه "سلفادور دالى" فى نافذته الشهيره
ارائى النقديه لا يعتد بيها ابدا عشان كده موش هحاول خالص العب الدور ده
بس حسيت ان الفيلم فيه تخمه,اول فيلم ل"نادين لبكى" بقا فحطت فيه كل جهدها
علاقات مبتورة,مشاكل امرأه ف سن اليأس,فقدان عذريه,الخوف من العنوسه,علاقات مثليه,وليلى المجنونه المستوحاه من قصه امرأه حقيقه احبت ضابط فرنسى وأخفى اهلها رسائله عنها فاصبها هسهس يخليها تمشى ف الشوراع تلم اى ورقه مرميه على اعتبار انها جواب منه
كتير على فيلم واحد موش كده؟

حاجه اخيره لاحظتها ف الفيلم,حسيت ان العالم بتوع لبنان دول ناس ذوق اوى.يعنى مثلا اللى بيتخانق مع وحده بيقولها "لو سمحتى اسكتى اذا بتريدى" و لما حد بيطلب حاجه من حد"لو سمحت بعذبك تعالى لهون" و لما حد بيدى بقشيش لحد"اسفه بعرف انه مو مقامك بس اتفضلى هدا اليك"



ميرسى لمن أهدانى
C.D الفيلم

11 comments:

Anonymous said...

مش بالبداية تكتبى أسم الفيلم ولو تحبى تنتقضى تتكلمى عن نقط محددة دة نقد ليكى بس ياريت تقبلية بالذوق اللبنانى الأنت بتتكلمى عنه

Anonymous said...

نسيت قلك زورينى وياريت تشرفينى هنا

http://albayanalmasry.com/

AHMED SAMIR said...

مش متخيل اني في حياتي ممكن اتفرج على فيلم لبناني او مسلسل سوري
ما بفهمش هما بيقولوا ايه
بحس اني محتاج مترجم يقعد جنبي وانا بتفرج
مابفهمش الا كلمة هون
تحياتي

SaSo said...

الحمار اللى فوق ده عايز ايه؟
موش فاهمه؟
؟؟
غير انى ازور مدونته اللى بينش فيها دبان,وسارق منى بوست وحاطه فيها


a.samir
انا زيك كده ف المسلسلات السوريه,كان فيه مسلسلات كتير عايزه اتابعتها ومتبعتهاش عشان نفس السبب
بس اللهجه اللبنانى مهضومه كتير
انا مكنتش فاهمه حاجه ف أول ربع ساعه بعد هيك بيصير الموضوع اسهل
تقبرنى يازلمه

77Math. said...

مرحبا

بصراحة
لم يعجبني الفيلم
القصة ضعيفة جدا والحبكة غير موجودة أساسا، الفكرة مكررة وبايتة جدا ولا يوجد حوار جيد، والتمثيل يبدو في كل لحظة أنه تمثيل، لم يستطيعوا إقحامي معهم ...شعرت بالملل ولو كانوا حيدوني الفلوس كنت طلعت م الفيلم من غير ما أكمله ..
دا رأيي أنا وزميلتي اللي حضرت معي..

تحياتي

Soooo said...

تصدقي وتؤمني بالله
انا فعلا استاهل ضرب البلغ .. عشان كنت خارج مع صحابي وطلبت ندخل سينما وانا هموت على الفيلم ده لاني باعتبر ان اول تجارب اخراجيه بتكون هي اقوى التجارب .. وانا عايز اشوف الحاله العامه للموضوع ده بتتناقش ازاي في المجتمع اللبناني ونادين لبكي بتناقشها ازاي .. لكن الاقيلك صحابي بسلامتهم راحو قاطعين فيلم جامبر .. فيلم امريكاني اهبل عن ناس بتنط من مكان لمكان وشغل اطفال قوي .. وفيلم قصير اصلا .. مدته بتاع ساعه وعشر دقايق مثلا .. خلصناه وكان فيلم سكر بنات لسه شغال بس طبعا ماينفعش اتفرج عليه من اخره

على اي حال .. هبقى اروح اشوفه بكره او بعده ان شاء الله .. ولو اني كنت عايز اشوف فيلم نقطة رجوع بتاع شريف منير بيقولو عليه حلو وحبكته قويه .. او فيلم عشرتلاف سنه قبل الميلاد .. لكن شكلي كده هروح فيلم سكر بنات

ولا اقولك .. انا قريت في اخر البوست بخط رفيع ويكاد مايكونش باين .. ان الفيلم ده تقريبا عندك على سيديهايه .. طب ماتبادليني واجبلك فيلم باب الشمس الجزئين ولا شوفي انتي اي فيلم تاني .. ولو كده يبقى شوفي ازاي وامتى وكده وانا بجد تحت امرك .. ده لو ينفع يعني





سلاموووووووووووز

SaSo said...

77Math.
بعنى لاعجبك تمثيل ولااخراج ولا حبكه
ده انت شويه ياراجل وهتقولى "نادين لبكى" دى موش مزه اساسا!!!
ادمغه بردو ولولا اختلاف السلع لبارت الاذواق فعلا
هو اصلا فيلم حريمى,متتفرجوش عليه

سوووووووووووو
كل دى افلام عايز تدخلها ياراجل
الواحد بقاله كتير مدخلش السينما
وبخصوص موضوع المبادله ده,انا اعرف ان الواحد يبادل بحاجه موش عنده لكن انشالله انا اللى جابلى السى دى بتاعت "سكر بنات" واعدنى ب"باب الشمس"
وبعدين من غير مبادله خالص ياعم سووو عنينا ليك,يعنى هيه جت عليك
بص انا الفيلم ده وقف عليا بخساره اصلا,انا صيتبه -وصيت لنفسى طبعا ان عندى الفيلم- قام كل البشريه بقا بقت عايز تشوفه
روحت جايبه علبه سيديهات
وانسخ انسخ انسخ
وزع وزع وزع
اعملك دى سى بقا بجمله
يلاااااااااااااااااا

micheal said...

أنانزلت الفيلم من موقع
www.arablionz.com
أنا أصلي ميال للافلام الانثويه بس للامانه أنا عجبني بنات وسط البلد و أحلي الاوقات أكثر من سكر بنات
هو فيلم لا بأس به بس نصيحه أوعي تشوفي فيلم لحظات أنوثه
:)
تحياتي

77Math. said...

حد قال لك اني راجل لا سمح الله ؟

nael eltoukhy said...

سبحان الله

الانسان دا عجيب والله

نفس، بالزبط، وبالتحديد الدقيق، نوعية الافلام اللي انا بكرهها

ولنفس الاسباب اللي انتي عشانها بتحبيها

سبحان الله فعلا. شوفي الانسان


مدونة لطيفة جدا بالمناسبة

:)

abu lara said...

ازيك يا ساسو
شفت الفيلم بس بصراحه وجدته سطحي في معالجه المواضيع اللي طرحها . و اخذ هاله اعلاميه توقعت يكون اقوى من هيك بصراحه الشغله الوحيده اللي بتلفت الانتباه هي الكم الهائل من الالفاظ "الجريئة" الوسخه.